Chicken Price: ఆదివారం వస్తే.. నాన్ ఉండాల్సిందే. చాలామందికి ముక్కలేనిదే ముద్ద దిగదు. అందులోనూ చికెన్ మాత్రం మస్ట్ గా ఉండాల్సిందే. మరి మటన్ ?అంటారా అది బడ్జెట్ పై ఆధారపడి ఉంటుంది. సండే నాన్ వెజ్ కావాలంటే.. ఫ్రెండ్లీ బడ్జెట్ లో దొరికేది చికెన్ మాత్రమే. ఇప్పుడు దాని ధరలు కూడా కొండెక్కి కూర్చున్నాయి. కిలో చికెన్ ధర ఒక్కసారిగా రూ.100-150 వరకూ పెరిగింది. కార్తీకమాసంలో దాదాపు నాన్ వెజ్ కు బ్రేక్ ఇస్తారు కాబట్టి ధరలు తగ్గాయి. కిలో చికెన్ రూ.150-180కే అమ్మారు వ్యాపారులు. కార్తీక మాసం ముగిసింది. చికెన్ ధరలకు అమాంతం రెక్కలొచ్చాయి.
కార్తీక మాసం పూర్తయ్యాక వచ్చిన మొదటి ఆదివారం.. చికెన్ సెంటర్లకు వెళ్లిన వినియోగదారులకు అక్కడి ధరలు షాకిచ్చాయి. కిలో చినెక్ ధర ఏకంగా రూ.220-240 కి పెరిగింది. కొన్ని సంస్థలైతే రూ.250-280 వరకూ విక్రయిస్తున్నాయి. ఆన్ లైన్ డెలివరీ అయితే కిలో చికెన్ ధర రూ.300 కూడా దాటేసింది. బాయిలర్ చికెన్ తో పాటు దేశీకోడి ధరలు కూడా ఎగబాకాయి.
కిలో చికెన్ పై రూ.100-150 వరకూ పెరగగా.. మటన్ కూడా అదే బాటలో ఉంది. కేజీ మటన్ ధర ప్రాంతాలను బట్టి రూ.800 నుంచి రూ.1000 వరకూ పలుకుతోంది. రానున్న రోజుల్లో క్రిస్మస్, న్యూ ఇయర్ వేడుకలు, సంక్రాంతితో పాటు పెళ్లిళ్ల ముహూర్తాలు కూడా ఉండటంతో చికెన్ కు డిమాండ్ పెరుగుతుంది. కాబోయే వేసవి వరకూ.. చికెన్ ధరలు ఇంతకన్నా పెరిగే అవకాశాలున్నట్లు విక్రయదారులు చెబుతున్నారు. మటన్ ఎలాగో కొనలేం. మరి చికెన్ ధరలు కూడా ఇలా ఉంటే.. నాన్ వెజ్ ఏం తింటామని సామాన్యులు వాపోతున్నారు.
Share
IND vs SA 1st ODI : అందరి అంచనాలు తలకిందులు చేసిన తొలి వన్డే ‘పిచ్’
Red sandalwood smuggling : సినిమా స్టైల్లో ఎర్రచందనం స్మగ్లింగ్.. టాస్క్ ఫోర్స్ పట్టేసిందిలా..!
