Bigg Boss 9 -Bharani: బుల్లితెరపై అతిపెద్ద రియాలిటీ షో గా ఎంతో మంచి ఆదరణ సొంతం చేసుకున్న బిగ్ బాస్ కార్యక్రమం ప్రస్తుతం తెలుగులో 9వ సీజన్ ప్రసారం అవుతున్న సంగతి తెలిసిందే.. సెప్టెంబర్ 7వ తేదీ ప్రారంభమైన ఈ కార్యక్రమం మరొక వారంలో పూర్తికానుంది. ఈ క్రమంలోనే ఈ సీజన్ విన్నర్ ఎవరు అనే విషయంపై ఎంతో ఆసక్తి నెలకొంది. ప్రస్తుతం హౌస్ లో ఐదుగురు కంటెస్టెంట్లు ఉన్న సంగతి తెలిసిందే. ఈ ఐదుగురిలో ఇద్దరు కామన్ మ్యాన్ క్యాటగిరిలో హౌస్ లోకి వచ్చిన వారు కావటం విశేషం. ఇక 14వ వారంలో భాగంగా హౌస్ నుంచి ఇద్దరు కంటెస్టెంట్లు బయటకు వచ్చిన సంగతి తెలిసిందే.
14వ వారంలో భాగంగా డబుల్ ఎలిమినేషన్ జరగడంతో హౌస్ నుంచి సుమన్ శెట్టి శనివారం ఎలిమినేట్ కాగా ఆదివారం భరణి (Bharani) ఎలిమినేట్ అయ్యారు. ఇలా బిగ్ బాస్ హౌస్ నుంచి బయటకు వచ్చిన తర్వాత భరణి సోషల్ మీడియా వేదికగా బిగ్ బాస్ కార్యక్రమం గురించి , తనను సపోర్ట్ చేసిన అభిమానులను ఉద్దేశిస్తూ ఈయన సోషల్ మీడియా వేదికగా చేసిన పోస్ట్ వైరల్ అవుతుంది. ఈ సందర్భంగా భరణి ఎక్స్ వేదికగా స్పందిస్తూ.. ఆసక్తికరమైన పోస్ట్ చేశారు.
జీవితంలో గెలుపు ఓటములు ఒక భాగం మాత్రమేనని తెలిపారు కానీ మీరు ఈ ప్రయాణంలో నాకు తెలిపిన మద్దతు అతిపెద్ద విజయం. నేను ఎంతో గర్వంగా, కృతజ్ఞతతో ఎన్నో మర్చిపోలేని జ్ఞాపకాలతో బయటకు వెళ్తున్నాను. ఇవన్నీ కూడా కేవలం మీ వల్లే జరిగిందని, మీ ప్రేమను ముందుకు తీసుకెళ్లి నేను చేసే ప్రతి పనిలోనూ నా వంతు కృషి చేస్తూ ఉంటానని ఈ సందర్భంగా హామీ ఇచ్చారు. మరోసారి నా వెంట బలంగా నిలిచినందుకు, నన్ను నమ్మినందుకు, మీ ప్రేమను నాకు అందించినందుకు ధన్యవాదాలు అంటూ తెలియజేశారు. ఇది ముగింపు మాత్రం కాదని ,ఒక కొత్త ప్రారంభమని తెలియజేశారు మీరు నాతో ఈ ప్రయాణాన్ని కొనసాగిస్తారని ఆశిస్తున్నాను. మీ అంతులేని ప్రేమ గౌరవంతో మీ భరణి అంటూ ఈయన సుదీర్ఘమైన పోస్ట్ చేశారు.
Wins and losses are part of life, but your support is my biggest victory. I walk out with pride, gratitude, and unforgettable memories—all because of you. I promise to carry this love forward and continue giving my best in everything I do.
Once again, thank you for standing… pic.twitter.com/5UiTKo39P3
— Actor Bharani (@actor_bharanii) December 15, 2025
ఈ విధంగా భరణి బిగ్ బాస్ హౌస్ లో ఉన్నప్పుడు తనకు మద్దతుగా నిలిచిన వారందరికీ ఈయన ప్రత్యేకంగా ధన్యవాదాలు తెలియజేస్తూ షేర్ చేసిన ఈ పోస్ట్ సోషల్ మీడియాలో వైరల్ అవుతుంది. అయితే ఆరవ వారంలో భరణి ఒక్కసారి ఎలిమినేట్ అయ్యి అనంతరం వైల్డ్ కార్డు ద్వారా హౌస్ లోకి ఎంట్రీ ఇచ్చిన సంగతి తెలిసిందే. ఇక ఈయన హౌస్ లో 12 వారాలు పాటు కొనసాగారని తెలుస్తోంది. ఇలా 12 వారాలపాటు హౌస్ లో కొనసాగిన భరణి ఏకంగా 40 లక్షలకు పైగా రెమ్యూనరేషన్ అందుకున్నట్టు తెలుస్తోంది. ఇన్ని రోజులపాటు సీరియల్ నటుడిగా ఎంతో మంచి గుర్తింపు సంపాదించుకున్న భరణి బిగ్ బాస్ కార్యక్రమంతో మరింత ఆదరణ సొంతం చేసుకున్నారు. ఒక బిగ్ బాస్ తర్వాత ఈయనకు తదుపరి ఎలాంటి అవకాశాలు వస్తాయో తెలియాల్సి ఉంది.
Also Read: Jailer 2 Release: రజనీకాంత్ జైలర్ 2 రిలీజ్ డేట్ అప్డేట్…ప్రభాస్ కు పోటీగా?
Share
Jailer 2 Release: రజనీకాంత్ జైలర్ 2 రిలీజ్ డేట్ అప్డేట్...ప్రభాస్ కు పోటీగా?
Palnadu: నల్లగా ఉండటమే నా తప్పా? అత్తింటి ముందు కోడలు ధర్నా
