Viral Video: గ్రామాల్లో ఉత్సవాలు జరుగుతున్నప్పుడు వాటిని చూసి తమలోని ఉత్సాహాన్ని బయటపెడుతుంటారు కొందరు పోలీసులు. తాము పోలీసులమన్న విషయాన్ని మరిచిపోతున్నారు.. పోయారు కూడా. తాజాగా అలాంటి ఘటన బీహార్లో వెలుగు చూసింది. అడ్డంగా ముగ్గురు పోలీసులు బుక్కయ్యారు. దీనికి సంబంధించిన వీడియో వైరల్ అయ్యింది.
బావలూ బావలూ సయ్యా అంటూ
బీహార్లోని పశ్చిమ చంపారన్ జిల్లాలోని రాంపూర్-బయరాగీ గ్రామాల మధ్య ఉత్సవం జరుగుతోంది. పల్లెటూరులో ఉత్సావాలు అంటే చెప్పనక్కర్లేదు. కచ్చితంగా రికార్డింగ్ డ్యాన్స్ ఉంటుంది. ఆ షో ని చూసేందుకు చాలామంది ఎగబడుతుంటారు. సరిగ్గా అలాంటి వ్యవహారం ఒకటి జరిగింది. స్టేజీపై ఓ మహిళ డ్యాన్స్ చేస్తుండగా పిస్టల్ ఊపుతూ డ్యాన్స్ చేస్తున్న వీడియో వైరల్ అయ్యింది.
అన్నట్లు ఆమెతో డ్యాన్స్ చేస్తున్నారు మరో ముగ్గురు పోలీసులు. ఈ వ్యవహారాన్ని చూసి ఒక్కసారి అక్కడి ప్రజలు షాకయ్యారు. దీనికి సంబంధించి కొందరు తమ సెల్ ఫోన్లలో ఆయా దృశ్యాలను రికార్డు చేశారు. సోషల్ మీడియోలో వాటిని అప్లోడ్ చేయడంతో వైరల్గా మారింది.
పోలీసుల తుపాకీతో ఓ మహిళా డ్యాన్స్
చివరకు ఈ వ్యవహారం ఆ జిల్లా పోలీసుల దృష్టికి వెళ్లింది. ఈ ఘటనపై అధికారులు ఫోకస్ చేశారు. నార్మల్గా డ్యాన్స్ చేయడం ఒకెత్తయితే, ఏకంగా మహిళ చేతిలో గన్ ఉండడంతో చాలా సీరియస్గా తీసుకున్నారు. ఇద్దరు కానిస్టేబుళ్లు సహా ముగ్గురిపై ఎఫ్ఐఆర్ నమోదు చేశారు. నిందితుల్లో అమిత్ చౌదరి, అన్మోల్ తివారీ, మున్నాచౌదరి ఉన్నారు.
అందులో అమిత్ గోపాల్ గంజ్ జిల్లాలోని కుచయ్కోట్ పోలీస్స్టేషన్లో కానిస్టేబుల్గా విధులు నిర్వర్తిస్తున్నాడు. అన్మోల్ కూడా అదే పోలీస్ స్టేషన్లో అగ్నిమాపక విభాగంలో పని చేస్తున్నాడు. ఈ సంఘటనను సీరియస్గా తీసుకుని పోలీసులు, దర్యాప్తు ప్రారంభించారు. నవంబర్ 26న ఛాతిహార్ సందర్భంగా అనేకమంది ప్రదర్శనకారులతో కలిసి నృత్యం చేసినట్టు చెబుతున్నారు.
ALSO READ: పాము కాటేసిందని వేలు కట్ చేసుకున్నాడు.. డాక్టర్ చెప్పింది విని చివరకు
ఆ మహిళ.. డ్యాన్స్ చేస్తూ తుపాకీని ఊపుతూ కనిపించింది. ముగ్గురు పోలీసులు ఆమె పక్కనే డ్యాన్స్ చేశారు. తుపాకీని ప్రభుత్వ ఆయుధంగా భావిస్తున్నారు. ప్రభుత్వ ఆయుధాల దుర్వినియోగం, ఆ చట్టంలోని ఇతర సెక్షన్ల కింద ఎఫ్ఐఆర్ నమోదు చేశారు. డ్యాన్స్ చేసిన కానిస్టేబుళ్లను అరెస్టు చేయడానికి పోలీసులు ప్రయత్నిస్తున్నారు. అది నిజంగా ప్రభుత్వ తుపాకీ అయితే.. ఇద్దరు కానిస్టేబుళ్లపై శాఖాపరమైన చర్యలు తప్పదని అంటున్నారు. మొత్తానికి డ్యాన్స్ ఏమోగానీ, చివరకు తమ ఉద్యోగానికి ఎసరు తెచ్చుకున్నారు కానిస్టేబుళ్లు.
తుపాకీ పట్టుకుని మహిళ డాన్స్.. వీడియో వైరల్!
బీహార్లోని వెస్ట్ చంపారన్ జిల్లాలో చోటు చేసుకున్న ఘటన
రాంపూర్-బయరాగీలోని ఓ వేడుకకు హాజరైన కానిస్టేబుళ్లు అమిత్ చౌదరీ, అన్మోల్ తివారీ
దీంతో ఆ తుపాకీ ప్రభుత్వానికి చెందినదిగా అనుమానాలు
ఆరోపణలు నిజమైతే కఠిన చర్యలు తీసుకుంటామని… pic.twitter.com/yrCUlilYCA
— BIG TV Breaking News (@bigtvtelugu) November 30, 2025
Share
The Girl Friend OTT: ఇట్స్ అఫీషియల్.. ఓటీటీలోకి రష్మిక ది గర్ల్ ఫ్రెండ్.. ఎప్పుడంటే?
Oppo Reno Premium Phone: యువతను లక్ష్యం చేసుకున్న ఒప్పో.. అప్డేటెడ్ లుక్తో రెనో ప్రీమియం ఎంట్రీ
