‘రణబాలి’ మూవీ రివ్యూ.. విరోష్ జంట హ్యాట్రిక్ కొట్టిందా?

RanaBali Movie Review:నటీనటులు:
విజయ్ దేవరకొండ, రష్మిక మందన్న, లాల్, ఆర్నాల్డ్ వోస్లూ, ఈశ్వరి రావు, మధునందన్, వినోద్ సాగర్, మైమ్ మధు, కిషోర్ కుమార్ తదితరులు
దర్శకత్వం: రాహుల్ సంకృత్యాన్
సంగీతం: వివేక్ సాగర్
నిర్మాత: మైత్రీ మూవీ మేకర్స్

సినిమా కథేంటంటే:

ఇది 1854 నుంచి 1878 మధ్య కాలంలో జరిగే పీరియాడికల్ యాక్షన్ డ్రామా. సింగనమల బొబ్బిలి ప్రాంతానికి చెందిన రణబాలి (విజయ్ దేవరకొండ) ఆ ఊరి పాలెగాడి వారసుడు. పుట్టుకతోనే ప్రాణాపాయం ఉన్న రణబాలికి భద్రమల్లన్న స్వామి దయతో ఆయుష్షు లభిస్తుంది. అలా పెరిగిన రణబాలి మొదట్లో ఎవరిని లెక్కచేయకుండా తిరుగుతుంటాడు. ఆ తర్వాత అతని పెళ్లి జయమ్మ (రష్మిక)తో జరుగుతుంది. అదే సమయంలో మద్రాసు ప్రాంతంలో తీవ్రమైన కరువు కాటకాలు ఏర్పడటం, ప్రజలు పడుతున్న కష్టాలను రణబాలి స్వయంగా చూస్తాడు. అప్పటివరకు బాధ్యత లేకుండా తిరిగిన అతడు, ఆ కరువు పీడిత ప్రజలకు ఎలా అండగా నిలిచాడు? బ్రిటిష్ వారిని ఎలా ఎదిరించాడు? చివరికి ఏమైంది అనేదే ఈ చిత్ర అసలు కథ.

సినిమా విశ్లేషణ:

డైరెక్టర్ రాహుల్ సంకృత్యాన్ ఒక పవర్ ఫుల్ హిస్టారికల్ పాయింట్‌ను ఎంచుకొని ఈ సినిమాను తెరకెక్కించారు. అయితే తెరపై చూపించేటప్పుడు హింస, రక్తపాతం మోతాదు కొంచెం ఎక్కువగా ఉండటంతో ఫ్యామిలీ ఆడియన్స్‌కు ఇది కాస్త ఇబ్బందికరంగా అనిపించవచ్చు. ఒక పాలెగాడు ప్రజల కోసం తిరగబడే పాయింట్ బాగున్నప్పటికీ, దాన్ని మరింత భావోద్వేగభరితంగా మలచడంలో దర్శకుడు అక్కడక్కడా తడబడ్డారు. సినిమా రన్‌టైమ్ (నిడివి) మరియు కొన్ని సన్నివేశాలు నెమ్మదిగా సాగడం మైనస్‌గా మారుతుంది. ఇది పూర్తిగా కమర్షియల్ మాస్ సినిమాలా కాకుండా, దర్శకుడు నమ్మిన కథను చాలా హానెస్ట్‌గా చెప్పే ప్రయత్నం చేసిన ఒక డిఫరెంట్ అటెంప్ట్.