Phone Fake charger| మీ ఫోన్ ఛార్జర్ మీకు హాని చేయవచ్చు. సరైన ఫోన్ ఛార్జర్ లేకపోతే ఫోన్లు పేలిపోవడం లేదా త్వరగా డ్యామేజ్ అయ్యే ఛాన్సులు ఉన్నాయి. ఈ ప్రమాదాల గురించి ఇటీవలే భారత ప్రభుత్వం ఒక హెచ్చరిక జారీ చేసింది. కొత్తగా ఒక కన్స్యూమర్ నోటిఫికేషన్ ఇచ్చింది. అందులో సబ్‌స్టాండర్డ్ (తక్కువ క్వాలిటీ) ఛార్జర్లు ప్రమాదకరమని హెచ్చరించింది. అందుకే ఫోన్ ఛార్జర్ కొనుగోలు చేయాలనుకుంటే ముందుగా ఆ ఛార్జర్ క్వాలిటీ కోసం సేఫ్టీ మార్క్ ను ముందుగా చూసుకోవాలి.
ఛార్జర్ కొనేటప్పుడు CRS మార్క్ ఉందా లేదా అని ముందుగా చెక్ చేసుకోవడం చాలా ముఖ్యం. ఇది ప్రొడక్ట్ భద్రతా స్టాండర్డ్స్‌ను కలిగి ఉందని చూపిస్తుంది. భారత ప్రభుత్వం కన్స్యూమర్ అఫైర్స్ డిపార్ట్‌మెంట్ అధికారికంగా ఈ విషయాన్ని ప్రకటించింది. ఫేక్ ప్రొడక్ట్స్‌ అంటే నకిలీ ఛార్జర్ల భద్రతా సర్టిఫికేషన్ మార్క్ ఉండదు. ఈ మార్క్ లేని ఛార్జర్లు ఉపయోస్తే ప్రమాదకరం.
సబ్‌స్టాండర్డ్ ఛార్జర్లు త్వరగా వేడెక్కిపోతాయి. ఆ తరువాత ఎలక్ట్రికల్ షార్ట్ సర్క్యూట్‌ జరిగి తీవ్ర అగ్ని ప్రమాదాలు జరుగుతాయి. ఫాల్టీ ఛార్జర్ మీ ఫోన్‌ను త్వరగా డ్యామేజ్ చేస్తుంది. మీ కుటుంబ భద్రతను కూడా ప్రమాదంలో పడేస్తుంది.
ఛార్జర్ బరువును ముందుగా గుర్తు పట్టాలి. నకిలీ ఛార్జర్ అసలు ఛార్జర్ కంటే తేలికగా ఉంటుంది. అలా ఉంటే అందులో క్వాలిటీ ఉండదు. ఆ వెంటనే ఛార్జర్ పై CRS మార్క్ చూడండి. జాగ్రత్తగా ఛార్జర్ అంతా పరీక్షించండి. డివైస్‌పై ప్రింటింగ్ క్వాలిటీ చూడండి. అసలు ఛార్జర్‌తో పోల్చండి. ఫేక్ కేబుల్స్ కూడా తక్కువ బరువు ఉంటాయి. ఈ తేడాలు కనిపిస్తే పోలీసులకు, అధికారులకు రిపోర్ట్ చేయండి.
ఫేక్ ఛార్జర్లు మీ ఫోన్ బ్యాటరీని త్వరగా పాడుచేస్తాయి. ఛార్జింగ్ స్పీడ్ చాలా నెమ్మదిగా ఉంటుంది. బ్యాటరీ త్వరగా డ్రెయిన్ అవుతుంది. ఛార్జింగ్ టైమ్ కూడా చాలా ఎక్కువ. డివైజ్ మదర్‌బోర్డ్ డ్యామేజ్ అవుతుంది. రిపేర్ ఖర్చు ఎక్కువ అవుతుంది.
డివైస్ నెమ్మదిగా రన్ అవుతుంది. యాప్స్ లోడ్ అవడానికి ఎక్కువ టైమ్ పడుతుంది. ఛార్జింగ్ సమయంలో ఫోన్ ఎక్కువ వేడెక్కుతుంది. సిస్టమ్ తరచూ క్రాష్ అవుతుంది. ఫేక్ ఛార్జర్ ఉపయోగిస్తే ఫోన్ పెర్ఫార్మెన్స్ పూర్తిగా పాడవుతుంది.
ఛార్జర్లు కొనేటప్పుడు అధికారిక వెండర్లు అంటే బ్రాండెట్ అవుట్ లెట్స్ లేదా అధికారిక వెబ్ సైట్స్ నుంచి మాత్రమే కొనండి. ప్యాకేజీపై వెరిఫై చేసే ఫీచర్లు చూడండి. మీ అసలు ఛార్జర్.. మీ ఫోన్ ఆరోగ్యాన్ని కాపాడడమే కాకుండా ప్రమాదాలను కూడా నివారిస్తుంది.
Also Read: జేబులో సరిపోయే ఫొటో ప్రింటర్.. షావోమీ కొత్త గాడ్జెట్ గురించి తెలుసా
Share
Vande Bharat Trains: నాలుగు వందే భారత్ రైళ్లను ప్రారంభిస్తున్న ప్రధాని మోదీ.. తెలుగు రాష్ట్రాలకు?
Deepthi Manne: పెళ్లి పీటలు ఎక్కిన జగదాత్రి సీరియల్ నటి.. ఫోటోలు వైరల్!
