Muralidhar Goud: ‘డీజే టిల్లు’, ‘బలగం’ ఫేమ్ మురళీధర్ గౌడ్ ఇంట విషాదం

Muralidhar Goud: తెలుగు చిత్ర పరిశ్రమలో తనదైన నటనతో ప్రత్యేక గుర్తింపు తెచ్చుకున్న నటుడు మురళీధర్ గౌడ్ (Muralidhar Goud) ఇంట్లో విషాద ఛాయలు అలుముకున్నాయి. ఆయన భార్య శశికళ (Sashikala) గత కొంతకాలంగా అనారోగ్యంతో బాధపడుతూ, చికిత్స పొందుతూ తుదిశ్వాస విడిచారు. ‘డీజే టిల్లు’ (DJ Tillu), ‘బలగం’ (Balagam) వంటి చిత్రాల్లో చేసిన పాత్రల్లో అద్భుతమైన నటనతో మెప్పించిన మురళీధర్ గౌడ్‌కు, భార్య మరణం తీరని లోటుగా మారింది. ఆయన సినీ కెరీర్ పుంజుకుంటున్న తరుణంలో ఇలాంటి వ్యక్తిగత నష్టం సంభవించడం పట్ల టాలీవుడ్ ప్రముఖులు దిగ్భ్రాంతి వ్యక్తం చేస్తున్నారు.

Also Read- Vijay and Trisha: విజయ్‌తో రిలేషన్.. వరుణ్, త్రిషల ఎంగేజ్‌మెంట్ ఫొటోలు వైరల్!

రామాయంపేటలో వార్డు మెంబర్‌గా

శశికళ కేవలం గృహిణిగా మాత్రమే కాకుండా, సామాజిక సేవా రంగంలోనూ చురుగ్గా ఉండేవారు. గతంలో ఆమె మెదక్ జిల్లా రామాయంపేటలో వార్డు మెంబర్‌గా పనిచేసి ప్రజలకు సేవలందించారు. ఆమె మృతితో రామాయంపేట ప్రాంతంలో కూడా విషాద ఛాయలు అలుముకున్నాయి. మురళీధర్ గౌడ్ ప్రభుత్వ ఉద్యోగం నుంచి రిటైర్మెంట్ తీసుకున్న తర్వాత వెండితెరపైకి వచ్చి అద్భుతమైన గుర్తింపు సాధించారు. ఆయన ఈ స్థాయికి చేరుకోవడంలో ఆయన భార్య ప్రోత్సాహం ఎంతో ఉందని సన్నిహితులు గుర్తు చేసుకుంటున్నారు.

Also Read- Jr.NTR -Prashanth Neel::ఎన్టీఆర్ నీల్ సినిమాలో సీనియర్ నటి.. చిరకాల కోరిక నెరవేరుతోందా?

ప్రముఖుల నివాళులు

శశికళ మరణవార్త విన్న వెంటనే పలువురు సినీ నటులు, దర్శకులు, నిర్మాతలు మురళీధర్ గౌడ్‌కు తమ ప్రగాఢ సంతాపం తెలియజేస్తున్నారు. ‘బలగం’ సినిమాతో తెలంగాణ సంస్కృతిని ప్రతిబింబించిన మురళీధర్ గౌడ్, ప్రస్తుతం వరుస సినిమాలతో బిజీగా ఉన్నారు. ఈ క్లిష్ట పరిస్థితుల్లో ఆయనకు భగవంతుడు మనోధైర్యాన్ని ప్రసాదించాలని కోరుకుంటూ ఆయన భార్య మృతికి సోషల్ మీడియాలో నెటిజన్లు నివాళులర్పిస్తున్నారు.

Also Read- Thalapathy Vijay: త్రిషతో పెళ్లికి వెళ్లినందుకు విజయ్‌కు చాలా ధైర్యం ఉంది అన్న దర్శకుడు..!

Share

• 
• 
• 
• 
• 
•