3D Bioprinting:ఇప్పటికే టెక్నాలజీని ఉపయోగించి శరీర భాగాల దగ్గర నుండి ఉపయోగించే వస్తువుల వరకు ఎన్నో కృత్రిమంగా కనిపెట్టారు శాస్త్రవేత్తలు. మెడికల్ విభాగంలో కృత్రిమ మేధస్సును ఉపయోగించి మరికొన్ని పరిశోధనలు చేయడానికి శాస్త్రవేత్తలు ఆలోచిస్తున్నారు. తాజాగా ఓ శరీర భాగాన్ని కృత్రిమంగా తయారు చేయడానికి వారు చేసిన పరిశోధన సక్సెస్ అయ్యింది.
పేషెంట్స్ సెల్స్‌తో పాటు 3డి బయోప్రింటింగ్ ద్వారా నేషనల్ ఐ ఇన్స్‌టిట్యూట్ (ఎన్ఈఐ) కంటి బ్లడ్ రెటీనా బారియర్‌ను తయారు చేశారు. పేషెంట్ నుండి తీసిన సెల్స్ ద్వారా కంటి రెటీనాకు సంబంధించిన వ్యాధులను ముందుగానే కనుక్కోవచ్చని శాస్త్రవేత్తలు తెలిపారు. వయసు పెరుగుతున్నకొద్దీ కంటిచూపు మందగించడం లాంటివి ఈ ప్రక్రియ ద్వారా సులువుగా కనుగొనవచ్చని వారు అన్నారు.
ఉన్నట్టుండి వయసుతో సంబంధం లేకుండా కొందరి కంటిచూపు మందగిస్తుంది. అంతే కాకుండా కొందరు పూర్తిగా చూపు కోల్పోతారు కూడా. ఇలాంటివి ఎందుకు జరుగుతాయో తెలుసుకోవడానికి ఈ కృత్రిమ కన్ను ఉపయోగపడుతుందని వైద్యులు భావిస్తున్నారు. వయసుతో పాటు కంటిచూపులో వచ్చే సమస్యలను ఈ 3డి బయోప్రింటింగ్ టెక్నాలజీ కనిపెడుతుందని శాస్త్రవేత్తలు అంటున్నారు.
కంటిలోని మూడు సెల్స్‌ను తీసి జోడించడం వల్ల అది ఒక టిష్యూలాగా ఏర్పడిందని శాస్త్రవేత్తలు తెలిపారు. అప్పుడు దానిని 3డి బయోప్రింటింగ్ ద్వారా ఔటర్ బ్లడ్ రెటీనా బారియర్‌ను తయారు చేశామన్నారు. అలా తీసుకున్న టిష్యూలు 42వ రోజున పూర్తిగా స్టడీ చేయడానికి సిద్ధమవుతాయని వారు కనుగొన్నారు. దీనిని ఉపయోగించి చేసిన పరిశోధనల్లో ఒత్తిడి వల్లే చాలావరకు కంటి సమస్యలు వస్తున్నట్టు వారు గమనించారు.
ఒకటే విధమైన ప్రింటింగ్ ప్యాటర్న్‌ను ఫాలో అవ్వడానికి ఇబ్బందులు ఉన్నాయని శాస్త్రవేత్తలు గుర్తించారు. దానికి హైడ్రోజల్ పరిష్కారమని వారు భావిస్తున్నారు. డీజెనరేటివ్ కంటి వ్యాధుల నుండి పరిష్కారం పొందేలాగా వారొక రెటీనా టిష్యూను తయారు చేసినట్టు శాస్త్రవేత్తలు బయటపెట్టారు. ఇలాంటి టిష్యూలు మరెన్నో సమస్యలకు పరిష్కారాన్ని చూపిస్తాయని వారు నమ్ముతున్నారు.
Shape Changing Robot: షేప్ మార్చుకునే రోబో.. త్వరలోనే మార్కెట్‌లోకి..
China Occupy Place on Moon: చంద్రుడిపై స్థలాన్ని ఆక్రమించుకోనున్న చైనా..!
Share
Paperless Budget:మూడోసారీ పేపర్‌లెస్‌ బడ్జెట్‌.. డౌన్‌లోడ్‌ ఎలాగంటే?
Shape Changing Robot: షేప్ మార్చుకునే రోబో.. త్వరలోనే మార్కెట్‌లోకి..
