Samsung Bespoke AI AC: ఎండకాలం వచ్చిందంటే చాలు.. ఇంట్లో ఏసీ ఆన్ చేయాల్సిందే. అయితే చాలామంది ఏసీల వల్ల ఒక ఇబ్బంది ఫేస్ చేస్తుంటారు. అదేంటంటే.. ఏసీ నుంచి వచ్చే చల్లటి గాలి నేరుగా ఒంటికి తగలడం వల్ల కాసేపటికే చలి పెట్టడం లేదా అసౌకర్యంగా అనిపించడం జరుగుతుంది. వినియోగదారుల ఈ ప్రధాన సమస్యను గుర్తించిన ప్రముఖ ఎలక్ట్రానిక్స్ బ్రాండ్ శాంసంగ్.. సరికొత్త టెక్నాలజీతో Bespoke AI WindFree Pro ఎయిర్ కండిషనర్ను మార్కెట్లోకి తీసుకువచ్చింది.
శాంసంగ్ కంపెనీ 2016లోనే ఈ విండ్ఫ్రీ టెక్నాలజీని ప్రపంచానికి పరిచయం చేసింది. గది అంతా చల్లగా అవ్వాలి కానీ, ఆ చల్లటి గాలి నేరుగా మన మీద పడకూడదు అనే సరికొత్త ఆలోచనతో 2011 లోనే దీనిపై పరిశోధనలు మొదలయ్యాయి. దాదాపు నాలుగేళ్ల కష్టం తర్వాత ఈ ప్రత్యేకమైన ఎయిర్ ఫ్లో విధానాన్ని శాంసంగ్ విజయవంతంగా రూపొందించింది. ప్రస్తుతం ప్రపంచవ్యాప్తంగా 50కి పైగా దేశాల్లో ఈ విండ్ఫ్రీ ఏసీలు విపరీతమైన ఆదరణ పొందుతున్నాయి.
ఒక సర్వే ప్రకారం ఈ ఏసీని వాడుతున్న మెజారిటీ ప్రజలు చాలా సంతృప్తిగా ఉన్నట్లు తేలింది. రాత్రిపూట హాయిగా నిద్రపోవడానికి, శారీరక ఇబ్బందులు లేకుండా ప్రశాంతంగా ఉండటానికి ఈ విండ్ఫ్రీ మోడ్ ఎంతగానో ఉపయోగపడుతుందని యూజర్లు చెబుతున్నారు. సాధారణ ఏసీలతో పోలిస్తే ఇది విద్యుత్ వినియోగాన్ని కూడా చాలా వరకు తగ్గిస్తుంది. అందుకే ఈ టెక్నాలజీని వాడుతున్న వారిలో దాదాపు 80 శాతం మంది భవిష్యత్తులో మళ్లీ ఇలాంటి ఏసీనే కొంటామని నమ్మకంగా చెబుతున్నారు.
Also Read: షాకింగ్ ప్రైస్.. రూ.20 వేల లోపే OnePlus కొత్త ఫోన్.. Nord కంటే తక్కువ ధరకే!
ఈ సరికొత్త మోడల్లో శాంసంగ్ ఏకంగా 23,000 మైక్రో ఎయిర్ హోల్స్ (చిన్న చిన్న రంధ్రాలు) ఇచ్చింది. వీటి ద్వారా గాలి చాలా సున్నితంగా, గది నలుమూలలా సమానంగా విస్తరిస్తుంది. దీనివల్ల గదిలోని ఒకే చోట ఎక్కువ చల్లదనం ఉండటం లేదా గాలి నేరుగా ఒంటిపై కొట్టడం లాంటివి జరగవు. ఇక లుక్ విషయానికొస్తే.. ఆధునిక ఇళ్ల గోడలకు నప్పేలా దీని డిజైన్ను చాలా సింపుల్గా మార్చారు. ఇవి ఎస్సెన్షియల్ వైట్, సోప్స్టోన్ చార్కోల్ వంటి ఆకర్షణీయమైన రంగుల్లో లభిస్తున్నాయి.
ఇప్పుడున్న కాలంలో ప్రతిదానికీ రిమోట్ నొక్కే పని లేకుండా.. ఏసీనే స్వయంగా అన్నీ చూసుకోవాలని వినియోగదారులు కోరుకుంటున్నారు. అందుకే శాంసంగ్ దీనిలో ‘ఏఐ మోషన్ విండ్’ అనే అద్భుతమైన ఫీచర్ను పెట్టింది. అలాగే ఇందులో రీడిజైన్ చేసిన సరికొత్త బ్లేడ్లు ఉన్నాయి. ఇవి గాలిని మునుపటికంటే రెండు రెట్లు ఎక్కువ దూరం పంపగలవు. గదిలో మనుషులు ఎక్కడున్నారో గుర్తించడానికి ఇందులో ఒక ప్రత్యేకమైన రాడార్ సెన్సార్ కూడా ఉంది.
ఈ ఏసీలో మ్యాక్స్ విండ్, లాంగ్ రీచ్ విండ్, ఏఐ డైరెక్ట్ విండ్, ఏఐ ఇన్ డైరెక్ట్ విండ్ వంటి మొత్తం ఏడు రకాల మోడ్స్ ఉన్నాయి. ఉదాహరణకు గది త్వరగా చల్లబడాలంటే మ్యాక్స్ విండ్ ఆన్ చేస్తే 15 శాతం వేగంగా కూలింగ్ వస్తుంది. అలాగే గదిలో పిల్లలు ఆడుకుంటూ అటు ఇటు తిరుగుతుంటే, వారి కదలికలను బట్టి ఏఐ డైరెక్ట్ విండ్ గాలిని అందిస్తుంది. అదే ప్రశాంతంగా కూర్చోవాలనుకుంటే ఏఐ ఇన్ డైరెక్ట్ విండ్ ద్వారా గాలి నేరుగా తగలకుండా హాయిగా ఉండే వాతావరణాన్ని సృష్టిస్తుంది. మారుతున్న కాలానికి, మనుషుల అవసరాలకు తగ్గట్టుగా శాంసంగ్ తెచ్చిన ఈ ఏసీ నిజంగానే హోమ్ కంఫర్ట్ను నెక్ట్స్ లెవెల్కు తీసుకెళ్తుంది.
Also Read: ఐఫోన్ వాడుతున్నారా? వాట్సప్లో వచ్చిన ఈ కొత్త మార్పు చూశారా.. ఇక పండగే!
Share
జస్ట్ రూ.4.69 లక్షలకే EV.. BaaS స్కీమ్లో అందుబాటులో ఉన్న టాప్ 5 కార్లు ఇవే!
ట్రోలింగ్పై జగపతి బాబు సీరియస్.. అందుకు తారక్ ఏడుస్తున్నట్లు క్రియేట్ చేసి..
