Big Stories

Nissan Magnite GEZA CVT: మ్యూజిక్ ప్రియుల కోసం నిస్సాన్ స్పెషల్ ఎడిషన్ వచ్చేసింది.. తక్కువ ధరలో.. అదిరిపోయిన ఫీచర్లు

Nissan Magnite GEZA CVT Special Edition Launched: దేశీయ మార్కెట్‌లో నిస్సాన్ కార్లకు మంచి క్రేజ్ ఉంది. ఈ కంపెనీ నుంచి వచ్చిన ప్రతి వేరియంట్ సేల్స్‌లో అదరగొట్టింది. అందులో 2023లో విడుదల అయిన నిస్సాన్ మాగైట్ (Magnite GEZA) స్పెషల్ ఎడిషన్ ఒకటి. ఈ ఎడిషన్‌లో XL, XV అనే మొత్తం రెండు వేరియంట్లు 2023లో విడుదల అయ్యాయి. ఈ కార్లు దాదాపు ఏడాది కాలంలో 30,000 యూనిట్లు విక్రయించబడ్డాయి. ఇవి దేశీయ మార్కెట్‌లో మంచి రెస్పాన్స్ అందుకున్నాయి. దీంతో ఇప్పుడు మరొక స్పెషల్ ఎడిషన్ మార్కెట్‌లో రిలీజ్ అయింది.

- Advertisement -

నిస్సాన్ కంపెనీ తాజాగా Magnite GEZA CVT స్పెషల్ ఎడిషన్‌ను భారత మార్కెట్‌లో రిలీజ్ చేసింది. ఇది రూ.9.84 లక్షల ధరతో లాంచ్ అయింది. GEZA స్పెషల్ ఎడిషన్ మొదటి వార్షికోత్సవం సందర్భంగా Nissan Magnite GEZA CVT స్పెషల్ ఎడిషన్‌ను మార్కెట్లోకి విడుదల చేసింది. రూ.10 లక్షల లోపు B-SUV సెగ్మెంట్‌లో ఇది అత్యంత సరసమైన, ప్రీమియం CVT టర్బో ఎంపిక.

- Advertisement -

Magnite GEZA CVT స్పెషల్ ఎడిషన్ సంగీత ప్రియుల కోసం ప్రత్యేకంగా రూపొందించబడింది. ‘‘GEZA ఎడిషన్’’ అనే పేరు జపనీస్ థియేటర్ నుండి ప్రేరణ పొందింది. ఈ కారు అద్భుతమైన సంగీత అనుభూతిని కలిగి ఉందని తెలుస్తోంది. ఈ వాహనం అద్భుతమైన JBL స్పీకర్ల కోసం గొప్ప మ్యూజిక్ సిస్టమ్‌ను కలిగి ఉంది. ఇది పెద్ద ఇన్ఫోటైన్‌మెంట్ స్క్రీన్, అద్భుతమైన స్పీకర్ సిస్టమ్‌ను కలిగి ఉండటంతో.. అద్భుతమైన సంగీత అనుభూతిని అందిస్తుంది. 22.86cm హై-రిజల్యూషన్ టచ్‌స్క్రీన్‌ని కూడా కలిగి ఉంది.

Also Read: రూ.8 వేలకే మారుతీ వ్యాగన్ ఆర్‌.. ఎలానో తెలుసా..?

ఇది కాకుండా వైర్‌లెస్‌గా కనెక్ట్ చేసే Android CarPlay, యాప్ నుండి వివిధ రంగులలో ప్రకాశించే లైట్లు కూడా ఉన్నాయి. ఈ లక్షణాలన్నీ గొప్ప సౌండ్, స్పష్టమైన స్క్రీన్‌తో డ్రైవింగ్ అనుభవాన్ని మరింత మెరుగ్గా చేస్తాయి. అలాగే, నిస్సాన్ మాగ్నైట్ గెజా CVT స్పెషల్ ఎడిషన్‌లో ప్రత్యేక వెనుక వీక్షణ కెమెరాను అమర్చారు. ఇది 1.0 లీటర్ టర్బో పెట్రోల్ ఇంజన్‌ ఆప్షన్‌ను కలిగి ఉంది. 98.63 బిహెచ్‌పి వద్ద 160 ఎన్‌ఎమ్ టార్క్‌ను ఉత్పత్తి చేస్తుంది.

మాగ్నైట్ గెజా సివిటి స్పెషల్ ఎడిషన్ విడుదలపై నిస్సాన్ మేనేజింగ్ డైరెక్టర్ సౌరభ్ వత్సా మాట్లాడుతూ, ‘‘మార్కెట్ నుండి కస్టమర్ ఫీడ్‌బ్యాక్ ఆధారంగా మాగ్నైట్ కొత్త వేరియంట్‌ను విడుదల చేయడం మాకు చాలా సంతోషంగా ఉంది. ప్రజలు ఇలాంటి వాటికోసం వెతుకుతున్నారని మేము తెలుసుకున్నాం. అందువల్లనే సరసమైన ధరలో ప్రీమియం ఫీచర్లు కలిగిన కారును తీసుకురావాలని మేము అనుకున్నాం. ఈ అవసరాలను తీర్చేందుకు ఈ కొత్త మోడల్‌ను తీసుకొస్తున్నాం’’ అని ఆయన తెలిపారు.

- Advertisement -

ఇవి కూడా చదవండి

Latest News