EasyJet: టర్కీ ఈజీజెట్ విమానంలో తాగిన మత్తులో ఓ ప్రయాణికుడు ఎయిర్లైన్ సిబ్బందిపై దాడి చేశాడు. ప్రక్కనే ఉన్న ప్రయాణికుడిపై మొదట దాడి చేయగా అనంతరం అక్కడకు వచ్చిన సిబ్బందితో పాటు పోలీసులపై దాడికి పాల్పడ్డాడు. ఇందుకు సంబంధించిన వీడియోను ప్రయాణికుల్లో ఒకరు సోషల్‌ మీడియాలో పోస్టు చేయడంతో ఈ వీడియో ప్రస్తుతం తెగ వైరల్ అవుతోంది.
టర్కీలో ఈజీ జెట్‌ విమానం ల్యాండ్‌ అయిన కాసేపటికే మద్యం మత్తులో ఉన్న ఓ ప్రయాణికుడు విమానం పై కప్పును బాదుతూ ప్రక్కనే ఉన్న మరో వ్యక్తితో గొడవకు దిగాడు. అది గమనించి టర్కీ పోలీసు అధికారితో పాటు మహిళా ఎయిర్లైన్ ఉద్యోగి అతడు కూర్చున్న సీటు వద్దకు రాగా వారిపై ఆ ప్రయాణికుడు దాడి చేశాడు. దీంతో విమానంలో ఉన్న ప్రయాణికులంతా ఒక్కసారిగా షాక్ కు గురయ్యారు. వెంటనే ఉన్నతాధికారులకు సమాచారం అందించగా..అక్కడకు చేరుకున్న అధికారులు అతడిని విమానం నుంచి బయటకు పంపించారు.
ఏప్రిల్ 20 వ తేదీన ఎడిన్‌బర్గ్‌ నుంచి విమానం టర్కీ బయలు దేరింది. అయితే మద్యం మత్తులో ఉన్న ఓ ప్రయాణికుడు ఫ్లైట్ స్టార్ట్ అయినప్పటి నుంచి స్కాటిష్‌ ఫుట్‌బాల్‌ చూస్తూ గట్టి గట్టిగా అరుస్తూ తోటి ప్రయాణికులకు ఇబ్బంది కలిగించాడు. అతడి ప్రవర్తనతో విసిగిపోయిన ఓ ప్రయాణికుడు సైలెంట్ గా ఉండాలని కోరాడు. దీంతో కోపంతో ఊగిపోయిన సదరు వ్యక్తి ప్రయాణికుడితో వాగ్వాదానికి దిగాడు. అతడితో పాటు వారి సీటు వద్దకు వచ్చిన పోలీసు, సిబ్బందిపై దాడి చేశాడు.
Also Read: నోట్లో నిప్పు పెట్టుకుని స్టంట్స్.. కొంచెంలో తప్పిన పెను ప్రమాదం
విషయం తెలుసుకున్న ఈజీజెట్ అధికారులు ఈ ఘటనపై స్పందించారు. దాడికి పాల్పడిన వ్యక్తిని పోలీసులు అదుపులోకి తీసుకున్నట్లు వెల్లడించారు. తమ సిబ్బంది వివిధ రకాల మనస్తత్వాలు కలిగి ఉన్న ప్రయాణికులతో ఎలా వ్యవహరించాలి అనే విషయంలో శిక్షణ పొందారని తెలిపారు. త్వరలోనే నిందితుడిపై కఠిన చర్యలు తీసుకుంటామని వెల్లడించారు.
A fight broke out on an #easyJet flight from #Edinburgh to #Antalya, on April 20. When the aircraft landed at Antalya Airport, police were called on board.The passenger hit another passenger, and then he hit the police officer too.
🎥©Scott Johnston via @HavaSosyalMedya#Turkey pic.twitter.com/WDyR5SN0ue
— FlightMode (@FlightModeblog) April 22, 2024