IPL 2023: ఐపీఎల్. 16వ సీజన్. క్రికెట్ ఫ్యాన్స్ అంతా ఎప్పుడెప్పుడా అని ఎదురుచూశారు. ఆ సమయం రానే వచ్చింది. గుజరాత్ అహ్మదాబాద్లోని నరేంద్ర మోదీ స్టేడియం అభిమానులతో కిక్కిరిసింది. గుజరాత్ టైటాన్స్ vs చెన్నై సూపర్ కింగ్స్ మధ్య తొలి మ్యాచ్తో ఐపీఎల్ 2023 స్టార్ట్ అయిపోయింది.
అంతకుముందు.. అంతకుమించి ఎంటర్టైన్మెంట్. ఐపీఎల్ ప్రారంభ వేడుకల్లో ప్రముఖ హీరోయిన్లు రష్మిక మందన్న(Rashmika Mandanna), తమన్నా(Tamannaah)లు ఫుల్ హంగామా చేశారు. లేటెస్ట్ సాంగ్స్కు డ్యాన్సులతో స్టేడియాన్ని హోరెత్తించారు. ప్రేక్షకుల్ని ఉర్రూతలూగించారు.
పుష్పతో పాన్ ఇండియా వైజ్ క్రేజ్ సంపాదించిన రష్మిక.. ఆ సినిమాలోని ‘సామీ సామీ’, ‘శ్రీవల్లి’ తదితర పాటలకు డ్యాన్స్ చేశారు. ‘ఆర్ఆర్ఆర్’లోని ‘నాటు నాటు’ పాటకూ హుషారైన స్టెప్పులేసి జోష్ నింపారు.
రష్మికతో పాటు ఎనర్జిటిక్ డ్యాన్సర్, హీరోయిన్ తమన్నా సైతం డ్యాన్స్తో అదరగొట్టారు. ‘పుష్ప’లోని ‘ఊ.. అంటావా మావా.. ఊ ఊ.. అంటావా’ ఐటమ్ సాంగ్కు తమన్నా డ్యాన్స్ పెర్ఫార్మెన్స్ అదిరిపోయింది. హిందీ మూవీ ‘ఎనిమీ’లోని ‘టమ్ టమ్’ పాటకు తమన్నా స్టెప్పులు అదుర్స్.
రష్మిక, తమన్నాల డ్యాన్సులతో పాటు సింగర్ అర్జిత్సింగ్ తన పాటలతో ఆడియన్స్ను అలరించారు. అలా, మోదీ స్టేడియంలో ఐపీఎల్ 2023 అట్టహాసంగా ప్రారంభమైంది. అసలు సిసలు క్రికెట్ మజా స్టార్ట్ అయిపోయింది.
Share
Costliest Apartment: రూ.369 కోట్ల ఫ్లాట్.. దేశంలోకే బిగ్గెస్ట్ డీల్.. ఈ డబ్బున్నోళ్లు ఉన్నారే!
BRS: కేజ్రీవాల్ చెబితే బీఆర్ఎస్కు 75 కోట్లు ఇచ్చా.. తీహార్ జైల్ ఖైదీ సుఖేష్ చంద్రశేఖర్ సంచలన ఆరోపణలు..
