Viral Video: ఏంటో ఈ మధ్య కాలంలో పెళ్లిళ్లు అంటే చాలు ఏదో ఒక విన్యాసాలు చేసి ఫేమస్ అవ్వాలని చూస్తూనే ఉన్నారు. పెళ్లిళ్లేంటి ఏ పండుగలు అయినా, ఫంక్షన్లు అయినా సరే ఏదో ఒక పనితో ఫేమస్ అవ్వాలని అనుకుంటున్న వారు చాలా మందే ఉన్నారు. అందులో కొన్ని వినూత్న పనులతో కొంత మంది ఫేమస్ అవుతున్నా మరికొంత మంది మాత్రం వారు చేసే పనులు బెడిసికొట్టి బొక్కబోర్లా పడుతున్నారు. తాజాగా అలాంటిదే ఓ ఘటన వెలుగుచూసింది. ఓ యువకుడు విన్యాసాలు చేద్దాం అని చూసి ప్రాణాల మీదకు తెచ్చుకున్న ఘటన ప్రస్తుతం వైరల్ అవుతోంది.
ఉత్తర్ ప్రదేశ్ లోని బిజ్నోర్ లో ఓ భయానక ఘటన వెలుగుచూసింద. ఓ పెళ్లి వేడుకలో షాపూర్ కు చెందిన హర్షల్ చౌదరి అనే యువకుడు విన్యాసాలు చేయాలని చూశాడు. కానీ చివరికి అది కాస్త బెడిసికొట్టింది. తృటితో పెను ప్రమాదం నుంచి తప్పించుకుని ప్రాణాలతో భయటపడ్డాడు. అయితే హర్షల్ నోటిలో నుంచి మంటలను ఊదాలని ప్రయత్నించాడు. దీనికోసం నోట్లో మొదట పెట్రోల్ పోసుకున్నాడు. అనంతరం నోటికి నిప్పు పెట్టుకుని ఊదాలని చూశాడు. దీంతో ఒక్కసారిగా నోటిలోని మంటలు ముఖానికి అంటుకున్నాయి.
ముఖానికి అంటుకున్న మంటలను ఆర్పేందుకు ప్రయత్నించిన హర్షల్ అరచేతికి, గడ్డంకు కూడా అంటుకున్నాయి. దీంతో అక్కడే ఉన్న కొంత మంది స్థానికులు వెంటనే మంటలు ఆర్పారు. దీనికి సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది.
UP : बिजनौर में शादी समारोह में मुंह में पेट्रोल भरकर करतब दिखाते वक्त एक लड़का आग लगने से झुलस गया। एक्शन के चक्कर में रिएक्शन हो गया।
🚨 Sensitive Visual 🚨 pic.twitter.com/MARjzG3zpN
— Sachin Gupta (@SachinGuptaUP) April 23, 2024