Dry Fish Curry: కోస్తా తీర ప్రాంతాల్లో.. పల్లెటూర్లలో ఎండుచేపల పులుసు చేసేటప్పుడు వచ్చే ఆ సువాసనే వేరు. వేడివేడి అన్నంలోకి ఈ పులుసు వేసుకుని తింటే అమృతంలా ఉంటుంది. అయితే చాలామందికి ఇంట్లో వండినప్పుడు ముక్క గట్టిగా అయిపోవడం లేదా చేదు రావడం జరుగుతుంటుంది. అలా కాకుండా.. పక్కా విలేజ్ స్టైల్లో సాఫ్ట్ ముక్కలతో, కమ్మని కొబ్బరి ఫ్లేవర్తో ఈ పులుసు ఎలా చేసుకోవాలో ఇప్పుడు చూద్దాం.
ఎండుచేప ముక్కలు, తురిమిన పచ్చి కొబ్బరి, ఉల్లిపాయలు, టమోటాలు, మునగకాయ, వంకాయ, పచ్చి మామిడికాయ ముక్కలు, జీలకర్ర, పచ్చిమిర్చి, కరివేపాకు, నూనె, పసుపు, కారం, ధనియాల పొడి, చింతపండు రసం.
Also Read: పిల్లలు ఇష్టంగా తినే ఈజీ బ్రేక్ఫాస్ట్.. బియ్యం లేకుండానే కరకరలాడే సాఫ్ట్ దోశ!
మొదటగా ఎండుచేప ముక్కలను ఇరవై నిమిషాల పాటు నీళ్లలో నానబెట్టి, ఆ తర్వాత శుభ్రంగా కడుక్కోవాలి. దీనివల్ల వాటిలోని అదనపు ఉప్పు, వాసన పోతాయి. ఆపై కొబ్బరి తురుము, జీలకర్ర, పచ్చిమిర్చి వేసి మిక్సీలో మెత్తటి పేస్ట్లా గ్రైండ్ చేసి పక్కన పెట్టుకోవాలి. ఇప్పుడు ఒక మందపాటి పాత్రలో నూనె వేడి చేసి, మొదట కరివేపాకు వేసి ఆపై ఉల్లిపాయ ముక్కలను మెత్తగా వేయించాలి.
ఆ తర్వాత టమోటా, మునగకాయ, వంకాయ, మామిడికాయ ముక్కలు వేసి కాసేపు మగ్గనివ్వాలి. ముక్కలు కాస్త ఉడికాక, ముందే సిద్ధం చేసుకున్న కొబ్బరి పేస్ట్, పసుపు, కారం, ధనియాల పొడి వేసి కలపాలి. వెంటనే చింతపండు రసం కూడా పోసి, మసాలాలన్నీ ముక్కలకు పట్టేలా పులుసును బాగా మరిగించాలి.
చివరగా.. పులుసు దగ్గర పడుతున్నప్పుడు శుభ్రం చేసిన ఎండుచేప ముక్కలను వేసి, మంటను మీడియంలో పెట్టి కొద్ది నిమిషాలు మాత్రమే ఉడికించాలి. ఎక్కువ సేపు ఉడికిస్తే ముక్క గట్టిగా అయిపోతుంది. పులుసుపై నూనె తేలగానే స్టవ్ ఆఫ్ చేసి, పైనుంచి మరికొన్ని తాజా కరివేపాకులు చల్లుకుంటే ఎంతో రుచికరమైన విలేజ్ స్టైల్ ఎండుచేపల పులుసు రెడీ. ఈ కూరను మరుసటి రోజు తింటే ఇంకా అద్భుతంగా ఉంటుంది.
Also Read: టేస్ట్ అట్లాస్ టాప్ లిస్ట్లో ఇండియన్ ఐస్క్రీమ్స్.. వీటిని హైదరాబాద్లోనే తినేయొచ్చని మీకు తెలుసా?
Share
ఏపీ ప్రభుత్వం కీలక నిర్ణయం.. ఏరులై పారనున్న మద్యం, తిరుపతికి బిగ్ రిలీఫ్
రూపాయి ఖర్చు లేకుండా.. ఇంట్లోని గాజు వస్తువులను డైమండ్లా మెరిపించే సూపర్ ఐడియా!
