WI vs NZ 1st T20i: వెస్టిండీస్ జట్టు 5 టీ-20 లు, 3 టెస్ట్ మ్యాచ్ లు, మూడు వన్డేలా సిరీస్ ల కోసం ప్రస్తుతం న్యూజిలాండ్ లో పర్యటిస్తోంది. ఈ పర్యటనలో భాగంగా వెస్టిండీస్ – న్యూజిలాండ్ జట్ల మధ్య ఆక్లాండ్ వేదికగా నేడు తొలి టీ-20 జరిగింది. అయితే ఈ తొలి టి-20 లో టాస్ గెలిచిన న్యూజిలాండ్ జట్టు మొదట బౌలింగ్ ఎంచుకుంది. ఈ క్రమంలో వెస్టిండీస్ మొదట బ్యాటింగ్ కి దిగింది. కానీ వెస్టిండీస్ జట్టుకు ఆదిలోనే ఎదురు దెబ్బలు తగిలాయి. కేవలం 3 పరుగులు మాత్రమే చేసిన బ్రాండన్ కింగ్ తొలి ఓవర్ చివరి బంతికి పెవిలియన్ చేరాడు. ఆ తర్వాత ఐదో ఓవర్ 3వ బంతికి అలిక్ అథనాజ్ {16}, 7వ ఓవర్ చివరి బంతికి అకీమ్ అగస్టీ {2} వికెట్లు కోల్పోయారు.
Also Read: pak vs sa match: గ‌ల్లీ క్రికెట్ లాగా మారిన పాకిస్తాన్ మ్యాచ్… బంతి కోసం 30 నిమిషాలు వెతికార్రా !
ఓవైపు వికెట్లు పడుతున్నప్పటికీ వన్ డౌన్ బ్యాటర్ షాయి హోప్ కెప్టెన్ ఇన్నింగ్స్ తో మెరిశాడు. 39 బంతుల్లో 53 పరుగులు చేశాడు. ఇందులో నాలుగు ఫోర్లు, మూడు సిక్సర్లు ఉన్నాయి. ఇక మిగతా బ్యాటర్లు రోస్టన్ చేజ్ {28}, రోవ్ మన్ పావెల్ {33}, రొమారియో షెఫర్డ్ {9} పరుగులు చేశారు. ఇన్నింగ్స్ చివరి రెండు బంతులకు షెఫర్డ్ బౌండరీలు బాదాడు. ఈ క్రమంలో నిర్ణీత 20 ఓవర్లలో వెస్టిండీస్ 6 వికెట్ల నష్టానికి 164 పరుగులు చేసింది. ఇక ఈ మ్యాచ్ లో న్యూజిలాండ్ బౌలర్లు సత్తా చాటారు. జేకబ్ డఫీ, జకారి ఫౌల్క్స్ చెరో రెండు వికెట్లు పడగొట్టగా.. జేమిషన్, జేమ్స్ నీషమ్ చెరో వికెట్ తీశారు.
ఇక వెస్టిండీస్ నిర్దేశించిన 165 పరుగుల లక్ష్యాన్ని చేదించే క్రమంలో న్యూజిలాండ్ మొదటి నుంచి తడబడింది. ఓపెనర్లు టిమ్ రాబిన్షన్ {27}, కాన్వే {13} పెద్దగా ప్రభావం చూపలేకపోయారు. న్యూజిలాండ్ అభిమానులు ఎన్నో ఆశలు పెట్టుకున్న వన్ డౌన్ బ్యాటర్ రచిన్ రవీంద్ర కేవలం 21 పరుగులు చేసి నిరాశపరిచాడు. ఇక చాప్ మన్ {7}, డారిల్ మిచెల్ {13}, మైకేల్ బ్రాస్వెల్ {1}, జీమ్స్ నీషమ్ {11}, మిచెల్ శాంట్నర్ కేవలం 28 బంతుల్లోనే {55*} ఒంటరి పోరాటం చేసినా ఫలితం దక్కలేదు. ఇందులో 8 ఫోర్లు, రెండు సిక్స్ లు ఉన్నాయి. అయితే ఇతడికి మిగతా బ్యాటర్ల నుంచి సహకారం అందకపోవడంతో.. న్యూజిలాండ్ 157 పరుగుల వద్ద నిలిచిపోవలసి వచ్చింది. ఫలితంగా వెస్టిండీస్ చేతిలో 7 పరుగుల తేడాతో ఓడిపోయింది. ఈ క్రమంలో న్యూజిలాండ్ పర్యటనను వెస్టిండీస్ ఘనంగా ఆరంభించింది. ఇక ఈ ఇరుజట్ల మధ్య నవంబర్ 6 వ తేదీన ఇదే వేదికపై రెండవ టి-20 జరగనుంది.
?utm_source=ig_embed&utm_campaign=loading" data-instgrm-version="14">
Share
Bigg Boss 9 Promo : నేను మీ పనోన్ని కాదు, రెచ్చిపోయిన గౌరవ్ గుప్తా, ఇదయ్య మీ అసలు రూపం
Nagarjuna: తెలంగాణ డిప్యూటీ సీఎంతో నాగార్జున భేటీ...అదే కారణమా?
