War 2:యంగ్ టైగర్ ఎన్టీఆర్ (NTR ) బాలీవుడ్ తొలి పరిచయంలో వచ్చిన చిత్రం వార్ 2. హృతిక్ రోషన్ (Hrithik Roshan) హీరోగా, కియారా అద్వానీ (Kiara advani) హీరోయిన్గా తెరకెక్కిన ఈ చిత్రానికి అయాన్ ముఖర్జీ (Ayan Mukherjee) దర్శకత్వం వహించారు. ప్రముఖ నిర్మాణ సంస్థ యశ్ రాజ్ ఫిలిమ్స్, స్పై యూనివర్స్ లో భాగంగా రూపొందిన ఈ ఫ్రాంఛైజీలో భాగంగా ఆగస్టు 14వ తేదీన థియేటర్లలో విడుదలైంది. అదే రోజు రజనీకాంత్ , లోకేష్ కనగరాజ్ దర్శకత్వంలో వచ్చిన ‘కూలీ’ సినిమా కూడా విడుదలైన విషయం తెలిసిందే. కథ కంటెంట్ ఏ చిత్రానికి బాగుంటే.. ఆ చిత్రానికే ప్రజలు ఓటేస్తారన్న విషయం అందరికీ తెలిసింది. అలా భారీ నిర్మాణ సంస్థలు అయినా కూడా పెద్దగా ఈ రెండు సినిమాలు ప్రేక్షకులను మెప్పించలేకపోయాయి.
అటు ఎన్నో ఆశలు పెట్టుకున్న ఎన్టీఆర్ కి.. ఈ సినిమా ఏ మాత్రం కలిసి రాలేదని చెప్పాలి. ముఖ్యంగా చిరంజీవి, రామ్ చరణ్ , ఎన్టీఆర్ ఇలా ముగ్గురు కూడా బాలీవుడ్లో తొలి ప్రయత్నం చేసి బొక్క బోర్ల పడ్డారని అభిమానులు నిరాశ వ్యక్తం చేశారు. ఇకపోతే థియేటర్లలో డిజాస్టర్ గా నిలిచిన ఈ సినిమా ఇప్పుడు ఓటీటీలో రికార్డు స్థాయిలో వ్యూస్ సొంతం చేసుకుంటోంది. ప్రముఖ ఓటీటీ ప్లాట్ ఫామ్ నెట్ ఫ్లిక్స్ వేదికగా స్ట్రీమింగ్ కి అందుబాటులోకి వచ్చింది ఈ సినిమా.
అందులో భాగంగానే తాజాగా ప్రముఖ మీడియా సంస్థ అయిన ఆర్మాక్స్ అత్యధిక వీక్షణలు సొంతం చేసుకున్న చిత్రాల జాబితాలో వార్ 2 ఉన్నట్లు తెలిపింది. అక్టోబర్ 6 నుంచి అక్టోబర్ 12 వరకు వచ్చిన వీక్షణలను ఆధారంగా ఈ విషయం వెల్లడించినట్లు సమాచారం. ఇప్పటివరకు అత్యధికంగా 3.5 మిలియన్ వీక్షణలు వచ్చినట్లు ప్రకటించింది. దీంతో గతవారం ఇండియాలోనే ఎక్కువ మంది చూసిన సినిమాగా కూడా ఈ సినిమా నిలిచింది. మొత్తానికైతే థియేటర్లలో బొక్కబోర్ల పడ్డ ఈ సినిమా ఇప్పుడు ఓటీటీలో రికార్డు స్థాయిలో వ్యూస్ సొంతం చేసుకోవడం గమనార్హం.
వార్ 2 సినిమా విషయానికి వస్తే.. ఈ సినిమాకి పోటీగా కూలీ విడుదలయ్యింది. రెండు కూడా బాక్స్ ఆఫీస్ వద్ద భారీగా పోటీ పడ్డాయి.. అయితే ఇక్కడ ఓటీటీ లో కూడా ఈ చిత్రాలు పోటీ పడుతున్నాయని చెప్పవచ్చు. తాజాగా కూలీ హిందీ వెర్షన్ కూడా గతవారం ఓటీటీలో విడుదల అవ్వగా.. హిందీలో కూలీని వార్ 2 అధిగమించింది. అక్టోబర్ 9వ తేదీ నుంచి వార్ 2 హిందీ, తెలుగు, తమిళ్ భాషల్లో స్ట్రీమింగ్ అవుతోంది. అయాన్ ముఖర్జీ దర్శకత్వం వహించిన ఈ యాక్షన్ థ్రిల్లర్ బాక్సాఫీస్ వద్ద ఏకంగా 300 కోట్లు వసూలు చేసినట్లు ట్రేడ్ వర్గాలు అంచనా వేస్తున్నాయి. ఓటీటీలో మాత్రం ఈ సినిమా సత్తా చాటి అభిమానులను ఆనందానికి గురి చేసిందని చెప్పవచ్చు. ప్రస్తుతం ఈ విషయాలు సోషల్ మీడియాలో వైరల్ అవ్వడంతో అటు ఎన్టీఆర్ అభిమానులు, హృతిక్ రోషన్ అభిమానుల ఆనందానికి అవధులు లేవని చెప్పవచ్చు
ALSO READ:Bigg Boss 9 Promo: మొదలైన నామినేషన్స్ రచ్చ.. ఎలిమినేషన్ వారి చేతుల్లోనే!
Share
Rains Updates: ఏపీ-తెలంగాణకు భారీ వర్ష సూచన.. ఆ జిల్లాలకు హెచ్చరికలు, ఏ క్షణమైనా ఉరుములు
Pomegranate: దానిమ్మ తింటున్నారా ? ఈ పొరపాట్లు అస్సలు చేయొద్దు
