Viral Video: మూఢ విశ్వాసాల ముసుగులో కొందరు వ్యక్తులు ఏం చేస్తున్నారో వారికే తెలియడం లేదు. ముఖ్యంగా భక్తి అనే పేరుతో కొందరు చేస్తున్న పనులు.. సోషల్ మీడియా వేదికగా తీవ్ర చర్చనీయాంశంగా మారుతున్నాయి. ఈ క్రమంలోనే తాజాగా ఓ వీడియో నెట్టింట హల్ చల్ చేస్తోంది. అది చూసి నెటిజన్లు నివ్వెరపోతున్నారు.
నెట్టింట చక్కర్లు కొడుతున్న వీడియోలో ఓ మహిళ తన భర్తను భుజాల వరకూ భూమిలో కప్పిపెట్టింది. తల ఒక్కటి బయటకు కనిపించేలా చేసి.. భర్త తలపైౌ, చుట్టుపక్కల పూలు చల్లింది. అంతటి ఆగకుండా నెత్తిన పాలు పోస్తూ.. ‘హర హర మహాదేవ్’ అంటూ శివుడ్ని తలుచుకుంది. భర్త తలను శివలింగంలా భావించి.. సదరు మహిళ ఈ విచిత్రమైన కార్యక్రమానికి తెరలేపినట్లు తెలుస్తోంది.
"Har Har Mahadev." 🙏🤣
But what happened to this uncle? Why did aunty buried him in the ground and chanting "Har Har Mahadev" for some magic?
It really makes me laugh and wonder why people do such things. Sheer stupidity. pic.twitter.com/KQKUE46LO3
— Mission Ambedkar (@MissionAmbedkar) February 16, 2026
భార్య విపరీత పోకడకు ఆమె భర్త కూడా సహకరించినట్లు వీడియోలో స్పష్టంగా కనిపిస్తోంది. భార్య తన తలపై అభిషేకం చేస్తుండగా భర్త దానిని అస్వాదిస్తూ కనిపించాడు. ఏమాత్రం ఆమెకు అడ్డు చెప్పే ప్రయత్నం చేయలేదు. ఈ వీడియో సోషల్ మీడియాలో ప్రత్యక్షమైన కొద్ది క్షణాల్లో వైరల్ మారింది. దీనిని చూసి నెటిజన్లు అవాక్కవుతున్నారు.
భర్తకు భార్య అభిషేకం చేయడాన్ని చూసి నెటిజన్లు తమదైన శైలిలో స్పందిస్తున్నారు. భక్తి ఏమో గానీ.. ఈ వీడియో చూస్తే తనకు విపరీతంగా నవ్వు వచ్చిందని ఓ వ్యక్తి పేర్కొన్నాడు. ఇది మూర్ఖత్వం అంటూ మరో యూజర్ రాసుకొచ్చాడు. అయితే మరికొందరు మహిళ చేసిన పనిని సమర్థిస్తున్నారు. ఈ దేశంలో ప్రతీ జాతి, మతానికి స్వంత ఆచారాలు ఉంటాయని పేర్కొంటున్నారు. కాబట్టి తోటి వారి ఆచారాలను గౌరవించడం నేర్చుకోండి అంటూ కామెంట్స్ చేస్తున్నారు. మెుత్తం మీద సదరు వీడియో సోషల్ మీడియాలో ఒక పెద్ద బజ్ ను క్రియేట్ చేసిందని చెప్పవచ్చు.
Share
Dancing Robots: డాన్స్, కుంగ్ఫూ చేస్తూ పిచ్చెకిస్తున్న రోబోలు.. సోషల్ మీడియాలో వీడియో వైరల్
Nagababu: మానవత్వం చాటుకున్న ఎమ్మెల్సీ నాగబాబు.. కోవా బన్ వ్యాపారికి రూ. 25వేల ఆర్థిక సాయం!
