Kitchen Vastu: వంటగదిలో ఈ వాస్తు నియమాలను పాటిస్తేనే.. అన్నపూర్ణా దేవి ఆశీస్సులు !

Kitchen Vastu:అన్నపూర్ణ దేవిని ఆహార దేవతగా భావిస్తారు. ఆమె ఆశీర్వాదాలతో భక్తులకు ఎప్పుడూ ఆహార కొరత ఉండదు. హిందూ విశ్వాసాల ప్రకారం.. అన్న పూర్ణ దేవి వంటగదిలో నివసిస్తుంది. అందుకే అన్నపూర్ణ దేవి ఆశీర్వాదాలు మీ కుటుంబంతో ఉండాలంటే వంటగదికి సంబంధించిన కొన్ని నియమాలను తప్పకుండా పాటించాలి. వంటగదికి సంబంధించిన నియమాలను గురించి ఇప్పుడు తెలుసుకుందాం.

ఏ దిశ సరైంది ?

వాస్తు శాస్త్రం ప్రకారం.. ఇంటికి ఆగ్నేయ దిశలో వంటగది నిర్మించడం శుభప్రదంగా చెబుతారు. ఈ దిశలో అగ్ని ఆధిపత్యం చెలాయిస్తుంది. కాబట్టి ఈ దిశలో వంట చేయడం ఉత్తమం. దీని వల్ల ఆ ఎప్పుడూ ఆహార కొరత ఉండదు. ఈ దిశలో వంటగది నిర్మించడం మీకు సాధ్యం కాకపోతే.. మీరు ఇంటి వాయువ్య మూలలో కూడా వంటగదిని నిర్మించుకోవచ్చు.

ఈ విషయాలను గుర్తుంచుకోండి:

వంటగదిలో విరిగిన లేదా పగిలిన పాత్రలను ఎప్పుడూ ఉంచకూడదు. అంతేకాకుండా.. దెబ్బతిన్న లేదా ఉపయోగించని వస్తువులను వంట గదిలో నిల్వ చేయకుండా ఉండండి. ఇది ప్రతికూల శక్తిని సృష్టిస్తుంది. మురికి పాత్రలను రాత్రంతా సింక్‌లో ఉంచడం వల్ల అన్నపూర్ణ దేవి ఆగ్రహానికి గురవుతుందని నమ్ముతారు. అందుకే పాత్రలన ఎప్పటికప్పుడు శుభ్రం చేసుకోవడం మంచిది.

వాస్తు దోషాలు:

వాస్తు శాస్త్రం ప్రకారం.. వంటగదిలో అద్దాలను ఎప్పుడూ ఉంచకూడదు. ఇంకా.. చీపుర్లు లేదా మురికి బట్టలు కూడా వంటగదిలో ఉంచకూడదు. ఈ దుస్తులను ఎల్లప్పుడూ శుభ్రంగా ఉంచాలి. అన్నపూర్ణ దేవి ఆశీస్సులు మీపై, మీ కుటుంబంపై ఉండేలా వంటగదిని ఎల్లప్పుడూ శుభ్రంగా ఉంచాలి. అయితే.. ఈ విషయాలను నిర్లక్ష్యం చేయడం వల్ల వాస్తు దోషాలు వస్తాయి.