Shami : ఇటీవల ముగిసిన వన్డే ప్రపంచకప్ టోర్నీలో.. టీమిండియా స్టార్ పేసర్ షమీ.. తన అద్భుతమైన బౌలింగ్ ప్రదర్శనతో అందరినీ ఆకట్టుకున్నాడు. క్రికెట్ లోనే కాదు.. ఎదుటివారికి సహాయం చేయడం ద్వారా కూడా షమీ నెటిజన్లను ఆకట్టుకుంటున్నాడు. తాజాగా ప్రమాదంలో ఉన్న ఓ యువకుడిని కాపాడిన షమీ.. ఆ విషయాన్ని నెటిజన్లతో పంచుకున్నాడు. అతడిని కాపాడినందుకు తనకు చాలా ఆనందంగా ఉందని పేర్కొంటూ.. యువకుడిని రక్షించిన వీడియోను షేర్ చేసుకున్నాడు.
శనివారం రాత్రి నైనిటాల్ రోడ్డు వైపు వెళ్తున్న ఓ కారు అదుపుతప్పి పక్కనే ఉన్న పొదల్లోకి దూసుకెళ్లింది. ఆ వెనుకే వెళ్తున్న షమీతో పాటు.. ఇతర వాహనదారులు వెంటనే ప్రమాదాన్ని గుర్తించి సహాయక చర్యలు చేపట్టారు. ప్రమాదంతో గాయపడిన యువకుడిని రక్షించి వెంటనే ఆసుపత్రికి తరలించారు. ఇందుకు సంబంధించిన వీడియోనూ ఇన్ స్టా లో పోస్ట్ చేసిన షమీ.. అతను ఎంతో అదృష్టవంతుడు. దేవుడు అతనికి మళ్లీ జీవితాన్నిచ్చాడు అని తెలిపాడు. నైనిటాల్ ఘాట్ రోడ్డు నుంచి అతని కారు ప్రమాదవశాత్తు పొదల్లోకి దూసుకెళ్లగా.. అందులో ఉన్న వ్యక్తి తీవ్రంగా గాయపడినట్లు తెలిపాడు. ప్రస్తుతం అతని ఆరోగ్య పరిస్థితి బాగానే ఉందని షమీ వెల్లడించాడు. ఈ వీడియో చూసిన అభిమానులు, నెటిజన్లు.. నీది చాలా మంచి మనసు అంటూ.. షమీపై పొగడ్తల వర్షం కురిపిస్తున్నారు.
Share
Rahul Chitchat : స్టూడెంట్స్ తో రాహుల్ చిట్ చాట్.. అన్నీ లీకులే.. పరీక్షల్లేవ్..
carbon : కర్బన ఉద్గారాల్లో సగం ఆ 3 దేశాల్లోనే..
