Honor Magic V3: అల్లాడించే ఫోన్.. 50W వైర్‌లెస్ ఫాస్ట్ ఛార్జింగ్‌ సపోర్ట్‌తో హానర్ మ్యాజిక్ వి3.. తట్టుకోవడం కష్టమే..!

Honor Magic V3: హానర్ త్వరలో ఒక కొత్త స్మార్ట్‌ఫోన్‌ను లాంచ్ చేసేందుకు సిద్ధమైంది. తన లైనప్‌లో ఉన్న Honor Magic V3 ఫోల్డబుల్ మొబైల్‌ను ప్రపంచ వ్యాప్తంగా రిలీజ్ చేసేందుకు సన్నాహాలు చేస్తుంది. కంపెనీ ఇటీవలే ఈ స్మర్ట్‌ఫోన్‌ను చైనాలో లాంచ్ చేసింది. ఇప్పుడు దాని గ్లోబల్ మోడల్ బెంచ్‌మార్క్ ప్లాట్‌ఫారమ్‌లో గుర్తించబడింది. ఈ ఫోన్‌లో 12 GB RAM ఉండవచ్చని తెలుస్తోంది. అంతేకాకుండా ఇది Snapdragon 8 Gen 3 చిప్‌సెట్‌లో వచ్చే అవకాశం ఉంది. దీనితో పాటు ఇంకా చాలా స్పెసిఫికేషన్‌లు ఉన్నాయి. అవేంటో ఇప్పుడు తెలుసుకుందాం..

Honor Magic V3 అనేది కంపెనీకి చెందిన ప్రసిద్ధ ఫోల్డబుల్ ఫోన్. ఈ బ్రాండ్ ఇప్పుడు ప్రపంచ మార్కెట్‌లోకి తీసుకురావడానికి కంపెనీ సిద్ధమవుతోంది. ఈ ఫోన్ తాజాగా బెంచ్‌మార్క్ సర్టిఫికేషన్‌ను పొందింది. దీని ప్రకారం.. హానర్ మ్యాజిక్ V3 గ్లోబల్ మోడల్ బెంచ్‌మార్క్ ప్లాట్‌ఫారమ్ గీక్‌బెంచ్‌లో కనిపించింది. ఇక్కడ మోడల్ నంబర్ FCP-N49తో Honor Magic V3 ఫోన్ దర్శనమిచ్చింది. ఈ ఫోన్ Qualcomm Snapdragon 8 Gen 3 SoC ప్రాసెసర్‌ని కలిగి ఉంటుందని తెలుస్తోంది.

ఇది ఎనిమిది-కోర్ చిప్‌సెట్‌తో రానుంది. హానర్ మ్యాజిక్ V3 గ్లోబల్ వేరియంట్‌లో 12GB RAM ఉంటుంది. గ్రాఫిక్స్ ప్రాసెసింగ్ కోసం Adreno 750 GPU ఇందులో అందించారు. ఇది కాకుండా ఈ Honor Magic V3 ఫోల్డబుల్ ఫోన్ ఆండ్రాయిడ్ 14 ఆధారిత మ్యాజిక్ OS 8.0 తో వస్తుంది. సింగిల్ కోర్ పరీక్షలో ఫోన్ 1914 పాయింట్లు సాధించింది. మల్టీ కోర్ టెస్ట్‌లో 5354 పాయింట్లు సాధించింది. ఇక ఈ గ్లోబల్ వేరియంట్‌కి సంబంధించిన మరిన్ని వివరాలు త్వరలో వెల్లడి కావాల్సి ఉంది.

 Also Read: అల్లాడించే మ్యాజిక్ ఫోన్.. డీప్‌ఫేక్ డిటెక్షన్ టెక్నాలజీతో హానర్ వచ్చేస్తుంది.. ఇక సూస్కో మావా

Honor Magic V3 చైనీస్ వేరియంట్ విషయానికొస్తే.. ఫోన్ 7.92 అంగుళాల ప్రైమరీ FHD+ LTPO OLED డిస్‌ప్లే, 6.43 అంగుళాల LTPO OLED కవర్ డిస్‌ప్లేను కలిగి ఉంది. రెండు స్క్రీన్‌లు గరిష్ట ప్రకాశం 5,000 నిట్‌ల వరకు ఉంటాయి. ఫోన్ 16GB LPDDR5x RAM + 512GB UFS 4.0 స్టోరేజ్‌ను కలిగి ఉంది. స్నాప్‌డ్రాగన్ 8 Gen 3 చిప్‌సెట్‌తో అమర్చబడింది. ఇది Android 14 ఆధారంగా MagicOS 8.0.1 పై రన్ అవుతుంది. హానర్ మ్యాజిక్ V3 ట్రిపుల్ రియర్ కెమెరా సెటప్‌ను కలిగి ఉంది.

ఇందులో ఆప్టికల్ ఇమేజ్ స్టెబిలైజేషన్ (OIS), 50-మెగాపిక్సెల్ పెరిస్కోప్ లెన్స్, 40-మెగాపిక్సెల్ అల్ట్రా-వైడ్ కెమెరాతో కూడిన 50-మెగాపిక్సెల్ ప్రైమరీ కెమెరా ఉంటుంది. ముందు భాగంలో ఇది 40-మెగాపిక్సెల్ వైడ్ యాంగిల్ సెల్ఫీ షూటర్‌ని కలిగి ఉంది. ఫోన్ 66W వైర్డు, 50W వైర్‌లెస్ ఫాస్ట్ ఛార్జింగ్‌కు మద్దతు ఇచ్చే 5,150mAh సిలికాన్ కార్బన్ బ్యాటరీని ప్యాక్ చేస్తుంది.

Share

• 
• 
• 
• 
• 
•