Email Assistant: ప్రతిరోజూ మన ఫోన్లోకి చాలా ఇ-మెయిల్స్ వస్తుంటాయి. ఆఫీస్ వర్క్‌ అయినా.. బిజినెస్‌కు సంబంధించిన ఇ-మెయిల్స్ అయినా కొన్నిటికి కచ్చితంగా రిప్లై ఇవ్వాల్సిందే. అలా మీరు కూడా రోజంతా ఇ-మెయిల్స్కు రిప్లై ఇస్తూ సమయం వృథా చేసుకుంటున్నారా? అయితే, మీ కోసమే ఈ సరికొత్త ఏఐ టూల్. ఈ టూల్ మీ ఇ-మెయిల్‌ను మీలాగే రాసి.. మీ పనిని సులభతరం చేస్తుంది. దానికోసమే Perplexity ఈ కొత్త ఇ-మెయిల్‌ అసిస్టెంట్‌ని తీసుకొచ్చింది. ఆ వివరాల్లోకి వెళ్తే..
Perplexity తీసుకొచ్చిన ఈ సరికొత్త ఏఐ టూల్ యూజర్లు తమ ఇ-మెయిల్‌ బాక్స్‌ని సమర్థవంతంగా నిర్వహించుకోవడానికి, డ్రాఫ్ట్‌ తయారు చేయడానికి ఉపయోగపడుతుంది. ఈ ఏఐ టూల్ ప్రస్తుతం Perplexity Max సబ్‌స్ర్కైబర్‌లకు మాత్రమే అందుబాటులో ఉంది. త్వరలో మిగతా వారికి కూడా అందుబాటులోకి తేవచ్చు.
ఇ-మెయిల్స్కు పర్సనల్ సెక్రటరీగా వచ్చిన ఈ కొత్త ఏఐ టూల్.. ప్రస్తుతం Gmail, Outlook లాంటి ప్రముఖ ఇ-మెయిల్‌ సర్వీసులతో సింక్‌ అయ్యి పనిచేస్తుంది. ఈ అసిస్టెంట్ కేవలం ఆటోమేటిక్‌ రిైప్లెలను మాత్రమే కాకుండా.. వినియోగదారుడి సంభాషణ శైలిని, టోన్‌ను నేర్చుకుంటుంది. అంటే.. మీ వ్యక్తిగత స్టైల్లోనే పర్సనలైజ్డ్‌ రిైప్లెలు తయారుచేస్తుందన్న మాట.
మీకొచ్చే ఇ-మెయిల్స్ ఆధారంగా.. మీ షెడ్యూల్‌కు సరిపోయే మీటింగ్‌ టైమింగ్స్‌ను సూచిస్తుంది. ఈ అసిస్టెంట్ యూజర్ల భద్రతకు అధిక ప్రాధాన్యం ఇస్తుంది. దీన్ని వాడటం చాలా సులభం. మీ రిజిస్టర్డ్‌ ఇ-మెయిల్‌ ఖాతా నుంచి assistant@perplexity.comకు జస్ట్ ఒక మెయిల్‌ చేస్తే చాలు. టూల్ లింక్‌ అయిన వెంటనే ఆటోమేటిక్‌గా పనిచేస్తుంది.
ఇది మీకొచ్చే ముఖ్యమైన మెయిల్స్‌ను ముందుగా చూపిస్తుంది. గ్రూప్‌ మెయిల్స్‌ను ఆర్గనైజ్‌ చేస్తుంది. అంతేకాదు, ఈ అసిస్టెంట్‌ను మీ ఇన్‌బాక్స్‌ గురించి కూడా ప్రశ్నలు అడగవచ్చు. ఉదా: బోర్డు మీటింగ్‌ ముందు నేను ఏ మెయిల్స్కు ప్రాధాన్యం ఇవ్వాలి? అని అడిగారనుకోండి.. క్షణాల్లోనే ముఖ్యమైన సమాచారాన్ని సేకరించి మీ ముందు ఉంచుతుంది.
Share
Rashmika Mandanna: విజయ్ తో ఆ సినిమా చాలా ప్రత్యేకం.. అసలు విషయం చెప్పిన రష్మిక!
CM Chandrababu: రూ. 1,01,899 కోట్ల భారీ పెట్టుబడులకు సీఎం చంద్రబాబు గ్రీన్ సిగ్నల్
