Viral Video: తరచూ సోషల్ మీడియాలో ఏదో ఒక వీడియో వైరల్ అవుతూనే ఉంటుంది. ముఖ్యంగా జంతువులకు సంబంధించిన వీడియోలు మాత్రం తెగ హల్ చల్ చేస్తుంటాయి. తాజాగా రాజస్థాన్ లో జరిగిన ఓ సంఘటన వీడియో ప్రస్తుతం సోషల్ మీడియాలో వైరల్ అవుతోంది. రోడ్డుపై వెళుతున్న ఓ ఒంటెను కారు ఢీకొట్టింది. దీంతో ఒంటె చాలా సేపు కారులో ఇరుక్కుపోయింది.
రాత్రివేళ రోడ్డుపై ఓ ఒంటె వెళుతుంది. ఈ తరుణంలో ఓ కారు స్పీడ్ గా వస్తుంది. దీంతో ఒంటెను చూసి కారును అదుపు చేయలేకపోవడంతో ఒక్కసారిగా ఒంటెను కారు ఢీకొట్టిన వీడియో సోషల్ మీడియాలో వైరల్‌గా మారింది. ఒంటెను కారు ఢీ కొట్టిన అనంతరం కారు చాలా వరకు డ్యామేజ్ అయింది. కారు ముందు భాగంలో ఒంటె ఇరుక్కుపోయింది. దీంతో ఒంటె ఎటూ కదలలేని పరిస్థితికి వెళ్లింది.
కారులో ఒంటె ఇరుక్కుపోవడంతో కదలలేక అరుపులు పెట్టడం ప్రారంభించింది. ఇది రాజస్థాన్ లోని హనుమాన్ గఢ్ జిల్లాలో వెలుగుచూసింది. కారు విండ్ స్క్రీన్ లో ఒంటె ఇరుక్కున వీడియోను పలువురు తీసి సోషల్ మీడియాలో షేర్ చేయడంతో వైరల్ అవుతోంది. అయితే వెంటనే అటవీ శాఖ అధికారులు రావడంతో గంటల తరబడి కష్టపడి క్రేన్ సహాయంతో ఒంటెను బయటకు తీసారు. అయితే ఈ ఘటనలో ఒంటెకు స్వల్ప గాయాలు అయ్యాయి. దీంతో వెంటనే దానికి చికిత్స అందించి తిరిగి అడవిలో వదిలిపెట్టారు.
राजस्थान : हनुमानगढ़ जिले में ऊंट और कार का एक्सीडेंट। कार की विंड स्क्रीन में फंसा ऊंट, चोटिल हुआ। कार वाले सेफ हैं। pic.twitter.com/IhQPxmF0l9
— Sachin Gupta (@SachinGuptaUP) June 9, 2024