Gas Charge: నిమ్మరసానికి గ్యాస్ ఛార్జ్ ఏంట్రా బాబూ? బెంగళూరు హోటల్ వింత లాజిక్.. నెటిజన్ల ఫ్యూజులు అవుట్!

Gas Charge: సాధారణంగా హోటళ్లు లేదా కేఫ్‌లకు వెళ్లినప్పుడు సర్వీస్ ఛార్జ్ లేదా జిఎస్‌టి (GST) చూడటం అలవాటే. కానీ, బెంగళూరులోని ఒక ప్రముఖ కేఫ్ ఏకంగా “గ్యాస్ క్రైసిస్ ఛార్జ్” (Gas Crisis Charge) పేరుతో కస్టమర్ల జేబులకు చిల్లు పెడుతోంది. తాజాగా ఒక వినియోగదారుడు రెండు గ్లాసుల నిమ్మరసం ఆర్డర్ చేయగా, దానికి అయిన రూ. 358 బిల్లుతో పాటు అదనంగా 5 శాతం అంటే రూ. 17 గ్యాస్ కొరత ఛార్జీగా వసూలు చేశారు. వేడి చేయాల్సిన అవసరం లేని నిమ్మరసానికి కూడా గ్యాస్ బిల్లు వేయడంపై సోషల్ మీడియాలో నెటిజన్లు తీవ్ర ఆగ్రహం వ్యక్తం చేస్తున్నారు.

అయితే ప్రస్తుతం ప్రపంచవ్యాప్తంగా నెలకొన్న భౌగోళిక రాజకీయ పరిస్థితులు, సరఫరా గొలుసు (Supply Chain) ఇబ్బందుల వల్ల సహజ వాయువు ధరలు పెరుగుతున్నాయి. రష్యా-ఉక్రెయిన్ వివాదం వంటి కారణాల వల్ల అంతర్జాతీయ మార్కెట్‌లో ఇంధన ధరలు ప్రభావితం కావడంతో, ఆ భారాన్ని తగ్గించుకోవడానికి కొన్ని సంస్థలు ఇలాంటి వినూత్న మార్గాలను వెతుక్కుంటున్నాయి. అయితే, వంటగ్యాస్‌తో సంబంధం లేని చల్లని పానీయాలపై కూడా ఇలాంటి సెర్ఛార్జీలు వేయడం వ్యాపార నైతికతకు విరుద్ధమని వినియోగదారుల హక్కుల సంఘాలు మండిపడుతున్నాయి.

ఈ సంఘటనపై సదరు కేఫ్ యాజమాన్యం స్పందిస్తూ.. గ్యాస్ ధరల పెరుగుదల వల్ల తమ నిర్వహణ ఖర్చులు విపరీతంగా పెరిగిపోయాయని, అందుకే బిల్లుపై 5 శాతం అదనంగా వసూలు చేయాలని నిర్ణయించినట్లు వెల్లడించింది. కేవలం వండిన పదార్థాలకే కాకుండా, ఓవరాల్ బిల్లుపై ఈ ఛార్జీని వర్తింపజేయడం గమనార్హం. ఇది వినియోగదారులను మోసం చేయడమేనని, మెనూలో ఉన్న ధర కంటే అదనంగా వసూలు చేసే ఏ ఛార్జీ అయినా చట్టరీత్యా తప్పని పలువురు అభిప్రాయపడుతున్నారు.

Also Read: మాజీ భార్య అక్క తిట్టిందని.. వాటర్ ట్యాంక్‌ ఎక్కిన 4 పెళ్లిళ్ల మొగుడు

ఇలాంటి పరిస్థితుల్లో వినియోగదారులు బిల్లులను జాగ్రత్తగా గమనించడం అవసరం. అనుమతి లేని సెర్ఛార్జీలను హోటళ్లు వసూలు చేస్తే వాటిని ప్రశ్నించే హక్కు కస్టమర్లకు ఉంటుంది. ప్రస్తుతం ఈ “గ్యాస్ బిల్లు” ఫోటో ఇంటర్నెట్‌లో వైరల్ అవుతుండటంతో, బెంగళూరు మున్సిపల్ అధికారులు, వినియోగదారుల రక్షణ విభాగం దీనిపై ఎలాంటి చర్యలు తీసుకుంటుందో వేచి చూడాలి.

నిమ్మరసంపై గ్యాస్ ఛార్జ్..!

గ్యాస్ కొరత పేరుతో ఓ కేఫ్ బిల్లులో 5 శాతం అదనంగా వసూలు

కర్ణాటక రాష్ట్రం బెంగళూరులో చోటు చేసుకున్న ఘటన

రెండు నిమ్మరసాలకు రూ.358తో పాటు రూ.17 గ్యాస్ క్రైసిస్ ఛార్జ్ వేయడంతో వినియోగదారుల ఆగ్రహం

A customer had ordered two mint lemonades, priced at Rs… pic.twitter.com/V6AKWFk1kr

— BIG TV Breaking News (@bigtvtelugu) March 17, 2026

Share

• 
• 
• 
• 
• 
•