Tomato Prices Soar: భయపెడుతున్న టమాట.. కిలో ఎంతంటే?

Tomato Prices Soar: చిత్తూరు జిల్లా టమాటా ధరలు ఇటీవలగా భారీగా పెరిగాయి. గత వారం కిలో 10 రూపాయలకే లభిస్తున్న టమాటా, ప్రస్తుతం 50 రూపాయల ను దాటింది. దీని ద్వారా మునుపటి రోజుల్లో గిట్టుబాటు ధరలేక నష్టపోయిన రైతులు కొంత ఉపశమనం పొందుతున్నారు.

తాజా పరిస్థితుల కారణంగా టమాటా ధరల పెరుగుదలకు ప్రధాన కారణం ఉత్పత్తి తగ్గడమే. ఇటీవల చిత్తూరు జిల్లాలో వచ్చిన అకాల వర్షాలు, తెగుళ్ల కారణంగా టమాట పంటలు భారీగా దెబ్బతిన్నాయి. ఫలితంగా సరైన దిగుబడి రాలేదు. మదనపల్లె మార్కెట్‌కు వస్తున్న టమాటా పరిమితంగా ఉంది, దాంతో ధరలు ఆకాశాన్ని తాకుతున్నాయి.

గతంలో మదనపల్లె మార్కెట్‌కు వెయ్యి టన్నులకు పైగా టమాటా రాలేదని చెప్పవచ్చు. కానీ ప్రస్తుతం కేవలం 300 నుండి 400 టన్నుల వరకు మాత్రమే వస్తోంది. మలకలచెర్వు, గుర్రంకొండ, పుంగనూరు, పలమనేరు, అంగల్లు వంటి మార్కెట్లలోనూ ఇదే పరిస్థితి నెలకొంది.

టమాటా మాత్రమే కాకుండా ఇతర కూరగాయల ధరలు కూడా పెరుగుతున్నాయి. వంకాయ కిలో సెంచరీ దాటగా, బీన్స్ 40 నుండి 60 రూపాయల వరకు, క్యాప్సికం 60 రూపాయలు, కంది 120 రూపాయలు, మిర్చి 60 రూపాయలు దాటిపోయాయి.

రైతులు తాము ఎదుర్కొన్న నష్టాన్ని కొంత తగ్గించుకునే అవకాశం లభించిందని తెలిపినా, సాధారణంగా ప్రజలకు కూరగాయల ఖర్చులు పెరగడం కొనసాగుతుంది అని స్థానికులు అన్నారు.

Share

• 
• 
• 
• 
• 
•