Fire Accident: నెల్లూరు GGHలో అగ్నిప్రమాదం.. భయంతో పరుగులు తీసిన రోగులు

Fire Accident: నెల్లూరులోని ప్రభుత్వ ప్రధాన ఆసుపత్రి (GGH)లో ఒక్కసారిగా అగ్నిప్రమాదం సంభవించడంతో పెను కలకలం రేగింది. ఆసుపత్రిలోని పిల్లల వార్డులో (Pediatric Ward) ఒక్కసారిగా మంటలు చెలరేగడంతో అక్కడున్న వారంతా భయాందోళనకు గురయ్యారు. ప్రాథమిక సమాచారం ప్రకారం, విద్యుత్ షార్ట్ సర్క్యూట్ కారణంగానే ఈ మంటలు అంటుకున్నట్లు తెలుస్తోంది. వార్డులోని వైరింగ్ నుండి ఒక్కసారిగా నిప్పురవ్వలు ఎగసిపడి, క్షణాల్లోనే పొగ కమ్మేయడంతో పెను ప్రమాద సంకేతాలు కనిపించాయి.

అయితే మంటలు చెలరేగిన సమయంలో వార్డులో భారీగా దట్టమైన పొగ అలుముకోవడంతో ఊపిరి ఆడక రోగులు ఉక్కిరిబిక్కిరి అయ్యారు. ముఖ్యంగా పసిబిడ్డలు ఉన్న వార్డు కావడంతో తల్లులు తీవ్ర ఆందోళనకు లోనయ్యారు. ప్రమాదాన్ని పసిగట్టిన వెంటనే బాలింతలు, గర్భిణీలు తమ ప్రాణాలను అరచేతిలో పెట్టుకుని పసిపిల్లలతో సహా బయటకు పరుగులు తీశారు. ఆసుపత్రి ఆవరణ అంతా రోగుల హాహాకారాలు, అరుపులతో ఒక్కసారిగా యుద్ధ వాతావరణాన్ని తలపించింది.

సమాచారం అందుకున్న వెంటనే ఆసుపత్రి సిబ్బంది, అగ్నిమాపక దళం రంగంలోకి దిగింది. మంటలు మరింత వ్యాపించకుండా అదుపు చేసేందుకు చర్యలు చేపట్టారు. వార్డులో చిక్కుకున్న పసిపిల్లలను, రోగులను సిబ్బంది సురక్షితంగా వేరే వార్డులకు తరలించారు. అదృష్టవశాత్తూ ఈ ప్రమాదంలో ఎటువంటి ప్రాణనష్టం జరగలేదని ప్రాథమిక నివేదికలు చెబుతున్నాయి, కానీ భారీగా పొగ కమ్మేయడం వల్ల చిన్న పిల్లల ఆరోగ్య పరిస్థితిపై వైద్యులు ప్రత్యేక నిఘా ఉంచారు.

Also Read: ప్రియుడి వివాహం.. షాకైన ప్రియురాలు, మత్తుతో కలిపిన పాలిచ్చి ఆపై కటింగ్

ఈ ఘటనతో ఆసుపత్రిలో భద్రతా ఏర్పాట్లపై విమర్శలు వెల్లువెత్తుతున్నాయి. ప్రభుత్వ ఆసుపత్రులలో తరచూ ఇలాంటి విద్యుత్ ప్రమాదాలు జరగడం పట్ల రోగుల బంధువులు ఆగ్రహం వ్యక్తం చేస్తున్నారు. ఉన్నతాధికారులు స్పందించి ఆసుపత్రిలోని ఎలక్ట్రికల్ ఫిట్టింగ్స్‌ను పునఃసమీక్షించాలని, భవిష్యత్తులో ఇలాంటి ప్రమాదాలు పునరావృతం కాకుండా కఠిన చర్యలు తీసుకోవాలని స్థానికులు కోరుతున్నారు. ఈ ఘటనపై జిల్లా కలెక్టర్ హిమాన్షు శుక్లా, విద్యాశాఖ స్పందించారు. ఆస్పత్రిలో రోగులంతా క్షేమంగా ఉన్నారని.. షార్ట్ సర్క్యూట్ వల్లే ఈ ఘటన జరిగిందని వెల్లడించారు.

నెల్లూరు GGH పిల్లల వార్డులో అగ్ని ప్రమాదం

షార్ట్ సర్క్యూట్ తో చెలరేగిన మంటలు

బయటికి పరుగులు తీస్తున్న బాలింతలు, గర్భిణీల పరుగులు

పిల్లల వార్డులో భారీగా మంటలు, పెద్ద ఎత్తున పొగ

Fire accident in Nellore GGH children's ward.Flames erupted due to short circuit. Pregnant… pic.twitter.com/DxIga8LvOt

— BIG TV Breaking News (@bigtvtelugu) March 1, 2026