Viral Video: ప్రతీ ఒక్కరి జీవితంలో దేవుడి కంటే మొదటగా పూజించేది తల్లిదండ్రులనే. తల్లి నవమాసాలు మోసి కని పెంచితే, తండ్రి జీవితాంతం తన కష్టార్జీతంతో పెంచి పెద్ద చేస్తాడు. ఇలా తమ పిల్లలపై తల్లిదండ్రులు ప్రేమను పంచుతుంటారు. అయితే వారు కష్టపడి పెంచడమే కాదు.. పిల్లల కలలను నెరవేర్చాలని, పిల్లలకు కావాల్సినవన్నీ కొనిస్తూ, అడిగిన ప్రతీ దానికి వద్దు లేదు అనే సమాధానం చెప్పకుండా క్షణాల్లో వారికి అన్నీ అందిస్తుంటారు. ముఖ్యంగా పిల్లలకు సంబంధించిన ఏ స్పెషల్ డే అయినా సరే వారు ఓ పండుగలా సెలబ్రేట్ చేస్తుంటారు.
సాధారణంగా అయితే తండ్రి పిల్లలపై ప్రేమను చూపించరు. కొంతమంది తండ్రులు ప్రేమను చూపిస్తే మరికొంత మంది మాత్రం ప్రేమను బయటపెట్టరు. ఇంకొంత మంది తరచూ తమ పిల్లలపై ప్రేమను చూపించకపోయినా ఒక స్పెషల్ డే అంటే బర్త్ డేల సమయంలో తమ పిల్లలపై తమ ప్రేమను ఎక్స్ ప్రెస్ చేస్తుంటారు. అలాంటిదే ఓ ఘటన తాజాగా వెలుగుచూసింది. ఓ తండ్రి తన కూతురు బర్త్ డేను సెలబ్రేట్ చేసుకున్న తీరు చూసి నెటిజన్లు కూడా ఫిదా అవుతున్నారు. నాన్న ప్రేమ అంటే ఇలా ఉంటుందని అంటున్నారు.
సోషల్ మీడియాలో వైరల్ అవుతున్న వీడియోలో ఓ తండ్రి తన కూతురి బర్త్ డే కోసం తన ఆటోను అందంగా డెకరేట్ చేసుకున్నాడు. బర్త్ డే సందర్భంగా ఆటోలో రంగురంగుల బెలూన్స్ కట్టి అలంకరించాడు. దీనికి సంబంధించిన వీడియోను ఓ ప్రయాణికురాలు వీడియో తీసి సోషల్ మీడియాలో పోస్ట్ చేయడంతో వైరల్ అవుతోంది. తండ్రి అంటే ఇలా ఉండాలని అంటున్నారు.
it was his daughter’s birthday 🎈 pic.twitter.com/x5eE1xNW1I
— Sumedha Uppal (@SumedhaUppal) May 9, 2024