Bengaluru: దారుణం.. తండ్రి అప్పు చెల్లించలేదని కుమార్తెపై అత్యాచారం!

Minor girl raped in Bengaluru: బెంగళూరులో దారుణం చోటుచేసుకుంది. తండ్రి అప్పు కట్టలేదని అతని మైనర్‌ కుమార్తెపై ఓ వడ్డీ వ్యాపారి అత్యాచారానికి పాల్పడ్డాడు. అప్పు తిరిగి చెల్లించనందుకు ప్రతీకారంగా 17 ఏళ్ల మైనర్‌పై 39 ఏళ్ల వ్యక్తి ఇంట్లో ఎవరూ లేని సమయంలో అప్పు చెల్లించాలని బాలికను బెదిరించడంతో పాటు అత్యాచారానికి పాల్పడ్డాడు. ఈ మేరకు ఆయనను మదనాయకహళ్లి పోలీసులు అరెస్టు చేశారు.

వివరాల ప్రకారం.. బెంగళూరులో రవికుమార్ అనే వ్యాపారి వద్ద బాలిక తండ్రి రూ.70 వేలు తీసుకున్నాడు. కొంతకాలం తర్వాత రూ.30 వేలు తిరిగి ఇచ్చాడు. అయితే మిగతా రూ.40వేల కోసం రవికుమార్ నిత్యం వాళ్ల ఇంటికి వెళ్లేవాడు. ఈ తరుణంలో ఆదివారం ఇంట్లో ఎవరూ లేని సమయంలో అప్పు చెల్లించాలని బాలికను బెదిరించాడు. ఈ సమయంలో బాగా ఒత్తిడి గురిచేసి చెంపపై కిస్ చేసి పోస్ట్ చేస్తానని బెదిరించాడు. అనంతరం అత్యాచారానికి ఒడిగట్టాడు.

మైనర్ బాలిక భయాందోళనతో కుటుంబసభ్యులకు ఏడ్చుకుంటూ చెప్పింది. దీంతో కుటుంబ సభ్యులు స్థానిక పోలీస్ స్టేషన్‌లో ఫిర్యాదు చేశారు. దీంతో పోలీసులు పోక్సో చట్టం కింద కేసు నమోదు చేశారు. అనంతరం నిందితుడిని పోలీసులు అదుపులోకి తీసుకొని విచారిస్తున్నారు.

Share

• 
• 
• 
• 
• 
•