The Paradise: నాచురల్ స్టార్ నాని(Nani) హీరోగా నటిస్తున్న తాజా చిత్రం ది ప్యారడైజ్(The Paradise). డైరెక్టర్ శ్రీకాంత్ ఓదెల(Sreekanth Odela) దర్శకత్వంలో నాని ఈ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఇది వరకే వీరిద్దరి కాంబినేషన్లో దసరా సినిమా విడుదల అయ్యి ఎంతో అద్భుతమైన విజయాన్ని సొంతం చేసుకుంది. ఈ నేపథ్యంలోనే మరోసారి నాని శ్రీకాంత్ కాంబినేషన్లో అత్యంత భారీ బడ్జెట్ సినిమాగా ది ప్యారడైజ్ సినిమా ప్రేక్షకుల ముందుకు రాబోతోంది. ఈ సినిమా ఏకంగా 8 భాషలలో విడుదల కానుంది.
ఈ సినిమా విడుదల గురించి చిత్ర నిర్మాతలు చెరుకూరి సుధాకర్ ఈ సినిమాని 2026 మార్చి 26వ తేదీ 8 భాషలలో విడుదల చేయబోతున్నట్లు అధికారికంగా వెల్లడించారు. అయితే తాజాగా ఈ సినిమా విడుదల గురించి ఓ వార్త సోషల్ మీడియాలో వైరల్ అవుతుంది. కొన్ని కారణాల వల్ల ఈ సినిమా 2026 వేసవి సెలవలకు వాయిదా పడిందని అందుకే మార్చ్ 26వ తేదీ రామ్ చరణ్ హీరోగా నటించిన పెద్ది సినిమాని(Peddi Movie) విడుదల చేయబోతున్నారంటూ వార్తలు చక్కర్లు కొట్టాయి. అందుకు అనుగుణంగానే డైరెక్టర్ బుచ్చిబాబు కూడా ఈ సినిమా గురించి మాట్లాడుతూ చేసిన వ్యాఖ్యలు ప్రస్తుతం వైరల్ అవుతున్నాయి.
పెద్ది సినిమా దాదాపు 60% షూటింగ్ పూర్తి చేసుకుందని త్వరలోనే ఈ సినిమా నుంచి ఒక పాట కూడా ప్రేక్షకుల ముందుకు రాబోతుందని తెలిపారు. అలాగే ఈ సినిమాని మార్చి 26వ తేదీ విడుదల చేయబోతున్నామని వెల్లడించారు. దీంతో నాని సినిమా విడుదల వాయిదా పడిందని అందరూ భావిస్తున్న నేపథ్యంలో చిత్ర బృందం దీపావళి పండుగను పురస్కరించుకొని ఈ సినిమా నుంచి ఒక పోస్టర్ విడుదల చేశారు. చీకటిలో కూడా మరింత వెలుగును ఇస్తుంది అంటూ దీపావళి పండుగ శుభాకాంక్షలు తెలియజేస్తూ ఒక పోస్టర్ విడుదల చేశారు. ఇక ఈ పోస్టర్ లో ఈ సినిమా యధావిధిగా మార్చి26, 2026 న విడుదల కాబోతుందని తెలియజేశారు.
పాన్ ఇండియా స్థాయిలో విడుదల..
ఇలా ఈ పోస్టర్ ద్వారా ఈ సినిమా విడుదల విషయంలో ఎలాంటి మార్పులు లేవని, చిత్ర బృందం చెప్పకనే చెప్పేశారు.. దీంతో ఒకేసారి రామ్ చరణ్ నాని సినిమాలు పాన్ ఇండియా స్థాయిలో ప్రేక్షకుల ముందుకు వస్తూ పెద్ద ఎత్తున పోటీ పడబోతున్నాయని స్పష్టమవుతుంది. మరి ఈ బాక్స్ ఆఫీస్ వార్ లో విజయం ఎవరిని వరిస్తుందో తెలియాల్సి ఉంది. ఈ రెండు సినిమాలపై ఇప్పటికే భారీ స్థాయిలో అంచనాలు కూడా ఉన్నాయి. అలాగే ఈ రెండు సినిమాలలో హీరోలు కూడా విభిన్నమైన పాత్రలలో నటించబోతున్నారని స్పష్టమవుతుంది. మరి ఈ సినిమాలు విడుదల తేదీలలో ఎలాంటి మార్పులు లేకుండా బాక్స్ ఆఫీస్ బరిలో దిగుతారా?లేదంటే చివరి నిమిషంలో ఎవరో ఒకరు వెనకడుగు వేస్తారా? అనేది తెలియాల్సి ఉంది.
Also Read: Bahubali The Epic: రీ రిలీజ్ లో కూడా ఈ రేంజ్ బిజినెస్ ఏందీ సామి.. ప్రభాస్ కే సాధ్యమా?
Share
Sankranti 2026: సంక్రాంతి రేస్ లోకి మరో మూవీ.. టఫ్ ఫైట్ ఉండనుందా?
Samsung Galaxy M35: 200ఎంపి కెమెరా, 6000mAh బ్యాటరీ.. ఫ్లాగ్‌షిప్ అనుభూతినిచ్చే గెలాక్సీ ఎం35 5జీ ఫీచర్లు అదుర్స్
