‘గేదెల రాజు కాకినాడ తాలూకా’ మూవీ రివ్యూ: ఆ ట్వీస్టులే బలం, కానీ..

Movie Review :- Gedela Raju Kakinada Taluka Review

మూవీ రివ్యూ: గేదెల రాజు కాకినాడ తాలూకా (2026)

నటీనటులు: రఘు కుంచె, వికాస్ ముప్పాల, శ్రీకాంత్ అయ్యంగార్, రవి ఆనంద్ చిన్నిబిల్లి తదితరులు.
దర్శకత్వం: చైతన్య మోటూరి
నిర్మాత: వాణి రవికుమార్
సంగీతం: రఘు కుంచె

కథా నేపథ్యం:

కాకినాడలో అందరినీ గడగడలాడించే రౌడీ షీటర్ గేదెల రాజు అలియాస్ భగవాన్ రాజు (రఘు కుంచె). మొండితనం, తిరుగులేని వర్చస్సు ఉన్న రాజుకి రాజకీయాల్లోకి వెళ్లాలనే బలమైన కోరిక ఉంటుంది. కానీ, ఊహించని పరిణామాలు అతని జీవితాన్ని మలుపు తిప్పుతాయి. అసలు ఆ ‘స్టార్ట్లింగ్’ ఇన్సిడెంట్స్ ఏంటి? ఆల్కహాల్ బిజినెస్ చేసే దుర్గ (శ్రీకాంత్ అయ్యంగార్), సి.ఐ. స్వాతి (దివ్య) లతో రాజుకి ఉన్న లింక్ ఏంటి? ఈ గందరగోళంలో చిక్కుకున్న రెండు జంటల ప్రేమకథలు ఏ తీరానికి చేరాయి అనేదే ఈ సినిమా.

సినిమా విశ్లేషణ:

నటన: సినిమాకి ప్రధాన బలం రఘు కుంచె. ఒక భయంకరమైన రౌడీగా ఆయన బాడీ లాంగ్వేజ్, డైలాగ్ డెలివరీ చాలా నేచురల్‌గా ఉన్నాయి. అయన కళ్ళలో ఆ ఇంటెన్సిటీ బాగుంది. రవి ఆనంద్ చిన్నిబిల్లికి రఘు కుంచెతో సమానమైన స్క్రీన్ ప్రెజెన్స్ దక్కింది, అందులో ఉన్న ట్విస్ట్‌ను బాగా పండించాడు. శ్రీకాంత్ అయ్యంగార్ తన మార్క్ పొలిటీషియన్ రోల్‌లో అదరగొట్టగా, మిగిలిన నటీనటులు తమ పరిధి మేరకు నటించారు.

సినిమా సాంకేతిక విభాగం:

దర్శకుడు చైతన్య మోటూరి నాన్-లీనియర్ స్క్రీన్‌ప్లే ఎంచుకొని ప్రేక్షకుల్లో ఆసక్తి పెంచాలనుకున్నాడు. వాయిస్ ఓవర్ ద్వారా కథను నడిపించడం మొదట్లో బాగున్నా, అది వెళ్లేకొద్దీ బోర్ కొట్టించింది. ఇన్వెస్టిగేషన్ సీన్లు పాతకాలం నాటి సినిమాల్లా సాదాసీదాగా ఉన్నాయి. ముఖ్యంగా ఎడిటింగ్ మీద ఇంకాస్త దృష్టి పెట్టాల్సింది; అనవసరమైన సీన్లు సినిమా లెంగ్త్ పెంచేశాయి. రఘు కుంచె అందించిన బ్యాక్ గ్రౌండ్ స్కోర్ బాగుంది.

ప్లస్ పాయింట్స్:

రఘు కుంచె ఇంటెన్స్ పర్ఫార్మెన్స్.
సినిమాలో వచ్చే రెండు ప్రధాన ట్విస్టులు.
లోకల్ నేటివిటీని ప్రతిబింబించే సినిమాటోగ్రఫీ.

మైనస్ పాయింట్స్:

చాలా స్లోగా సాగే కథనం (Slow Pace).
కన్ఫ్యూజ్ చేసే స్క్రీన్‌ప్లే.
సాగతీతగా అనిపించే లవ్ స్టోరీస్.

అసలు ముచ్చట :-

“కాకినాడ గ్యాంగ్ – గిన్నెలు మస్తు వేడిగా ఉన్నా, లోపల వంట సరిగ్గా ఉడకలేదు!” సినిమా మొదలైన తీరు చూస్తే ఏదో అద్భుతం జరగబోతుందనిపిస్తుంది కానీ, క్లైమాక్స్ కి వచ్చేసరికి ఆ ఆవిరి కాస్త చల్లారిపోతుంది. ముర్డర్ మిస్టరీలను, క్రైమ్ డ్రామాలను ఇష్టపడేవారు ఓసారి ట్రై చేయొచ్చు.