SSC: నిరుద్యోగులకు స్టాఫ్ సెలక్షన్ కమిటీ (ఎస్ఎస్‌సీ) గుడ్ న్యూస్ తెలిపింది. టెన్త్ అర్హతతో భారీగా ఉద్యోగాల భర్తీకి నోటిఫికేషన్ రిలీజ్ చేసింది. వివిధ శాఖల్లో ఖాళీగా ఉన్న మొత్తం 11, 409 నాన్ టెక్నికల్, హవల్దార్ ఉద్యోగాల భర్తీకి నోటిఫికేషన్ విడుదలైంది. ఈ ఉద్యోగాలకు దరఖాస్తు ప్రక్రియ నేటితో ప్రారంభం కాగా.. ఫిబ్రవరి 17 రాత్రి 11 గంటల వరకు దరఖాస్తు చేసుకోవచ్చు. అప్లికేషన్ ఫీజు రూ. 100గా ఎస్ఎస్‌సీ నిర్ణయించింది. ఫీజును ఆన్‌లైన్ లేదా బ్యాంకులో చాలానా తీసి ఫిబ్రవరి 19లోగా పంపివ్వాలని సూచించింది.
నాన్ టెక్నికల్ ఉద్యోగాలకు వయోపరిమితి 18 నుంచి 25 ఏళ్లుగా, హవల్దార్ ఉద్యోగాలకు 18 నుంచి 27 ఏళ్లుగా నిర్ణయించింది. అలాగే ఎస్సీ, ఎస్టీలకు ఐదేళ్లు, ఓబీసీలకు మూడేళ్ల పాటు వయో పరిమితిలో సడలింపు ఇచ్చింది. ఈ పరీక్షలను రెండు సెషన్లలో నిర్వహించనున్నట్లు ఎస్ఎస్‌సీ అధికారులు వెల్లడించారు. సెషన్-1కు నెగిటివ్ మార్కులు ఉండవని, సెషన్-2కు నెగిటివ్ మార్కులు ఉంటాయని తెలిపారు. రెండు తెలుగు రాష్ట్రాల్లో పరీక్షా కేంద్రాలను ఏర్పాటు చేయనున్నట్లు వెల్లడించారు.
Instagram's New Feature: టీనేజర్ల కోసం ఇన్‌స్టా కొత్త ఫీచర్..
Centre for the Fourth Industrial Revolution (C4IR) : దేశ టెక్నాలజీలో మార్పులు.. సి4ఐఆర్ సన్నాహాలు..
