Groom Missing From Wedding: మరో నాలుగు రోజుల్లో పెళ్లి.. ఇంతలో వరుడు మిస్సింగ్.. అంత సవ్యంగా జరుగుతున్న సమయంలో ఊహించని సంఘటనతో ఆ కుటుంబం షాక్లోకి వెళ్లిపోయింది. పెళ్లిచేసుకోవాల్సిన కుమారుడు అదృశ్యం కావడంతో ఏం చేయాలో తెలియక బిక్కుబిక్కుమంటున్నారు.
హనుమకొండలోని గోకుల్నగర్కు చెందిన కృష్ణతేజ్కు.. నర్సంపేటకు చెందిన యువతితో పెద్దలు పెళ్లి నిశ్చయం చేశారు. ఈనెల 16 న వివాహం జరగాల్సి ఉంది. పెళ్లి పనులు కూడా మొదలైపోయాయి. చుట్టాలు, బంధువులతో.. ఇళ్లంతా సందడి వాతావరణంలో మునిగిపోయింది. ఇంతలో పెళ్లి కార్డులు పంచడానికి వెళ్లి వస్తానన్న కృష్ణ తేజ.. ఒక్కసారిగా అదృశ్యం కావడంతో కుటుంబసభ్యులంతా షాక్కు గురయ్యారు. SRSP కెనాల్ పక్కన కృష్ణ తేజ బైక్ కనిపించడంతో ఆందోళనకు గురౌతున్నారు.
Also Read: ఫ్యామిలీ అంతా ప్రభుత్వ ఉద్యోగులే.. ఈజీ మనీకోసం రూ.15 కోట్లు అప్పు చేసి మరీ..
అసలేం జరిగిందో తెలియక కన్నీరుమున్నీరుగా విలపిస్తున్నారు. కృష్ణతేజ సాఫ్ట్వేర్గా విధులు నిర్వర్తిస్తున్నాడు. కృష్ణ తేజ కోసం కాకతీయ యూనివర్సిటీ పోలీసులు గాలిస్తున్నారు. ఎవరైనా కిడ్నాప్ చేశారా? లేక ఆత్మహత్య చేసుకున్నాడా? దీని వెనుక ప్రేమ వ్యవహారం ఏమైనా ఉందా అనే కోణంలో దర్యాప్తు చేస్తున్నారు.