China Manja Video: చైనా మాంజా ఎంత ప్రమాదకరమో మరోసారి రుజువైంది. దిల్లీలో బైక్ వెళ్తున్న ఓ యువకుడి మెడకు మాంజా చుట్టుకుంది. బైకర్ అప్రమత్తతతో తృటిలో ప్రాణాపాయం నుంచి తప్పించుకున్నాడు. ఈ ఘటన వీడియోలో రికార్డైంది. షాబుద్దీన్ అన్సారీ తన బైక్ పై వెళ్తుండగా ఒక్కసారిగా చైనా మాంజా మెడకు చుట్టుకుంది. వీడియోలో అన్సారీ తన బైక్ ను ఆపి మెడకు చుట్టుకున్న మాంజాను జాగ్రత్తగా తీసివేసి, ఆపై తన ప్రయాణాన్ని కొనసాగించాడు. ఇంటికి చేరుకున్న తర్వాత తనకు జరిగి విషయాన్ని సోషల్ మీడియాలో పెట్టాడు.
“చైనా మాంజా ప్రమాదం నుంచి నేను తృటిలో తప్పించుకున్నాను. దేవుని దయ వల్ల, నాకు ఏమీ జరగలేదు” అని అన్సారీ వీడియో పోస్టు చేశాడు. వీడియోలో మాంజా వలన తన షార్ట్ ఎలా చిరిగి పోయిందో చూపించాడు. మందంగా ఉన్న వైర్ కు గాజు పొడిని అద్దుతారని, అందుకే మాంజా చుట్టుకున్న వెంటనే గాయం అవుతుందని తెలిపాడు. అదృష్టవశాత్తూ తనకు చిన్న గాయమే అయిందని, పెను ప్రమాదం తప్పిందన్నాడు.
మాంజా వల్ల తన హెల్మెట్ పట్టీ దెబ్బతిన్నట్లు వీడియోలు చూపాడు అన్సారీ. హెల్మెట్ ఉండడం వల్ల తనకు తీవ్రమైన గాయం అవ్వలేదన్నారు. తన బైక్ డాష్ క్యామ్ లో జరిగిన సంఘటన రికార్డు అయిందన్నాడు.
?utm_source=ig_web_copy_link
Also Read: అంతా చూస్తుండగా.. మెట్రో స్టేషన్లో మూత్రం పోసిన ప్రయాణికుడు
చైనీస్ మాంజా అనేది గాజు పొడితో పూత పూయబడిన సింథటిక్.. గాలిపటాలను ఎగురవేసే కాటన్ దారం కంటే చాలా పదునుగా, బలంగా ఉంటుంది. తెగిన గాలి పటాల మాంజా రోడ్లపై వేలాడుతూ వాహనదారులకు ఎంతో ప్రమాదం మారుతున్నాయి. ఒక్కసారిగా మెడకు చుట్టుకుని తీవ్రగాయాలైన సందర్భాలు లేకపోలేదు. దీంతో తెలంగాణ ప్రభుత్వం చైనా మాంజాపై నిషేధం విధించింది.
Share
Big shock for YCP: వైసీపీకి కోలుకోలేని దెబ్బ.. ఫ్యాన్ను పక్కన పెట్టి సైకిల్ ఎక్కిన ఉప్పలపాడు గ్రామం!
Oil India: ఆయిల్ ఇండియాలో భారీ కొలువులు.. నెలకు రూ. 90,000 వరకు జీతం.. గోల్డెన్ ఛాన్స్!
