YS Jagan Mohan Reddy: చెన్నైలో జగన్ సందడి.. వివాహ వేడుకలో సూర్య, కార్తీలతో..!

YS Jagan Mohan Reddy: వైఎస్సార్ కాంగ్రెస్ పార్టీ అధినేత, ఆంధ్రప్రదేశ్ మాజీ ముఖ్యమంత్రి వైఎస్ జగన్‌మోహన్‌రెడ్డి చెన్నై నగరంలో ప‌ర్య‌టించారు. తన సమీప బంధువుల వివాహ వేడుకలో పాల్గొన్నారు. చెన్నై చేరుకున్న ఆయనకు పార్టీ శ్రేణులు, అభిమానులు ఘనస్వాగతం పలికారు..

వైఎస్ జగన్ పెదనాన్న వైఎస్ జార్జి రెడ్డి కుమారుడు వైఎస్ అనిల్ రెడ్డి నివాసంలో ఈ వివాహ వేడుక అత్యంత వైభవంగా జరిగింది. అనిల్ రెడ్డి కుమారుడు సాహిల్, వేదికల కళ్యాణ ఘట్టాన్ని చూడటానికి జగన్ స్వయంగా తరలివచ్చారు. ఈ వేడుకలో ఏపీ మాజీ సీఎం ప్రత్యేక ఆకర్షణగా నిలిచారు. ఆయన్ని చూసేందుకు భారీగా తరలివచ్చిన అభిమానులు, కార్యకర్తల కోలాహలంతో ఆ ప్రాంతం సందడిగా మారింది. కుటుంబ సభ్యులతో కలిసి జగన్ ఈ వేడుకను ఆస్వాదించారు.

ఈ వివాహ వేడుకకు కోలీవుడ్ స్టార్ హీరోలు సూర్య, కార్తీ హాజరుకావడం అందరినీ ఆశ్చర్యానికి గురిచేసింది. సాంప్రదాయ పట్టు పంచె, షర్ట్ ధరించి వచ్చిన సూర్యను చూడగానే జగన్ సాదరంగా ఆహ్వానించారు. సూర్య తన తమ్ముడు కార్తీని జగన్‌కు పరిచయం చేయగా, జగన్ వారిద్దరినీ ఆత్మీయంగా ఆలింగనం చేసుకున్నారు. జగన్, సూర్యల మధ్య పాత స్నేహం ఉండటంతో వారిద్దరూ పక్కపక్కనే కూర్చుని సరదాగా ముచ్చటించారు. ఈ స్టార్ బ్రదర్స్ మరియు అగ్ర నాయకుడి కలయిక చూసి అక్కడి వారు ఆనందం వ్యక్తం చేశారు.

చెన్నైలో జరిగిన ఒక ప్రైవేట్ వివాహ వేడుకలో వైఎస్ జగన్ మోహన్ రెడ్డి, కోలీవుడ్ స్టార్ హీరోలు సూర్య, కార్తీల కలయిక హాట్ టాపిక్‌గా మారింది. జగన్ తన సోదరుడు వైఎస్ సునీల్‌రెడ్డి కుమారుడు సాహిల్ వివాహానికి హాజరవగా.. అక్కడ ఈ స్టార్ బ్రదర్స్ ఆయనను మర్యాదపూర్వకంగా కలిశారు. జగన్, సూర్యల మధ్య… pic.twitter.com/dlOUNCO0GV

— ChotaNews App (@ChotaNewsApp) February 8, 2026

అంతేకాకుండా, సీనియర్ నటుడు మంచు మోహన్ బాబు కూడా ఈ వేడుకలో సందడి చేశారు. ఒకే వేదికపై వైఎస్ జగన్, మోహన్ బాబు పక్కపక్కనే ఉన్న వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. రాజకీయాల్లో కీలక నేత, సినీ రంగంలో అగ్ర నటుడు ఇలా ఒకే ఫ్రేమ్‌లో కనిపించడంతో అటు రాజకీయ వర్గాల్లోనూ, ఇటు సినీ అభిమానుల్లోనూ ఆసక్తికర చర్చ మొదలైంది.

వైసీపీ అధినేత వైఎస్ జగన్ మోహన్ రెడ్డి, సీనియర్ నటుడు మంచు మోహన్ బాబు.. చెన్నైలో జరిగిన ఒక ప్రైవేట్ వేడుకలో సందడి చేశారు. వీరిద్దరూ ఒకే వేదికపై పక్కపక్కనే ఉన్న వీడియో ప్రస్తుతం సోషల్ మీడియాలో వైరల్ అవుతుంది. రాజకీయ, సినీ రంగాలకు చెందిన ఈ ఇద్దరు ప్రముఖులు ఇలా కలవడంపై అటు రాజకీయ… pic.twitter.com/VtWoYGrENr

— ChotaNews App (@ChotaNewsApp) February 8, 2026