‘కిల్లర్’ మూవీ రివ్యూ.. కోటి రూపాయల ట్విస్ట్ ఎలా ఉందంటే?

Killer Movie:నటీనటులు: పూర్వాజ్, జ్యోతి పూర్వాజ్, చంద్రకాంత్, సుక్కు పూర్వాజ్ తదితరులు
దర్శకత్వం, నిర్మాణం: పూర్వాజ్

కిల్లర్ సినిమా కథేంటంటే:

రానియా జ్యోతి పూర్వాజ్ ఒక ప్రమాదంలో కోమాలోకి వెళ్తుంది. ఆమెను బతికించడానికి తమ్ముడు కార్తీక్ చంద్రకాంత్ పడే పాట్లు అన్నీ ఇన్నీ కావు. మరోవైపు, సైంటిస్ట్ పూర్వాజ్ ఆర్టిఫిషియల్ ఇంటెలిజెన్స్ (AI), అటవీ ప్రాంతంలో పడిన ఒక ఏలియన్ శక్తిని ఉపయోగించి మనుషులను సరికొత్త శక్తిగా మార్చే ప్రమాదకరమైన ప్రయోగాలు చేస్తుంటాడు. ఈ క్రమంలో రానియాను కాపాడేందుకు ఆ సైంటిస్ట్ చేసే ప్రయోగం ఎలాంటి విపత్కర పరిస్థితులకు దారితీసింది? అసలు రానియా గతం ఏంటి? అనేదే ఈ సైన్స్ ఫిక్షన్ కథాంశం.

సినిమా విశ్లేషణ:

డైరెక్టర్ కమ్ హీరో పూర్వాజ్ ఎప్పుడూ ఒక డిఫరెంట్ పాయింట్‌తో ప్రేక్షకుల ముందుకు రావాలని ప్రయత్నిస్తుంటారు. ఈసారి ‘కిల్లర్’ పేరుతో ఏలియన్, AI సైన్స్ ఫిక్షన్ జోనర్‌ను ఎంచుకున్నారు. అయితే, ఇక్కడ అసలు సమస్య అక్కడే వస్తుంది. ఒకే వ్యక్తి దర్శకత్వం వహించడం, నిర్మాణ బాధ్యతలు చూసుకోవడం మరియు తానే ప్రధాన పాత్రలో నటించడం వల్ల కథపై, స్క్రీన్‌ప్లేపై పూర్తి స్థాయిలో దృష్టి పెట్టలేకపోయారనే భావన కలుగుతుంది.సినిమా ఆరంభంలో ఏలియన్ కాన్సెప్ట్, ల్యాబ్ సెటప్‌తో కాస్త ఆసక్తికరంగానే మొదలైనప్పటికీ, కొద్దిసేపటికే కథ గాడి తప్పి గందరగోళంగా మారుతుంది. దర్శకుడు తన ఆలోచనలను తెరపై సరిగ్గా ఆవిష్కరించడంలో తడబడ్డారు. బలమైన భావోద్వేగాలు లేకపోవడంతో ప్రేక్షకులు సినిమాతో కనెక్ట్ కాలేకపోతారు. సైన్స్ ఫిక్షన్ మీద ఉన్న ఆసక్తిని చివరి వరకు నిలబెట్టడంలో స్క్రీన్ ప్లే విఫలమైంది.

also read:“బాసింగ బలాలు” పాటకి 11 లక్షలు ఖర్చుపెడితే ఎంత వచ్చిందో తెలుసా?