Gmail Phishing: జీమెయిల్ యూజర్లకు అలర్ట్.. ఒక్క క్లిక్‌తో మీ డేటా గల్లంతు, జాగ్రత్త..

Gmail Phishing: మీరు జీ మెయిల్ వాడుతున్నారా. అయితే జాగ్రత్త. ఎందుకంటే సైబర్ నేరస్థులు కొత్త ట్రాప్‌తో Gmail ఖాతాలను టార్గెట్ చేస్తున్నారు. ఈ ఫిషింగ్ స్కామ్ విషయంలో నిర్లక్ష్యం వద్దు. ఎందుకంటే అనుభవజ్ఞులైన వాళ్లను కూడా ఇది ముంచేస్తోంది. X ప్లాట్‌ఫామ్‌లో ఒక యూజర్ ఈ స్కామ్‌ను బయటపెట్టడంతో గూగుల్ కూడా అలర్ట్ అయింది. మరి, ఈ స్కామ్ ఏంటి? ఎలా పనిచేస్తుంది? మీరు సేఫ్‌గా ఉండటం ఎలా? అనే విషయాలను ఇప్పుడు తెలుసుకుందాం.

కొత్త స్కామ్ ఏంటి? ఎలా వర్క్ చేస్తుంది?
సాఫ్ట్‌వేర్ డెవలపర్ నిక్ జాన్సన్ Xలో ఈ స్కామ్ గురించి షాకింగ్ డీటెయిల్స్ షేర్ చేశారు. అతనికి “no-reply@google.com” నుంచి వచ్చినట్టు కనిపించే ఒక ఇమెయిల్ వచ్చింది. అందులో, అతని గూగుల్ ఖాతా డేటాకు సంబంధించి సమన్లు జారీ అయ్యాయని, వెంటనే యాక్షన్ తీసుకోవాలని రాసుంది. ఇంకా, గూగుల్ సపోర్ట్ పేజీలా కనిపించే ఒక లింక్ కూడా ఉంది. కానీ, ఆ లింక్ నిజానికి sites.google.comలో హోస్ట్ అయిన నకిలీ సైట్‌కు తీసుకెళ్లింది.

ఈ స్కామ్ ఎందుకు డేంజరస్?
ఇది గూగుల్ DKIM సెక్యూరిటీ చెక్‌లను బైపాస్ చేస్తుంది. దీనివల్ల ఇమెయిల్ 100% ఒరిజినల్‌గా కనిపిస్తుంది. నకిలీ ఇమెయిల్‌లు నిజమైన గూగుల్ హెచ్చరికలతో ఒకే Gmail థ్రెడ్‌లో మిక్స్ అవుతాయి. దీంతో మోసపోయే ఛాన్స్ ఎక్కువ. ఒకవేళ మీరు ఆ లింక్ క్లిక్ చేసి, నకిలీ లాగిన్ పేజీలో డీటెయిల్స్ ఎంటర్ చేస్తే… అంతే! మీ ఖాతా సమాచారం మొత్తం సైబర్ దొంగల చేతిలోకి వెళ్లినట్లే.

Read Also: Viral Video: టాబ్లెట్‌ను తొక్కి, నేలపై విసిరేసిన కేంద్ర మంత్రి.. .

గూగుల్ ఏం చేస్తోంది?
గూగుల్ ఈ స్కామ్‌ను OAuth, DKIM దుర్వినియోగంగా గుర్తించింది. వాళ్లు ఇప్పటికే ఈ సమస్యను ఫిక్స్ చేయడానికి స్టెప్స్ తీసుకుంటున్నారు. ఫ్యూచర్‌లో ఇలాంటి ఎటాక్స్ రాకుండా సెక్యూరిటీ సిస్టమ్స్‌ను మరింత టైట్ చేస్తున్నారు. అంతేకాదు, యూజర్లు తమ ఖాతాలను సేఫ్‌గా ఉంచుకోవడానికి రెండు కారకాల ప్రామాణీకరణ (2FA) ఆన్ చేయమని సజెస్ట్ చేస్తోంది. పాస్‌కీలు వంటి సెక్యూర్ ఆప్షన్స్ యూజ్ చేయమని చెబుతోంది.

సేఫ్‌గా ఉండటం ఎలా?
ఈ స్కామ్ నుంచి రక్షణ పొందడానికి ఈ సింపుల్ టిప్స్ ఫాలో అవ్వండి

-లింక్‌లను క్లిక్ చేయొద్దు: అనుమానాస్పద ఇమెయిల్‌లలో లింక్‌లపై క్లిక్ చేయడం అవాయిడ్ చేయండి. గూగుల్ అఫీషియల్ వెబ్‌సైట్ లేదా యాప్ ఓపెన్ చేసి మీ ఖాతాను చెక్ చేయండి.

-డొమైన్ చెక్ చేయండి: ఇమెయిల్ గూగుల్ నుంచి వచ్చినట్టు కనిపించినా, డొమైన్ పేరును కేర్‌ఫుల్‌గా చూడండి. నిజమైన గూగుల్ ఇమెయిల్‌లు సాధారణంగా “google.com” నుంచి వస్తాయి.

-2FA ఆన్ చేయండి: రెండు-కారకాల ప్రామాణీకరణ ఆన్ చేస్తే మీ ఖాతాకు ఎక్స్‌ట్రా సెక్యూరిటీ లేయర్ వస్తుంది. గూగుల్ ఆథెంటికేటర్ యాప్ లేదా పాస్‌కీలు యూజ్ చేయడం బెస్ట్!

-ఖాతా యాక్టివిటీ చెక్ చేయండి: Gmailలోని “Account Activity Details” లింక్ యూజ్ చేసి, మీ ఖాతాలో అనధికార లాగిన్‌లు లేదా సస్పిషియస్ యాక్టివిటీ ఉందేమో చెక్ చేయండి.

-ఈ కొత్త ఫిషింగ్ స్కామ్ Gmail యూజర్లకు సీరియస్ థ్రెట్ అని టెక్ వర్గాలు చెబుతున్నాయి. ఇది నిజమైన గూగుల్ ఇమెయిల్‌లా కనిపిస్తూ, సెక్యూరిటీ చెక్‌లను కూడా బైపాస్ చేస్తోంది.

Share

• 
• 
• 
• 
• 
•