Samsung Price Hike| కొరియా టెక్ దిగ్గజం శాంసంగ్.. భారత్లో తన స్మార్ట్ఫోన్ల ధరలు క్రమంగా పెంచింది. దీంతో బడ్జెట్, మిడ్-రేంజ్ మోడల్స్ ఇప్పుడు ఖరీదయ్యాయి. ఇప్పుడు గెలాక్సీ M సిరీస్, F సిరీస్, A సిరీస్ ఫోన్ల ధరలు పెరిగాయి. మార్చి 5, 2026 నుంచి ఈ కొత్త ధరలు అమలులోకి వచ్చాయని తెలిసింది. కొన్ని మోడల్స్ ధరలు రూ.3,000 వరకు పెరిగాయి. శాంసంగ్ అధికారికంగా ధరల పెంపు గురించి ప్రకటించలేదు. కానీ స్మార్ట్ఫోన్లు పెరిగిన ధరలతో మార్కెట్లో ఉన్నాయి.
ఫేమస్ టిప్స్టర్ అభిషేక్ యాదవ్ సోషల్ మీడియా ప్లాట్ఫాం ఎక్స్లో ఈ ధరల పెంపు గురించి పోస్ట్ చేశాడు. లీక్ అయిన రిటైల్ సర్క్యులర్ను కూడా షేర్ చేశాడు. ఆ డాక్యుమెంట్లో చాలా గెలాక్సీ ఫోన్ల కొత్త రిటైల్ ధరలు ఉన్నాయి. ధరల పెంపు రూ.500 నుంచి రూ.3,000 వరకు ఉందని చెప్పాడు. మార్చి 5 నుంచి ఈ కొత్త ధరలు అమలవుతున్నాయి.
శాంసంగ్ గెలాక్సీ M36 5G ధర పెరిగింది. 8GB ర్యామ్ + 128GB స్టోరేజ్ వేరియంట్ ఇప్పుడు రూ.21,999కి ఉంది. గతంలో కొంచెం తక్కువ ధర ఉండేది. ఈ మోడల్పై రూ.500 పెరిగింది. 8GB ర్యామ్ + 256GB వేరియంట్ ఇప్పుడు రూ.25,999కి ఉంది. అంతకుముందు రూ.24,499. అంటే రూ.1,500 ధర పెరిగింది.
శాంసంగ్ గెలాక్సీ F36 5G మోడల్ ధరలు కూడా పెరిగాయి. 8GB ర్యామ్ + 128GB వేరియంట్ కొత్త ధర రూ.21,999. 8GB ర్యామ్ + 256GB మోడల్ కొత్త ధర రూ.25,999 ఉంది. రెండు వేరియంట్లపై గణనీయమైన ధర పెంపు వచ్చింది.
శాంసంగ్ గెలాక్సీ M17 5G ధరలు కూడా మారాయి. 6GB ర్యామ్ + 128GB వేరియంట్ ఇప్పుడు రూ.16,499కి అందుబాటులో ఉంది. 8GB ర్యామ్ + 128GB వేరియంట్ కొత్త ధర రూ.18,499. గత ధరలతో పోలిస్తే కొంచెం పెరిగాయి.
మరికొన్ని ఫోన్ల ధరలు కూడా పెరిగాయి. గెలాక్సీ F17 5Gకి దాదాపు రూ.1,000 పెరిగింది. గెలాక్సీ A17 5G ధర రూ.3,000 వరకు పెరిగినట్లు తెలుస్తోంది. గెలాక్సీ A06 5G కొన్ని వేరియంట్లకు రూ.1,500 వరకు ధర పెరిగింది.
లీక్ అయిన సర్క్యులర్లో డీలర్ ధరలు, లిస్ట్ ధరలు రెండూ మారాయి. రిటైలర్లు కొనుగోలు ధరలు కూడా పెరిగాయి. కానీ ఈ మార్పు కొన్ని ఎంపిక చేసిన మోడల్స్కు మాత్రమే వర్తిస్తుంది.
Also Read: రియల్ వెబ్సైట్లో మోసపూరిత నెంబర్లు.. క్లిక్ చేస్తే మీ బ్యాంక్ అకౌంట్ ఖాళీ
అమెజాన్, ఫ్లిప్కార్ట్లో కొన్ని ఫోన్లు ఇంకా డిస్కౌంట్ ధరలకు దొరుకుతున్నాయి. కానీ చాలా మోడల్స్ స్టాక్ అయిపోయాయి. శాంసంగ్ అధికారిక వెబ్సైట్లో కొన్ని మోడల్స్ కొత్త ధరలు చూపిస్తున్నాయి కానీ స్టాక్ తక్కువగా ఉంది.
భారత్లో బడ్జెట్, మిడ్-రేంజ్ మార్కెట్లో శాంసంగ్ ఫోన్లు చాలా పాపులర్. ధరల పెంపు వల్ల త్వరలో కొనాలనుకునే కస్టమర్లకు ఇబ్బంది కలగవచ్చు. ఇప్పుడే కొనేస్తే బెటర్.
Share
India Oil Imports: భారత్ చమురు దిగుమతులకు అమెరికా అనుమతి.. ప్రతిపక్షాల విమర్శలకు లెక్కలతో చెక్
Dhurandhar 2: యుద్ధం వల్ల ధురంధర్ 2 సినిమా పోస్ట్ పోన్.. నిజమెంత..!
