MLA Adinarayana Reddy: జెడ్పీ పదవుల వ్యవహారం కూటమిలో చిచ్చు మొదలైంది. తమ వారసులకు పీఠాలు అప్పగించాలని భావిస్తున్న కొందరు నేతలకు ఊహించని షాక్ తగిలింది. ఈ క్రమంలో పార్టీకి గుడ్ బై చెప్పాలని భావిస్తున్నారట బీజేపీ ఎమ్మెల్యే ఆది నారాయణ రెడ్డి. ఈ వ్యవహారంపై ఆయన మీడియా ముందుకు రానున్నారు.
స్థానిక సంస్థల ఎన్నికలు, సీట్లు, పదవుల పంపకాల వ్యవహారం కూటమిలో చిచ్చు రేగుతోంది. మొన్నటికి మొన్న నర్సాపురం ఎంపీ, కేంద్రమంత్రి శ్రీనివాస వర్మ సీట్లు కేటాయింపు ఆగ్రహం వ్యక్తం చేశారు. నర్సాపురం మున్సిపాలిటీలో బీజేపీ ఫ్రెండ్లీ కంటెస్టు చేస్తుందని తేల్చి చెప్పేశారు. ఆ తర్వాత ఆయనతో కూటమి నేతలు మంతనాలు జరిపినట్టు తెలుస్తోంది.
మరోవైపు గడిచిన రెండు రోజులుగా జెడ్పీ పదవుల పంపకాలపై కూటమిలో చర్చ జరిగింది. సీఎం చంద్రబాబుతో జనసేన నుంచి నాదెండ్ల, బీజేపీ నుంచి మాధవ్ మంతనాలు చేశారు. చివరకు జనసేనకు నాలుగు జెడ్పీలు, బీజేపీకి ఒక జెడ్పీ ఓకే చేశారు. అలాగే కొన్ని ప్రాంతాల్లో వైస్ ఛైర్మన్లను కేటాయించింది. దీనిపై బీజేపీలో అసంతృప్తి మొదలైంది.