OnePlus 13: ప్రముఖ చైనీస్ స్మార్ట్ఫోన్ తయారీ సంస్థ OnePlus తన లైనప్లో ఉన్న మరో మోడల్ OnePlus 13 స్మార్ట్ఫోన్ను ఈ ఏడాది లాంచ్ చేయడానికి సిద్ధంగా ఉంది. ఇది కంపెనీ ఫ్లాగ్షిప్ వన్ప్లస్ 12కి అప్గ్రేడ్ వెర్షన్. ఈ స్మార్ట్ఫోన్ గురించి తాజాగా కొన్ని లీక్లు బయటకొచ్చాయి. ఇందులో Snapdragon 8 Gen 4ని ప్రాసెసర్గా ఇచ్చే ఛాన్స్ ఉన్నట్లు తెలుస్తోంది. OnePlus 13 ఫ్లాట్ డిజైన్తో 2K LTPO OLED స్క్రీన్ను కలిగి ఉండవచ్చని చైనా మెసేజింగ్ ప్లాట్ఫారమ్ వీబోలో ఒక పోస్ట్లో వెల్లడించింది.
అల్ట్రాసోనిక్ ఫింగర్ ప్రింట్ సెన్సార్ ఇందులో ఉంటుందని తెలుస్తోంది. 3nm ప్రాసెసర్ టెక్నాలజీతో నిర్మించిన Snapdragon 8 Gen 4 ప్రాసెసర్ ఈ స్మార్ట్ఫోన్లో అందించే అవకాశం ఉందని సమాచారం. అలాగే OnePlus 13లో 50-మెగాపిక్సెల్ Sony LYT-808 ప్రైమరీ కెమెరా ఉండవచ్చు. అదే కెమెరా OnePlus 12 లో కూడా ఇవ్వబడింది. ఈ స్మార్ట్ఫోన్లోని అన్ని కెమెరాలను హాసెల్బ్లాడ్తో టై-అప్లో ట్యూన్ చేసే అవకాశం ఉంది. OnePlus 13 100W ఫాస్ట్ ఛార్జింగ్కు మద్దతుతో 6,000 mAh సూపర్ సిలికాన్ బ్యాటరీని కలిగి ఉండవచ్చని సమాచారం.
ఇటీవల OnePlus డిజైన్, eSIM కనెక్టివిటీలో కొన్ని మార్పులతో వాచ్ 2 ను చైనాలో పరిచయం చేసింది. ఈ స్మార్ట్వాచ్ 1.43 అంగుళాల AMOLED డిస్ప్లేతో వచ్చింది. అంతేకాకుండా BES2700 చిప్తో స్నాప్డ్రాగన్ W5 జెన్ 1 చిప్సెట్పై ఆధారపడి పనిచేస్తుంది. ఈ స్మార్ట్ వాచ్ ఈ సంవత్సరం ప్రారంభంలో భారతదేశంలో ప్రారంభించబడింది. ఈ స్మార్ట్ వాచ్ ధర CNY 1,799 (సుమారు రూ. 20,650)గా కంపెనీ నిర్ణయించింది. ఇది నెబ్యులా గ్రీన్, మెటోరైట్ బ్లాక్ కలర్లలో అందుబాటులోకి వచ్చింది. దీనికోసం చైనాలోని కంపెనీ వెబ్సైట్లో ప్రీ-ఆర్డర్లు ప్రారంభమయ్యాయి.
Also Read: ఇన్నాళ్లకు సరైన ఫోన్.. సామ్సంగ్ కొత్త మొబైల్.. కుర్చీని మడత పెట్టుడే!
ఈ స్మార్ట్ వాచ్ 2 GB RAM, 32 GB స్టోరేజ్ కలిగి ఉంది. ఇది బ్లూటూత్ కాలింగ్తో పాటు eSIMకి మద్దతుతో వస్తుంది. దీనితో వినియోగదారులు తమ స్మార్ట్ఫోన్ లేకుండా నేరుగా ఫోన్ కాల్లను ఉపయోగించవచ్చు. ఇది కనెక్టివిటీ కోసం బ్లూటూత్, బీడౌ, GPS, QZSS, Wi-Fi, NFC ఆప్షన్లను కలిగి ఉంది.