Iphone Hacking Risk| ఐఫోన్ యూజర్లకు యాపిల్ కంపెనీ ఒక ముఖ్యమైన భద్రతా హెచ్చరిక జారీ చేసింది. పాత iOS వెర్షన్లలో కనుగొన్న తీవ్రమైన లోపాలు కనుగొన్న.. హ్యాకర్లు మీ ఫోన్ను రిమోట్గా హైజాక్ చేయడం, డేటాను దొంగిలించడం లేదా వ్యక్తిగత సమాచారాన్ని యాక్సెస్ చేసే ప్రమాదముందని ఈ హెచ్చరికలో పేర్కొంది. అందుకే ఈ హ్యాకింగ్ ప్రమాదాన్ని ఎదుర్కొనేందుకు iOS 18.5 అప్డేట్ను వెంటనే ఇన్స్టాల్ చేయాలని సూచించింది. iOS 18.5 ఈ లోపాలను సరిచేస్తూ.. కొత్త ఫీచర్లు, పనితీరు మెరుగుదలలను అందిస్తుంది.
ఐఫోన్ 16e మోడళ్లలో బేస్బ్యాండ్ లోపం, ఒకే నెట్వర్క్లో ఉన్న హ్యాకర్లు మీ డేటాను గమనించేలా చేస్తుంది. యాపిల్ ఈ సమస్యను మెరుగైన స్టేట్ మేనేజ్మెంట్తో పరిష్కరించింది.
మరోవైపు కంపెనీ ఐఫోన్ 17 సిరీస్ని లాంచ్ చేయనుంది.
యాపిల్ ఐఫోన్ 17 సిరీస్ సెప్టెంబర్ 2025లో లాంచ్ కానుంది, ఇందులో నాలుగు మోడళ్లు ఉంటాయి. ఐఫోన్ 17, ఐఫోన్ 17 ఎయిర్, ఐఫోన్ 17 ప్రో, ఐఫోన్ 17 ప్రో మాక్స్. ఈసారి “ప్లస్” మోడల్ను తొలగించి, కొత్త “ఎయిర్” మోడల్ను పరిచయం చేస్తోంది.
డిజైన్, డిస్ప్లే
ఐఫోన్ 17 ఎయిర్.. యాపిల్ సిరీస్లో అత్యంత సన్నని ఫోన్గా ఉంటుంది. కేవలం 5.5 మి.మీ. మందంతో, 6.6 ఇంచ్ స్క్రీన్తో వస్తుంది. ఐఫోన్ 17 సాధారణ మోడల్ 6.3 ఇంచ్ డిస్ప్లేతో ఐఫోన్ 16 లాంటి డిజైన్ను కలిగి ఉంటుంది. ప్రో మోడళ్లు వెనుక హారిజాంటల్ కెమెరా బార్తో అల్యూమినియం సైడ్స్, గ్లాస్ బ్యాక్తో కొత్త రూపాన్ని అందిస్తాయి. అన్ని మోడళ్లలో 120Hz ప్రోమోషన్ డిస్ప్లే, మెరుగైన బ్రైట్నెస్తో OLED స్క్రీన్లు ఉంటాయి.
కెమెరాలు
అన్ని మోడళ్లలో ఫ్రంట్ కెమెరా 24MP సెన్సార్తో అప్గ్రేడ్ అవుతుంది. ఐఫోన్ 17 ఎయిర్లో ఒకే 48MP రియర్ కెమెరా, ఐఫోన్ 17లో 48MP + 12MP డ్యూయల్ కెమెరాలు ఉంటాయి. ప్రో మోడళ్లు మూడు 48MP కెమెరాలతో (వైడ్, అల్ట్రా-వైడ్, టెలిఫోటో) 3.5x ఆప్టికల్ జూమ్, 7x లాస్లెస్ జూమ్, 8K వీడియో రికార్డింగ్ను అందిస్తాయి.
స్పెసిఫికేషన్స్
ఐఫోన్ 17, 17 ఎయిర్లు A19 చిప్తో, ప్రో మోడళ్లు A19 ప్రో చిప్తో వస్తాయి. ర్యామ్ 8GB నుండి 12GB వరకు ఉంటుంది, AI సామర్థ్యాలు, ఫోటోగ్రఫీ మెరుగుదలలతో పనితీరు బాగుంటుంది.
ధరలు (అంచనా)
భారత్లో ఐఫోన్ 17 ధర రూ.89,900 నుండి, ఎయిర్ రూ.99,900, ప్రో రూ.1,39,900, ప్రో మాక్స్ రూ.1,64,900 నుండి ప్రారంభ ధర కావచ్చు. అమెరికాలో బేస్ మోడల్ $899, దుబాయ్లో AED 3,799 నుండి మొదలవుతుంది. ప్రో మాక్స్ ధర కొన్ని మార్కెట్లలో $2,300 దాటవచ్చు.
లాంచ్ తేదీ
యాపిల్ ఐఫోన్ 17 సిరీస్ను సెప్టెంబర్ 11-13, 2025 మధ్య విడుదల చేయనుంది. ప్రీ-ఆర్డర్లు లాంచ్ తర్వాత వెంటనే, షిప్పింగ్ వారం తర్వాత ప్రారంభం కావచ్చు.
కలర్స్
ఐఫోన్ 17, ఎయిర్లలో అల్ట్రామెరైన్, టీల్, బ్లాక్, పింక్, వైట్ కలర్స్; ప్రో, ప్రో మాక్స్లలో బ్లాక్, సిల్వర్, వైట్, స్కై బ్లూ రంగులు ఉండవచ్చు.
Share
Ration cards: రేషన్ కార్డులపై మూడో కన్ను.. అలాంటి వారివి తొలగింపు
Jagan: సీఎం చంద్రబాబుపై జగన్ రుసరుస.. కేసులుంటే కొట్టేస్తారా?
