Motorola phone: మోటరోలా తాజాగా తన కొత్త ఫ్లాగ్‌షిప్ స్మార్ట్‌ఫోన్ మోటరోలా ఎడ్జ్ 70 అల్ట్రాను అధికారికంగా విడుదల చేసింది. ఈ స్మార్ట్‌ఫోన్‌లో డిజైన్, పనితీరు, బ్యాటరీ, కెమెరా—ప్రతి అంశంలోనూ టాప్ క్లాస్ టెక్నాలజీని అందించడానికి కంపెనీ ముందుకు వచ్చింది. ఈ ఫోన్ ప్రధాన ఆకర్షణలు స్నాప్‌డ్రాగన్ 8ఎస్ ఎలైట్ ప్రాసెసర్ మరియు 125W సూపర్ ఫాస్ట్ ఛార్జింగ్. మరి ఈ ఫోన్‌లో ఇంకా ఏమేం స్పెషల్ ఫీచర్లు ఉన్నాయో చూద్దాం.
స్టైలిష్ లుక్‌
డిజైన్ పరంగా చూస్తే, గ్లాస్ బ్యాక్ అల్యూమినియం ఫ్రేమ్ కలయిక మోటరోలా ఎడ్జ్ 70 అల్ట్రా కి ప్రత్యేకమైన స్టైలిష్ లుక్‌ను అందిస్తుంది. తేలికైన బరువు, సన్నని ఆకృతితో ఉండటం వల్ల ఈ ఫోన్‌ను చేతిలో పట్టుకున్నప్పుడు మరింత కంఫర్ట్‌గా అనిపిస్తుంది. ఇందులోని 6.8 అంగుళాల అమోలేడ్ డిస్‌ప్లే విజువల్స్‌ను అద్భుతంగా చూపిస్తుంది. 1.5K రిజల్యూషన్, 144Hz రిఫ్రెష్ రేట్ కలయిక సినిమాలు చూడటం, గేమ్స్ ఆడటం, స్క్రోలింగ్ చేయడం అన్నింటినీ స్మూత్‌గా అనిపించేలా చేస్తుంది.
చిప్‌సెట్ టాప్-లెవెల్
పర్ఫార్మెన్స్ విషయానికి వస్తే, ఈ ఫోన్‌లో ఉండే స్నాప్‌డ్రాగన్ 8ఎస్ ఎలైట్ చిప్‌సెట్ టాప్-లెవెల్ అనుభవాన్ని ఇస్తుంది. గేమ్స్ ఆడినా, మల్టీటాస్కింగ్ చేసినా, వీడియోలు ఎడిట్ చేసినా ఎటువంటి ల్యాగ్ లేకుండా సూపర్ ఫాస్ట్ పనితీరును అందిస్తుంది. AI ఆధారిత ఆప్టిమైజేషన్ వల్ల ఎక్కువ సేపు ఉపయోగించినా వేడెక్కకుండా పనిచేస్తుంది.
Also Read: Recharge plan: Vi మెగా మాన్సూన్ సర్‌ప్రైజ్ ఆఫర్.. రీచార్జ్ ప్లాన్‌పై భారీ డిస్కౌంట్
200 మెగాపిక్సెల్ ప్రైమరీ కెమెరా
కెమెరా విభాగంలో ఈ స్మార్ట్‌ఫోన్‌కి పెద్ద హైలైట్ ఉంది. 200 మెగాపిక్సెల్ ప్రైమరీ కెమెరాని ఒఐఎస్ సపోర్ట్‌తో అందించడం వల్ల రాత్రివేళల్లో కూడా స్పష్టమైన ఫోటోలు తీయవచ్చు. దీని వెంట 50ఎంపి అల్ట్రావైడ్ లెన్స్ మరియు 50ఎంపి టెలిఫోటో లెన్స్ 5x ఆప్టికల్ జూమ్ సపోర్ట్‌తో ఉన్నాయి. అంటే లాంగ్ షాట్స్, వైడ్ షాట్స్ అన్నీ ప్రొఫెషనల్ లుక్‌లో వస్తాయి. సెల్ఫీల కోసం 60ఎంపి ఫ్రంట్ కెమెరా ఉండటం వల్ల క్లారిటీ మరింత పెరుగుతుంది. వీడియో రికార్డింగ్ 8కె వరకు సపోర్ట్ చేయడం కెమెరా లవర్స్‌కి అదిరిపోయే ఫీచర్.
125W టర్బో పవర్ ఫాస్ట్ ఛార్జింగ్ సపోర్ట్
బ్యాటరీ విషయానికి వస్తే, 5100mAh కెపాసిటీ కలిగిన ఈ ఫోన్ ఒకే ఛార్జ్‌తో రోజంతా సులభంగా పనిచేస్తుంది. ముఖ్యంగా 125W టర్బో పవర్ ఫాస్ట్ ఛార్జింగ్ సపోర్ట్ ఉండటంతో కేవలం 15 నిమిషాల్లోనే పూర్తి ఛార్జ్ అవుతుంది. అదనంగా 50W వైర్‌లెస్ ఛార్జింగ్ సదుపాయం కూడా ఉంది.
ఐదు సంవత్సరాల హామీ
సాఫ్ట్‌వేర్‌గా ఆండ్రాయిడ్ 15 ఆధారిత మైయుఎక్స్‌తో వస్తున్న ఈ ఫోన్‌కి కంపెనీ మూడు పెద్ద ఆండ్రాయిడ్ అప్‌డేట్స్, ఐదు సంవత్సరాల సెక్యూరిటీ అప్‌డేట్స్ ఇస్తామని హామీ ఇస్తోంది. భద్రత కోసం ఇన్ డిస్ల్‌ప్లే ఫింగర్ ప్రింట్ సెన్సార్, ఐపి68 వాటర్ మరియు డస్ట్ రెసిస్టెన్స్ సర్టిఫికేషన్ ఉన్నాయి. వినోదం కోసం డాల్బీ ఆట్మోస్ సపోర్ట్ ఉన్న స్టీరియో స్పీకర్లు ఇవ్వడం వల్ల సౌండ్ క్వాలిటీ కూడా థియేటర్ ఫీలింగ్ ఇస్తుంది.
ఊహించని రీతిలో ధర
ధర విషయానికి వస్తే, గ్లోబల్ మార్కెట్లో ఈ ఫోన్‌ను సుమారు రూ.69,999 అంచనా ధరతో లాంచ్ చేశారు. త్వరలోనే ఇది భారత మార్కెట్లో ఫ్లిప్ కార్ట్, మోటరోలా అధికారిక వెబ్‌సైట్‌లో లభించనుంది. హై-పర్ఫార్మెన్స్, సూపర్ ఫాస్ట్ ఛార్జింగ్, ప్రీమియమ్ కెమెరా కాంబినేషన్ కోసం ఎదురుచూసే యూజర్లకు ఇది పర్ఫెక్ట్ ఎంపిక.
Share
Mrunal Thakur : గ్లామర్ తో రెచ్చగొడుతున్న మృణాల్.. ఫోటోలు వైరల్!
Ramcharan -Upasana: మరోసారి తండ్రి కాబోతున్న రామ్ చరణ్..మెగా వారసుడు రాబోతున్నాడా?
