Motorola Edge 50 Ultra: మోటరోలా ఎడ్జ్ 50 అల్ట్రా, ఈ పేరు విన్నవారికి తెలిసినట్టుగానే ఇది ప్రీమియం క్లాస్‌లో ఉండే ఫోన్. అందంగా, ఆకర్షణీయంగా, శక్తివంతంగా ఉండే ఈ స్మార్ట్‌ఫోన్‌ ఇప్పుడు మరోసారి టెక్ ప్రపంచంలో చర్చనీయాంశమైంది. కారణం దీని కొత్త ధర. తాజాగా ప్రకటించిన భారీ తగ్గింపు తర్వాత ఈ ఫోన్ ఇప్పుడు మళ్లీ కొనుగోలుదారుల దృష్టిని ఆకర్షిస్తోంది. ప్రారంభంలోనే మోటరోలా ఎడ్జ్ 50 అల్ట్రా ఫ్లాగ్‌షిప్‌ ఫీచర్లతో విడుదలై మంచి స్పందన తెచ్చుకుంది. అయితే, ధర కొంతమందిని వెనక్కి తగ్గించింది. ఇప్పుడు తగ్గించిన ధరతో ఈ ఫోన్ వెల్యూ ఫర్ మనీ లెవల్‌కి చేరింది.
డిజైన్‌ ప్రీమియం క్లాస్‌
మోటరోలా ఎడ్జ్ 50 అల్ట్రా డిజైన్‌ చూస్తేనే దాని ప్రీమియం క్లాస్‌ అర్థమవుతుంది. వెనుక భాగంలో ఉన్న లెదర్‌ ఫినిష్‌, మెరిసే కర్వ్‌డ్‌ డిస్‌ప్లే, అల్యూమినియం ఫ్రేమ్‌ ఇవన్నీ ఫోన్‌కి ఒక విలాసవంతమైన లుక్‌ ఇస్తాయి. కేవలం రూపమే కాదు, రక్షణలో కూడా ఇది ముందుంది. ఐపి68 సర్టిఫికేషన్‌తో నీటిలో పడినా, దుమ్ములో ఉన్నా ఫోన్‌కి ఏమి కాదు.
డిస్‌ప్లే సింప్లీ సూపర్
డిస్‌ప్లే విషయానికి వస్తే, ఇది 6.67 అంగుళాల పోల్డ్ స్క్రీన్‌తో వస్తుంది. 144Hz రిఫ్రెష్ రేట్‌, హెచ్‌డిఆర్10 ప్లస్ సపోర్ట్‌, 2500 నిట్స్ బ్రైట్నెస్‌ ఈ స్క్రీన్‌ను ఏ కోణంలో చూసినా కళ్ళకు మాయ చేసేలా చేస్తాయి. గేమింగ్‌ అయినా, సినిమాలు చూసే పనైనా ఈ స్క్రీన్‌ అనుభవం ప్రీమియం స్థాయి.
క్వాల్కమ్ స్నాప్‌డ్రాగన్ 8s జెన్3 ప్రాసెసర్‌
మోటరోలా ఎడ్జ్ 50 అల్ట్రాలో క్వాల్కమ్ స్నాప్‌డ్రాగన్ 8s జెన్3 ప్రాసెసర్‌ను ఉపయోగించారు. ఇది 4nm టెక్నాలజీతో తయారైన అత్యంత వేగవంతమైన చిప్‌. దాంతోపాటు 12జిబి ఎల్‌పిడిడిఆర్5ఎక్స్ ర్యామ్, 512జిబి యూఎఫ్ఎస్ 4.0 స్టోరేజ్‌ ఉండడం వల్ల ఈ ఫోన్ బలమైన పెర్ఫార్మెన్స్‌ ఇస్తుంది. గేమ్స్‌, మల్టీటాస్కింగ్‌, వీడియో ఎడిటింగ్‌ ఏ పని అయినా లాగ్ లేకుండా జరుగుతుంది.
Also Read: IRCTC Packages: రామేశ్వరం నుంచి అయోధ్య వరకు.. భారత గౌరవ్ రైల్లో శ్రీ రామాయణ యాత్ర
3ఎక్స్ ఆప్టికల్‌ జూమ్‌ కెమెరా
కెమెరా సెటప్‌లో మోటరోలా ఎడ్జ్ 50 అల్ట్రా అగ్రస్థానంలో నిలుస్తుంది. వెనుక భాగంలో 50 మెగాపిక్సల్ ప్రైమరీ కెమెరా, 64 మెగాపిక్సల్ టెలిఫోటో లెన్స్‌, 50 మెగాపిక్సల్ అల్ట్రా వైడ్‌ కెమెరా ఉన్నాయి. ఫోటో క్లారిటీ, లైటింగ్‌, కలర్‌ బలెన్స్‌ అన్నీ అద్భుతంగా ఉంటాయి. 3ఎక్స్ ఆప్టికల్‌ జూమ్‌తో కూడిన టెలిఫోటో లెన్స్‌ డీటెయిల్‌ షాట్స్‌ కోసం చాలా ఉపయోగకరం. ఫ్రంట్‌లో 50 మెగాపిక్సల్ కెమెరా ఉండటంతో సెల్ఫీలు ప్రొఫెషనల్‌ లెవల్‌లో వస్తాయి.
4600mAh బ్యాటరీ
ఇక బ్యాటరీ విషయానికి వస్తే, 4600mAh సామర్థ్యం ఉన్న బ్యాటరీతో వస్తున్నా 125W టర్బోపవర్‌ ఫాస్ట్‌ ఛార్జింగ్‌ దీని అసలు హైలైట్‌. కేవలం 20 నిమిషాల్లోనే ఫోన్ పూర్తి ఛార్జ్‌ అవుతుంది. 50W వైర్‌లెస్‌ ఛార్జింగ్‌, 10W రివర్స్‌ ఛార్జింగ్‌ సపోర్ట్‌ కూడా ఉండటంతో ఉపయోగకరత మరింత పెరిగింది.
4 సంవత్సరాల సెక్యూరిటీ ప్యాచెస్‌ హామీ
సాఫ్ట్‌వేర్‌ విషయానికి వస్తే, ఆండ్రాయిడ్ 14 ఆధారంగా మైయుఎక్స్ ఇంటర్‌ఫేస్‌ ఉంది. ఫోన్ చాలా క్లీనుగా, బ్లోట్‌వేర్‌ లేకుండా ఉంటుంది. మోటరోలా నుంచి 3 సంవత్సరాల సాఫ్ట్‌వేర్‌ అప్‌డేట్స్‌, 4 సంవత్సరాల సెక్యూరిటీ ప్యాచెస్‌ హామీ ఇచ్చారు.
ఏకంగా 10వేల రూపాయలు తగ్గింపు
ఇప్పుడు అందరికీ ఆసక్తి కలిగిస్తున్న అంశం, ధరలో వచ్చిన భారీ తగ్గింపు. లాంచ్‌ సమయంలో ఈ ఫోన్ ధర రూ.59,999గా ఉండగా, తాజాగా ఫ్లిప్‌కార్ట్‌, మోటరోలా వెబ్‌సైట్‌లో దీన్ని రూ.49,999కి అందిస్తున్నారు. కొన్ని బ్యాంక్‌ ఆఫర్లు, ఎక్స్చేంజ్‌ బోనస్‌లు కలిపితే ధర రూ.44,999 వరకు పడుతోంది. అంటే, ఫ్లాగ్‌షిప్‌ లెవల్‌ ఫీచర్లతో ఉన్న ఈ ఫోన్ ఇప్పుడు మధ్యస్థ బడ్జెట్‌లో అందుబాటులోకి వచ్చింది. ఈ ఆఫర్‌తో మోటరోలా ఇతర బ్రాండ్లకు గట్టి సవాల్‌ విసిరింది. టెక్ ప్రేమికులు ఈ ఆఫర్‌ను తప్పక పరిశీలించాల్సిందే.
Share
FATHI: ఉన్నత విద్యా సంస్థల సమాఖ్యకు హైకోర్టులో చుక్కెదురు.. వారం తర్వాతే సభకు అనుమతి
BBL New Rule : BBLలో కొత్త రూల్స్‌...ఇకపై బంతి తాకితే అభిమానుల‌కే, త్వ‌ర‌లో ఐపీఎల్ లో కూడా
