Iran Fire: ఇరాన్ షాపింగ్ మాల్‌లో భారీ అగ్నిప్రమాదం.. ఎనిమిది మంది మృతి

Iran Fire: ఇరాన్‌ రాజధాని టెహ్రాన్‌ సమీపంలోని అండిషే పట్టణంలో ఘోర అగ్నిప్రమాదం చోటుచేసుకుంది. స్థానికంగా ఉన్న అర్ఘవాన్ షాపింగ్ సెంటర్‌లో ఒక్కసారిగా మంటలు చెలరేగడంతో అక్కడ ఉన్న వారంతా ప్రాణభయంతో పరుగులు తీశారు. ఈ విషాదకర ఘటనలో ఎనిమిది మంది ప్రాణాలు కోల్పోగా, మరో 36 మంది తీవ్రంగా గాయపడ్డారు. క్షతగాత్రులను చికిత్స నిమిత్తం సమీప ఆసుపత్రులకు తరలించారు.

అగ్నిప్రమాదం జరిగిన వెంటనే రంగంలోకి దిగిన అగ్నిమాపక సిబ్బంది, గంటల తరబడి శ్రమించి మంటలను అదుపు చేసేందుకు ప్రయత్నిస్తున్నారు. అయితే, మంటలు వ్యాపించిన వేగం వల్ల ఆస్తి నష్టం భారీగా జరిగిందని అధికారులు ప్రాథమికంగా అంచనా వేస్తున్నారు. అసలు ఈ ప్రమాదం ఎలా జరిగిందనే దానిపై ప్రభుత్వం విచారణకు ఆదేశించింది. ప్రస్తుతానికి మంటలు చెలరేగడానికి గల ఖచ్చితమైన కారణాలు ఇంకా తెలియాల్సి ఉంది.

అయితే, ఈ ప్రమాదంపై రకరకాల ఊహాగానాలు వినిపిస్తున్న నేపథ్యంలో ప్రభుత్వం కీలక వివరణ ఇచ్చింది. ముఖ్యంగా అమెరికాతో కొనసాగుతున్న రాజకీయ ఉద్రిక్తతలు లేదా ప్రస్తుత కాల్పుల విరమణ పరిణామాలకు, ఈ అగ్నిప్రమాదానికి ఎలాంటి సంబంధం లేదని స్పష్టం చేసింది. ఇది పూర్తిగా ఒక ప్రమాదవశాత్తు జరిగిన సంఘటనగానే అధికారులు భావిస్తున్నారు. బాధిత కుటుంబాలకు అండగా ఉంటామని స్థానిక యంత్రాంగం భరోసా ఇచ్చింది. షాపింగ్ సెంటర్‌లోని భద్రతా ప్రమాణాలపై కూడా దర్యాప్తు కొనసాగుతోంది.

Also Read: ఏకంగా ఏటీఎంనే ఎత్తుకెళ్లిన దొంగలు.. శ్రీ సత్యసాయి జిల్లాలో సంచలన ఘటన.. సీసీటీవీ దృశ్యాలు

ఇరాన్ రాజధాని టెహ్రాన్ సమీపంలోని అండిషే పట్టణంలో గల అర్ఘవాన్ షాపింగ్ సెంటర్‌లో భారీ అగ్నిప్రమాదం సంభవించింది. ఈ దుర్ఘటనలో ఎనిమిది మంది ప్రాణాలు కోల్పోగా, మరో 36 మంది గాయపడ్డారు. మంటలు ఎలా చెలరేగాయో ఇంకా తెలియరాలేదని, అధికారులు దర్యాప్తు చేస్తున్నారని ప్రభుత్వం తెలిపింది.… pic.twitter.com/AiJiUQdUtm

— ChotaNews App (@ChotaNewsApp) May 6, 2026