అప్పులు తీర్చేందుకు చెయిన్ స్నాచింగ్.. బైక్ మెకానిక్ అరెస్ట్!

Chain Snatcher: స్వేచ్ఛ బ్యూరో: పక్కాగా సేకరించిన సమాచారంతో చార్మినార్ జోన్ టాస్క్ ఫోర్స్ అధికారులు సైదాబాద్ పోలీసులతో కలిసి చెయిన్ స్నాచర్ ను అరెస్ట్ చేశారు. నిందితుని నుంచి 3.50లక్షల విలువ చేసే బంగారు గొలుసు, టూ వీలర్ ను స్వాధీనం చేసుకున్నారు.

డీసీపీ కే.ఎస్.రావు తెలిపిన వివరాలు

టాస్క్ ఫోర్స్ అదనపు డీసీపీ కే.ఎస్.రావు తెలిపిన వివరాలు ఇలా ఉన్నాయి. బాలాపూర్ నివాసి మహ్మద్ గౌస్ పాషా గోల్నాక చౌరస్తాలోని ఓ మెకానిక్ షాపులో బైక్ మెకానిక్ గా పని చేస్తున్నాడు. దుర్వ్యసనాలు..క్రికెట్ బెట్టింగులకు అలవాటు పడటంతో మెకానిక్ గా వస్తున్న ఆదాయం సరిపోలేదు. దాంతో స్నేహితులు, బంధువుల నుంచి అప్పలు తీసుకున్నాడు. ఇటీవలిగా అప్పులు ఇచ్చినవారు బాకీ తీర్చాలని అతనిపై ఒత్తిడి తెస్తుండటంతో దొంగతనాలు చేయాలని నిర్ణయించుకున్నాడు. ఈ క్రమంలో ఓ కస్టమర్ కు చెందిన హోండా షైన్ బైక్ తీసుకుని గడ్డిఅన్నారం ప్రాంతానికి వెళ్లాడు. మల్లికార్జున స్వామి దేవాలయం వద్ద ఓ వృద్ధురాలు మెడలో బంగారు గొలుసుతో మిక్సీ రిపేర్ షాప్ వైపు నడుచుకుంటూ వెళ్లడాన్ని గమనించాడు.

నిందితుడు అరెస్ట్

కొద్దిసేపు తరువాత వృద్ధురాలు షాప్ నుంచి బయటకు వచ్చి నడుచుకుంటూ వెళ్తుండగా బైక్ ను రోడ్డు పక్కన పార్క్ చేసి ఆమె వద్దకు వెళ్లాడు. మిక్సీ రిపేర్ షాప్ యజమాని చెప్పాడు. ఆ వెంటనే ఆమె మెడలోని బంగారు గొలుసును గుంజుకుని టూవీలర్ పై పరారయ్యాడు. దొంగిలించిన గొలుసును, వాహనాన్ని తన మెకానిక్ షాప్‌లోనే ఉంచి ఇంటికి వెళ్లిపోయాడు. బాధితురాలి ఫిర్యాదు మేరకు సైదరాబాద్ పోలీసులు కేసులు నమోదు చేశారు. కాగా, టాస్క్ ఫోర్స్ పోలీసులు రంగంలోకి దిగి సైదాబాద్ పోలీసులతో కలిసి సీసీ కెమెరాల ఫుటేజీని సేకరించి నిందితున్ని గుర్తించారు. సోమవారం అతన్ని అరెస్ట్ చేశారు.

Also Read: అమిత్ షా సభతో తెలంగాణకు ఒరిగేదేమీ లేదు: మహేష్ కుమార్ గౌడ్