Ambati Rambabu: ఆంధ్రప్రదేశ్ మాజీ మంత్రి, వైఎస్సార్ కాంగ్రెస్ పార్టీ సీనియర్ నాయకుడు అంబటి రాంబాబుకు గుంటూరు కోర్టులో ఊరట లభించింది. వేర్వేరు కేసుల్లో ఆయనకు కోర్టు వరుసగా బెయిల్ మంజూరు చేసింది. ఇప్పటికే ముఖ్యమంత్రి చంద్రబాబు నాయుడుపై చేసిన వివాదాస్పద వ్యాఖ్యల కేసులో ఆయనకు బెయిల్ రాగా, తాజాగా మెడికల్ కాలేజీల ప్రైవేటీకరణకు సంబంధించిన మరో కేసులోనూ బెయిల్ లభించింది.
ముఖ్యమంత్రి చంద్రబాబు నాయుడుపై అనుచిత వ్యాఖ్యలు చేసిన కేసులో వైఎస్సార్ కాంగ్రెస్ పార్టీ (YSRCP) నేత అంబటి రాంబాబును ఫిబ్రవరి 7, 2026న పోలీసులు అరెస్ట్ చేశారు. రాష్ట్రంలోని వైద్య కళాశాలలను పబ్లిక్ ప్రైవేట్ పార్టనర్షిప్ (PPP) విధానంలో నిర్వహించాలన్న ప్రభుత్వ నిర్ణయానికి వ్యతిరేకంగా ఆయన ఆందోళనలు చేపట్టారు. ప్రభుత్వ విధానాలను వ్యతిరేకిస్తూ నిర్వహించిన ఈ నిరసనల కారణంగానే ఆయనపై కేసులు నమోదై, అరెస్టుకు దారితీసింది.ఈ కేసుపై విచారణ జరిపిన గుంటూరు కోర్టు, ఆయనకు బెయిల్ మంజూరు చేస్తూ నిర్ణయం తీసుకుంది. ఇదే సమయంలో పోలీసులు దాఖలు చేసిన కస్టడీ పిటిషన్ను న్యాయస్థానం తోసిపుచ్చింది.
అన్ని ప్రధాన కేసుల్లో బెయిల్ మంజూరు కావడంతో, అంబటి రాంబాబు జైలు నుంచి విడుదలయ్యేందుకు మార్గం సుగమమైంది. న్యాయపరమైన ప్రక్రియలు పూర్తయిన తర్వాత, ఆయన రేపు జైలు నుంచి బయటకు వచ్చే అవకాశం ఉందని సమాచారం. వరుస బెయిల్ మంజూరుపై వైసీపీ శ్రేణులు హర్షం వ్యక్తం చేస్తున్నాయి.
Share
Bhatti Vikramarka: కాంగ్రెస్ అభ్యర్థులను గెలిపించాలి.. డిప్యూటీ సీఎం భట్టి విక్రమార్క పిలుపు!
Private Health Care: రోగికి ఇన్సురెన్స్ ఉందని తెలిస్తే చాలు.. హాస్పిటళ్లలో దోపిడీ దందా మొదలు.. ఎంపీ కీలక వ్యాఖ్యలు
