Viral Video: నేటి సమాజంలో యువతను పట్టిపీడిస్తున్న అతిపెద్ద సామాజిక మహమ్మారి ఆన్లైన్ బెట్టింగ్. క్షణాల్లో కోటీశ్వరులు అయిపోవచ్చనే అత్యాశ, సులభంగా డబ్బు సంసాదించాలనే వ్యామోహం యవతను పెడదోవ పట్టిస్తోంది. కష్టపడి సంపాదించిన డబ్బుతో సరిపెట్టుకోకుండా.. ఆస్తులు అమ్మకోవడం, అధిక వడ్డీలకు అప్పులు తెచ్చి బెట్టింగ్లో పెట్టడం వల్ల ఎన్నో కుటుంబాలు రోడ్డున పడుతున్నాయి. మరి కొందరు అయితే ఏకాంగా విచిత్ర చేష్టలు చేస్తూ.. తిరిగి బెట్టింగ్ యాప్ ప్రమోట్ చేసిన వారిదే తప్పు అని వీరంగం సృష్టిస్తున్నారు. ప్రస్తుతం అలాంటి ఘటనే ఇప్పుడు గుంటూరులో చోటుచేసుకుంది.
అప్పుల ఇచ్చిన వాళ్ల వేధింపులు తట్టుకోలేక ఆత్మహత్య చేసుకుంటానని కరెంట్ టవర్ ఎక్కి హల్చల్ చేశాడు ఓ వ్యక్తి. ప్రస్తుతం ఈ ఘటనకు సంబంధించిన వీడియో సోషల్ మీడియాలో చక్కర్లు కొడుతోంది.
గుంటూరు జిల్లా తాడికొండ నియోజకవర్గం మల్యాపురం గ్రామానికి చెందిన రాంబాబు అనే వ్యక్తి ఆన్లైన్ బెట్టింగ్ యాప్లకు అలవాటు పడి క్రమంగా భారీ మెుత్తంలో నగదు కోల్పోయాడు. రాంబాబు తెలిపిన సమాచారం ప్రకారం.. ఆన్లైన్ బెట్టింగ్ ద్యారా దాదాపు రూ.80లక్షలు నష్టపోయాడు. కొందరు ప్రముఖ సెలబ్రిటీలు బెట్టింగ్ యాప్లను ప్రచారం చేయడం చూసి నమ్మకం పెరిగి.. అదనంగా రూ.60 లక్షలు అప్పు చేసి మరీ బెట్టింగ్లో పాల్గొన్నట్లు చెప్పాడు. తొలుత చిన్న మెుత్తాల లాభాలు కనిపించడంతో మరింత డబ్బు పెట్టేందుకు ప్రోత్సాహం కలిగిందని.. ఆ తర్వాత ఒక్కసారిగా నష్టాలు పెరిగాయని వివరించాడు.
అప్పులు తీర్చలేని పరిస్థితి రావడంతో తీవ్ర మానసిక ఒత్తిడికి లోనయ్యానని రాంబాబు ఆవేదన వ్యక్తం చేశాడు. అప్పుల బాధ తీరేందుకు కిడ్నీ అమ్ముకునే మార్గం ఉందేమోనని కోర్టల చుట్టూ తిరిగినట్లు కూడా చెప్పాడు. అయితే ఆ ప్రయత్నాలు ఫలించకపోవడంతో అప్పుల వాళ్లు వేధింపులు పెరిగి.. రోజు రోజుకూ పరిస్థితి మరింత క్షిష్టంగా మారిందని వాపోయాడు.
ఈ ఒత్తిడి తట్టుకోలేక తాను ఆత్మహత్య చేసుకుంటానని చెబుతూ కరెంట్ టవర్ ఎక్కనట్లు తెలిపారు. ఈ సమాచారం అందుకున్న పోలీసులు, అధికారులు ఘటనాస్థలికి చేరుకొని పరిస్థితిని అదుపులోకి తీసుకొచ్చే ప్రయత్నం చేశారు.
కరెంట్ టవర్ ఎక్కి వ్యక్తి హల్చల్
గుంటూరు జిల్లా తాడికొండ నియోజకవర్గం మల్కాపురం గ్రామంలో ఘటన
బెట్టింగ్ యాప్ ల వల్ల రూ.80 లక్షలు పోగొట్టుకున్న రాంబాబు
బాలకృష్ణ, ప్రభాస్, అల్లు అర్జున్ వంటి సెలబ్రిటీలు బెట్టింగ్ యాప్స్ ప్రమోట్ చేయడం వల్ల రూ.60 లక్షలు అప్పు చేసి మరీ ఆన్ లైన్… pic.twitter.com/oHByK4pPuK
— BIG TV Breaking News (@bigtvtelugu) January 5, 2026
Share
iQOO 15R: వచ్చేస్తోంది గేమింగ్ బీస్ట్ ఐకూ 15R.. ఈ లేటెస్ట్ ఫ్లాగ్షిప్ ఫీచర్లు తెలిస్తే ఫ్యూజులు ఎగురుతాయ్!
Tips Less Fuel: కారు మైలేజ్ పెంచుకోవాలా? సింపుల్ గా ఈ టిప్స్ పాటించండి!
