Jyotirlinga Darshan: జ్యోతిష్య శాస్త్రం ప్రకారం పన్నెండు రాశులకు పన్నెండు జ్యోతిర్లింగాలు ఉన్నాయని పండితులు చెప్తున్నారు. అయితే ఒక్కో రాశి వారు ఆయా రాశికి సంబంధించిన జ్యోతిర్లింగ క్షేత్రాన్ని దర్శించుకోవాలని సూచిస్తున్నారు. ఆ వివరాలేంటో ఇప్పుడు తెలుసుకుందాం.
మేషరాశి: ఈ రాశి జాతకులు తమిళనాడులోని రామేశ్వర జ్యోతిర్లింగాన్ని దర్శించుకుంటే వారికి అంతా మంచే జరుగుతుందట. అయితే రామేశ్వర జ్యోతిర్లింగాన్ని దర్శించుకున్నప్పుడు ఈ కింది శ్లోకం పఠించాలట.
శ్లోకం: “సుతామ్ర పర్ణీ జలరాశి యోగే, నిబధ్య సేతుం విశిఖైర సంఖ్యై
శ్రీరామ చంద్రేన సమర్పితం తం, రామేశ్వరాఖ్యం నియతం నమామి.”
వృషభ రాశి: ఈ రాశిలో పుట్టిన వారు గుజరాత్లోని సోమనాథ జ్యోతిర్లింగాన్ని దర్శించుకోవాలని సూచిస్తున్నారు. వీరు పఠించాల్సిన
శ్లోకం:”సౌ రాష్ట్ర దేశే విదేశే తిరమ్యే జ్యోతిర్మయం చంద్ద్ర కళావ సంతం,
భక్తి ప్రాధానాయ క్రుపావతీర్ణం తం సోమనాధం శరణం ప్రపద్యే.”
మిథున రాశి: ఈ రాశి జాతకులు తమ జీవితంలో తప్పకుండా దర్శించాల్సిన జ్యోతిర్లింగం నాగేశ్వర జ్యోతిర్లింగం. ఇది మహరాష్ట్రలో ఉంది. ఈ రాశి జాతకులు పఠించాల్సిన
శ్లోకం:”యామ్యే సదంగే నగరే తిరమ్యే విభ్శితాంగం వివిధైశ్చ భొగై ,
సద్భక్తి ముక్తి ప్రదమేకం, శ్రీ నగనాధం శరణం ప్రపద్యే.”
కర్కాటక రాశి: ఈ రాశి జాతకులు జీవితంలో ఒక్కసారైనా “ఓం కార జ్యోతిర్లింగం” క్షేత్రాన్ని దర్శించాలట. అలాగే అక్కడ స్వామి వారిని దర్శనం చేసుకున్న తర్వాత ఈ కింది శ్లోకం పఠించాలట.
శ్లోకం: “కావేరికా నర్మదాయో పవిత్రే , సమాగమే సజ్జన తారణాయ,
సదైవమాన్దాత్రు పురే వసంతం, ఓం కారమీశం శివమే మీడే”
సింహరాశి : సింహ రాశిలో పుట్టిన జాతకులు తప్పకుండా దర్శించాల్సిన క్షేత్రం.. “శ్రీ ఘృష్ణేశ్వర జ్యోతిర్లింగం” ఇది కూడా మహారాష్ట్రలో ఉంది. ఈ క్షేత్రంలో పరమశివుడిని దర్శించుకున్న తర్వాత ఈ కింది శ్లోకం పఠించాలట.
శ్లోకం: “ఇలాపురే రమ్య విశాల కేస్మిన్ సముల్ల సంతం చ జగద్వ రేణ్యం,
వందే మహా దారాతర స్వభావం, ఘ్రుశ్నేస్వరాఖ్యం శరణం ప్రపద్యే.”
కన్యా రాశి: ఈ రాశిలో పుట్టిన జాతకులు ముఖ్యంగా దర్శించాల్సిన జ్యోతిర్లింగ క్షేత్రం “శ్రీశైల జ్యోతిర్లింగం”. ఇక్కడి స్వామిన దర్శించుకునే సమయంలో పఠించాల్సిన
శ్లోకం: “శ్రీ శైల శ్రుంగే విభుధాతి సంగే తులాద్రి తుంగే పి ముదావసంతం.
తమర్జునం మల్లిక పూర్వ మేకం, నమామి సంసార సముద్ర సేతుం.”
తులారాశి: ఈ రాశిలో పుట్టిన జాతకులు దర్శించాల్సిన జ్యోతిర్లింగ క్షేత్రం “మహాకాళే శ్వరం” జ్యోతిర్లింగం. ఈ స్వామిని దర్శించుకునే సమయంలో పఠించాల్సిన
శ్లోకం: “అవన్తికాయాం విహితావరం, ముక్తి ప్రధానాయ చ సజ్జనానాం,
అకాల మృత్యో : పరిరక్ష ణా ర్థం వందే మహాకాల మహాసురేశం “
వృశ్చిక రాశి: ఈ రాశిలో పుట్టిన వ్యక్తులు తప్పకుండా దర్శించుకోవాల్సిన క్షేత్రం “వైద్యనాదేశ్వర జ్యోతిర్లింగ క్షేత్రం. వీరు పఠించాల్సిన
శ్లోకం: “పూర్వొత్తరె ప్రజ్వాలికానిధానే , సాదావసంతం గిరిజాసమేతం
నురాసురారాదిత పాదపద్మం, శ్రీ వైద్య నాదం తమహం నమామి.”
ధనస్సు రాశి : ఈ రాశి జాతకులు జీవితంలో ఒక్కసారైనా దర్శించాల్సిన క్షేత్రం ” కాశీ విశ్వేశ్వర లింగం” ఈ స్వామిని దర్శించినప్పుడు తప్పకుండా పఠించాల్సిన
శ్లోకం: “సానంద వనే వసంతం, ఆనందకందం హత పాప బృందం,
వారణాసీనాధ మనాద నాదం, శ్రీ విశ్వ నాదం శరణం ప్రపద్యే.”
మకర రాశి: ఈ రాశి జాతకులు తమ జీవితంలో తప్పకుండా దర్శించుకోవాల్సిన జ్యోతిర్లింగ క్షేత్రం “భీమ శంకర జ్యోతిర్లింగ క్షేత్రం” వీరు పఠించాల్సిన
శ్లోకం: “యం డాకినీ శాకినికాసమాజై నిషేవ్యమాణం పిశితా శనైశ్చ,
సదైవ భీమాది పద ప్రసిధం, తం శంకరం భూత హితం నమామి.”
కుంభ రాశి: ఈ రాశిలో పుట్టిన వ్యక్తులు తప్పకుండా దర్శించాల్సిన క్షేత్రం “కేదారేశ్వర జ్యోతిర్లింగ క్షేత్రం” వీరు పఠించాల్సిన
శ్లోకం: “మహాద్రి పార్శ్వే చ రమంతం, సంపూజ్య మానం సతతం మునీన్ద్రై :
సురాసురై ర్యక్ష మహోర గాద్యై : కేదారమీశం శివమేక మీడే “
మీన రాశి: మీనరాశిలో పుట్టిన వ్యక్తులు తప్పకుండా తమ జీవితంలో దర్శించాల్సిన జ్యోతిర్లింగ క్షేత్రం “త్రయంబకేశ్వర జ్యోతిర్లింగ క్షేత్రం.” వీరు పఠించాల్సిన
శ్లోకం:”సహ్యాద్రి శీర్షే విమలే వసంతం, గోదావరీ తీర పవిత్ర దేశే ,
యద్దర్శనాథ్ పాతక మాశు నాశం, , ప్రయాతి తం త్రయంబక మీశ మీడే “
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Harish Rao: మద్యం మాఫియా సర్కార్.. అబ్కారీ శాఖలో రూ.కోట్లల్లో అవినీతి, హరీష్ రావు సంచలన వ్యాఖ్యలు
Temple Shadow: ఇంటిపై గుడి నీడ పడకూడదా..? - పడితే ఏమవుతుందో తెలుసా..?
