Best Millet Recipes: మన తాతలు, ముత్తాతలు వంద ఏళ్లయినా గట్టిగా ఉన్నారంటే కారణమేంటో తెలుసా? వాళ్లు తిన్న తిండి. అప్పట్లో వాళ్లు చిరుధాన్యాలనే ఎక్కువగా నమ్ముకునేవారు. కానీ ఇప్పుడు మనకేమో ప్రతిరోజూ ప్లేట్ నిండా తెల్లటి అన్నం ఉంటే గానీ కడుపు నిండదు. ఈ అన్నం వల్ల ఒంటికి వచ్చేది ఉట్టి కార్బోహైడ్రేట్లే. దీనివల్లే షుగర్ లెవల్స్ అమాంతం పెరిగిపోయి, రోజురోజుకీ డయాబెటిస్ బాధితులు ఎక్కువైపోతున్నారు. అందుకే.. షుగర్ పేషెంట్లు ఇన్సులిన్ ఇంజెక్షన్కు చెక్ పెట్టాలంటే.. అన్నం మానేసి ప్రతిరోజూ మీ డైట్లో ఈ చిరుధాన్యాలు ఉండేలా చూసుకోవాలి.
చిరుధాన్యాల్లో కొర్రల గురించి ప్రత్యేకంగా చెప్పక్కర్లేదు. ఇందులో పీచు పదార్థం పుష్కలంగా ఉంటుంది. ఇది జీర్ణక్రియకు చాలా మంచిది. మధుమేహం ఉన్నవారికి కొర్రల కిచిడి బెస్ట్ డిన్నర్. తరచూ ఇది తింటే షుగర్ లెవల్స్ ఒక్కసారిగా పెరగవు. దీనికి తోడు రకరకాల కూరగాయలు కలిపి వండుకుంటే రుచి అదిరిపోవడమే కాదు.. ఒంటికి విటమిన్లు కూడా అందుతాయి.
అరిసెలు అంటే మనకు ముందుగా గుర్తొచ్చేది సంక్రాంతి పిండివంటలే కదా? కానీ అరిసె ధాన్యంతో ఉప్మా చేసుకుంటే భలే రుచిగా ఉంటుంది. అన్నం తినాలనిపిస్తే.. అదే అరిసె ధాన్యంతో పులిహోర ట్రై చేయండి. ఇది తింటే గుండెకు కూడా చాలా మంచిది. బీపీని అదుపులో ఉంచడంలో ఇది భలే సాయపడుతుంది.
ముఖ్యంగా ఎండకాలంలో రాగి అంబలి తాగితే ఆ హాయి వేరు. ఇది శరీరాన్ని చల్లబరచడమే కాకుండా షుగర్ని కంట్రోల్లో ఉంచుతుంది. ఇక మధ్యాహ్నం పూట అన్నం తినే అలవాటు మానేసి.. వేడివేడి జొన్న రొట్టెలు అలవాటు చేసుకోండి. జొన్నల్లో ఉండే మెగ్నీషియం, కాల్షియం వల్ల ఎముకలు ఉక్కులా తయారవుతాయి. ఇవి తింటే త్వరగా ఆకలి వేయదు కాబట్టి.. అధిక బరువును కూడా తగ్గిస్తుంది.
సామలు, ఊదలు చూడటానికి అచ్చం అన్నంలానే ఉంటాయి. కాబట్టి మనం రోజూ తినే పప్పు లేదా కూరలతో వీటిని హ్యాపీగా తినేయొచ్చు. వీటిలో ఉండే యాంటీ ఆక్సిడెంట్లు మన శరీరంలోని మలినాలను బయటకు పంపేస్తాయి.
రోజూ ఒకే రకం కాకుండా ఈ చిరుధాన్యాలను మార్చి మార్చి తింటూ ఉండాలి. ఇలా చేస్తే శరీరంలోని ఇన్సులిన్ సెన్సిటివిటీ పెరుగుతుంది. ఫలితంగా రోజంతా నీరసం దరిచేరకుండా ఉత్సాహంగా ఉండొచ్చు. మన ఆహారంలో చేసే ఈ చిన్న మార్పులే మనల్ని పెద్ద పెద్ద జబ్బుల నుంచి కాపాడుతాయి.
ఇప్పటికే డయాబెటిస్తో బాధపడుతున్నవాళ్లు వైద్యుల సలహా మేరకు మాత్రమే ఇలాంటి రెసిపీలను ట్రై చేయాలి. ఈ కథనం ద్వారా మీతో పంచుకున్న సమాచారం కేవలం మీ అవగాహన కోసం మాత్రమే అనే విషయాన్ని గుర్తుంచుకోవాలి.
Share
శివయ్య ఆశీస్సులతో కొడుకుకు పేరు పెట్టిన ఆది సాయికుమార్..ఎంత క్యూట్ గా ఉందో!
Born: ఆ నెలలో పుట్టిన జాతకులు ఏ రంగంలో ఉన్నా నెంబర్ వన్ పొజిషన్ కు ఎదుగుతారట
