Open beta: స్మార్ట్ఫోన్ ప్రపంచంలో ప్రతీసారి కొత్త అప్డేట్ అంటే యూజర్లకు ఓ ఉత్సాహం ఉంటుంది. అలాంటి అప్డేట్లలోనే ఇప్పుడు టెక్ ప్రేమికులను ఆకట్టుకుంటున్నది కలర్ ఓఎస్ 16, ఆక్సిజన్ ఒఎస్16. వన్ప్లస్, ఒప్పో, రియల్మి ఫోన్లకు సంబంధించిన ఈ రెండు కొత్త ఆపరేటింగ్ సిస్టమ్లకు ఓపెన్ బీటా రిలీజ్ జరిగింది. అంటే ఇంకా ఇది ఫైనల్ వెర్షన్ కాదు కానీ ఇప్పుడు ఎవరైనా ముందుగా ఈ కొత్త ఫీచర్లను అనుభవించవచ్చు.
ఈ కొత్త వెర్షన్ ఆండ్రాయిడ్ 15 ఆధారంగా రూపొందించబడింది. అందువల్ల ఇది కేవలం డిజైన్ మార్పులు మాత్రమే కాదు, యూజర్ అనుభవం మొత్తాన్ని మెరుగుపరిచే విధంగా తయారు చేశారు. కలర్ ఓఎస్ 16ను ఒప్పో, రియల్మి ఫోన్లకు అందిస్తుండగా, ఆక్సిజన్ ఒఎస్ 16 యొక్క వన్ప్లస్ ఫోన్లకు అందిస్తున్నారు. ఈ రెండు సిస్టమ్లు ఒకే బేస్ మీద నడిచినా, వాటి లుక్, అనుభవం కొంచెం వేరు.
లుక్ మారింది!
ఇప్పుడీ కొత్త అప్డేట్లో ముఖ్యంగా లుక్ పూర్తిగా మారింది. హోమ్స్క్రీన్, నోటిఫికేషన్ ప్యానెల్, లాక్స్క్రీన్ అన్నీ కొత్తగా రూపొందించబడ్డాయి. ప్రతి యాప్కి యూజర్కి సౌకర్యంగా అనిపించే విధంగా స్మూత్ అనుభవం ఇస్తోంది. ఆండ్రాయిడ్ 15లో చేరిన ఎఐ ఆధారిత టూల్స్ కూడా ఇందులో కనిపిస్తాయి. స్క్రీన్లో మీరు ఏదైనా టెక్స్ట్ సెలెక్ట్ చేస్తే, దానితో సంబంధమైన సూచనలు ఆటోమేటిక్గా వస్తాయి. అలాగే ఫోటోలో ఉన్న వస్తువులను ఎఐ గుర్తించి వాటి వివరాలు చూపిస్తుంది.
ఇంకో ఆకర్షణీయమైన మార్పు బ్యాటరీ మేనేజ్మెంట్లో ఉంది. ఎఐ స్మార్ట్ ఛార్జింగ్ అనే ఫీచర్ ద్వారా మీరు ఫోన్ను రాత్రంతా ప్లగ్లో ఉంచినా కూడా బ్యాటరీ ఓవర్చార్జ్ కాకుండా నియంత్రిస్తుంది. దీని వలన బ్యాటరీ లైఫ్ పెరుగుతుంది. కలర్ ఓఎస్ 16లో హైపర్బూస్ట్ అనే టెక్నాలజీ ఉంది, ఇది గేమ్స్ ఆడేటప్పుడు లేదా హెవీ యాప్లు వాడేటప్పుడు ఫోన్ వేగాన్ని తగ్గకుండా ఉంచుతుంది. ఆక్సిజన్ ఒఎస్16లో ట్రినిటీ ఇంజిన్ అనే ఫీచర్ కూడా ఉంది, ఇది రామ్, థర్మల్ కంట్రోల్, పవర్ ఎఫిషియన్సీని సమతుల్యం చేస్తుంది.
Also Read: Diabetes health Tips: డయాబెటిస్కు సులువైన పరిష్కారం.. ఈ పండు ఆకు నీటిని తాగితే చాలు!
ప్రైవసీ విషయానికి వస్తే, ఆండ్రాయిడ్ 15 ఆధారంగా వచ్చినందున ఈ సిస్టమ్లు మరింత భద్రంగా మారాయి. డ్యాష్బోర్డ్ ద్వారా ఏ యాప్ ఏ అనుమతులు వాడుతోందో మీరు చాలా ఈజీగా తెలుసుకోవచ్చు. అదేవిధంగా ప్రైవేట్ ప్లేస్ అనే సదుపాయం ఉంది, దీనిలో మీరు మీ వ్యక్తిగత ఫోటోలు లేదా ముఖ్యమైన ఫైళ్ళను సురక్షితంగా ఉంచుకోవచ్చు.
ఎవరికీ అందుబాటులో ఉంది
ఈ అప్డేట్ ఎవరికీ అందుబాటులో ఉందనేది ఇప్పుడు ప్రశ్న. ప్రస్తుతం ఓపెన్ బీటా వెర్షన్ వన్ల ప్లస్ 12, 12ఆర్, 11, నోర్డ్ 3 వంటి మోడళ్లకు అందుబాటులో ఉంది. ఒప్పో వైపు చూసుకుంటే ఫైండ్ ఎక్స్7, రెనో 11 ప్రో, రెనో 11, ఎఫ్27 ప్రో ప్లస్ మోడళ్లకు ఇది అందింది. రియల్ మి ఫోన్లలో జిటి 6, 12 ప్రో ప్లస్, 11 ప్రో సిరీస్ ఫోన్లలో ఈ అప్డేట్ను ట్రై చేయవచ్చు. రాబోయే రోజుల్లో ఈ జాబితాలో మరికొన్ని మోడళ్లు చేరే అవకాశం ఉంది.
ఒపెన్ బీటా కాబట్టి దీన్ని వాడే ముందు జాగ్రత్తగా ఉండాలి. ఇది టెస్టింగ్ దశలో ఉన్నందున కొన్ని బగ్లు, సమస్యలు ఉండొచ్చు. మీరు ఫోన్లో ముఖ్యమైన పనులు చేస్తే లేదా బ్యాంకింగ్ యాప్లను వాడితే ఈ వెర్షన్ వాడడం సిఫార్సు కాదు. కానీ మీరు కొత్త ఫీచర్లు ముందుగా అనుభవించాలనుకుంటే, ఈ అప్డేట్ మీకోసం రూపొందించిందే.
సెట్టింగ్స్ లో వెళ్ళి ఇలా చేయండి
దీనిని ఇన్స్టాల్ చేయడం కూడా చాలా సులభం. మీ ఫోన్లో సెట్టింగ్స్ ఓపెన్ చేసి అబౌట్ డివైస్ లోకి వెళ్లాలి. అక్కడ బీటా పోగ్రామ్ లేదా ట్రయల్ వెర్షన్ అనే ఆప్షన్ ఉంటుంది. దానిపై క్లిక్ చేసి అప్లై నవ్ (Apply Now) ఎంచుకోవాలి. మీ అప్లికేషన్ ఆమోదించబడిన తర్వాత ఒటిఎ అప్డేట్ రూపంలో ఇది ఫోన్లోకి వస్తుంది. వైఫై ద్వారా డౌన్లోడ్ చేసుకుని ఇన్స్టాల్ చేసుకోవచ్చు. అప్డేట్ ఇన్స్టాల్ చేసిన తర్వాత మీరు బగ్లు లేదా చిన్న సమస్యలను రిపోర్ట్ చేయవచ్చు. ఇది కంపెనీలకు ఫైనల్ వెర్షన్ను మరింత స్థిరంగా తయారు చేయడంలో సహాయపడుతుంది.
ఎప్పుడు అందుబాటులోకి వస్తాయి?
ఆక్సిజన్ ఒఎస్ 16, కలర్ ఒఎస్ 16 యొక్క స్టేబుల్ వెర్షన్లు డిసెంబర్ చివర్లో లేదా 2026 జనవరిలో అందరికీ అందుబాటులోకి వచ్చే అవకాశం ఉంది. అంటే ఇంకొన్ని నెలల్లో ఈ కొత్త సాఫ్ట్వేర్ అన్ని సపోర్ట్డ్ ఫోన్లకు వస్తుంది. మీ ఫోన్ ఈ లిస్టులో ఉంటే వెంటనే చెక్ చేసి ఒపెన్ బీటా కోసం అప్లై చేయండి. కొత్త ఆండ్రాయిడ్ అనుభవం ఇప్పుడు మీ చేతుల్లోకి రాబోతోంది.
Share
Passenger Alert: ప్రయాణికులకు అలర్ట్.. ఆ రూట్లో వెళ్లే రైళ్లన్నీ రద్దు, ముందుగా చెక్ చేసుకోండి
Hand Dryer: పరిశుభ్రత పేరుతో అనారోగ్యం.. వామ్మో ఇంత డేంజరా ?
