Diwali 2024: దీపావళి పండుగ అంటే దీపాల పండుగ. హిందూ మత గ్రంధాల ప్రకారం, సాధారణ రోజుల్లో కూడా పూజా సమయంలో దీపం వెలిగించడం తప్పనిసరి. పూజా మందిరంలో నెయ్యి దీపం వెలిగించడం వల్ల ఇంట్లో సుఖసంతోషాలు, ఐశ్వర్యం కలుగుతాయి. దీంతో లక్ష్మీదేవి ఇంట్లో శాశ్వతంగా నివసిస్తుంది. కానీ దీపం వెలిగించేటపుడు కొంత మంది చిన్న చిన్న పొరపాట్లు చేస్తుంటారు. అందుకే ఈ దీపావళి రోజున దీపాలు వెలిగించేటప్పుడు ఏయే ముఖ్యమైన విషయాలను గుర్తుంచుకోవాలనే విషయాలను గురించి ఇప్పుడు తెలుసుకుందాం.
ప్రధాన ద్వారం వద్ద దీపం:
మత విశ్వాసాల ప్రకారం, పండగ రోజు సాయంత్రం ప్రధాన ద్వారం వద్ద దీపం వెలిగించడం చాలా పవిత్రమైనదిగా పరిగణించబడుతుంది. ఎందుకంటే సాయంత్రం లక్ష్మీ దేవి ఇంట్లోకి ప్రవేశిస్తుందని నమ్ముతారు. కానీ చాలా మంది సరైన స్థలంలో దీపం వెలిగించకపోవడం చూస్తూ ఉంటాం. ఇంటి ప్రధాన ద్వారం వద్ద దీపం ఎల్లప్పుడూ కుడి వైపున వెలిగించాలి. ఇది ఇంటి నుండి బయలుదేరేటప్పుడు కుడి వైపున ఉండాలి. దీపం పడమర వైపు ఉండకుండా ప్రత్యేక శ్రద్ధ వహించండి.
తగిన నూనె:
జ్యోతిష్య శాస్త్రం ప్రకారం దీపం వెలిగించడానికి ఆవు నెయ్యి, ఆవాలు, నువ్వుల నూనెను ఉపయోగించాలి. కానీ దేవుడిని పూజించే సమయంలో నెయ్యి దీపాలు మాత్రమే వెలిగించాలి.
దీపం యొక్క ముఖం:
జ్యోతిష్య శాస్త్రం ప్రకారం, దీపం యొక్క ముఖం ఎల్లప్పుడూ తూర్పు లేదా ఉత్తర దిశలో ఉండాలి. సనాతన ధర్మం ప్రకారం.. ఈ రెండు దిశలు చాలా పవిత్రమైనవిగా పరిగణించబడతాయి. అటువంటి పరిస్థితిలో, దీపాన్ని ఈ దిశలో ఉంచడం ప్రయోజనకరంగా ఉంటుంది. తప్పుడు దిశలో దీపాన్ని ఉంచితే అది మీకు హాని కలిగిస్తుంది.
పగిలిన దీపాన్ని వెలిగించకూడదు:
దీపం వెలిగించే ముందు, అది విరిగిపోయిందా లేదా మురికిగా ఉందా అనే విషయాలపై శ్రద్ద వహించండి. ముఖ్యంగా పూజ చేసేటప్పుడు శుభ్రమైన, పగలని దీపాలను మాత్రమే ఉపయోగించాలి. పూజలో ఎట్టి పరిస్థితుల్లోనూ పగిలిన దీపాలను ఉపయోగించకూడదు. ఇది మీ అసంపూర్ణ విశ్వాసానికి చిహ్నంగా పరిగణించబడుతుంది. ఇలా చేయడం వల్ల ఇంట్లో ప్రతికూలత కూడా వస్తుంది.
దీపం వత్తి:
మీరు దేవునికి హారతి ఇచ్చే దీపంలో వత్తిని ఉపయోగించండి. మీరు నెయ్యి దీపం వెలిగించినప్పుడల్లా, పూల వత్తిని ఉపయోగించండి. మీరు నూనె దీపాన్ని ఉపయోగిస్తుంటే, దానిలో పొడవైన వత్తి ఉపయోగించండి. దీపం యొక్క వత్తి ఎల్లప్పుడూ పత్తితో తయారు చేయబడినదై ఉండాలి.
Also Read: 500 ఏళ్ల తర్వాత 2 గ్రహాల అరుదైన కలయిక.. ఈ రాశుల వారికి దీపావళి నుంచి అన్నీ మంచి రోజులే
దీపాల సంఖ్య:
పూజ సమయంలో వెలిగించే దీపాలను పంచదీప్ అని పిలుస్తారు. వీటిని హారతి సమయంలో వెలిగించడం ఉత్తమమైనదిగా భావిస్తారు. ఇందులో ఐదు నెయ్యి దీపాలు వెలిగిస్తారు. కానీ సాధారణంగా ఇళ్లలో రోజువారీ హారతిలో కూడా దీపాన్ని ఉపయోగిస్తారు. 1, 5 లేదా 7 లేదా ఏదైనా బేసి సంఖ్యలో దీపాలను వెలిగించి దేవుడికి హారతి ఇవ్వాలనే నియమం ఉంది.
పూజ , ఏదైనా శుభ కార్యం సమయంలో దీపాలను జాగ్రత్తగా వెలిగించండి . అందులో నెయ్యి పుష్కలంగా వేసి వత్తి వేయండి. తద్వారా పూజ పూర్తయ్యే వరకు దీపం వెలుగుతూనే ఉంటుంది. అలాగే, దాని వత్తిని ఎప్పటికప్పుడు చూస్తూ, దానికి నెయ్యి అందేలా చేయండి. దీంతో దీపం వెలుగుతూనే ఉంటుంది. దీపాలు మధ్యలో ఆరిపోవడాన్ని చెడు శకునంగా భావిస్తారు.
Share
Silver Pooja Items: ఎంత నల్లగా ఉన్న వెండి సామాగ్రి అయినా.. ఇలా చేస్తే క్షణాల్లోనే మెరిసిపోతాయ్
OTT Movie : అద్దాల మేడలో అందమైన అమ్మాయిలు... అక్కడ కాలు పెడితే తిరిగిరారు
