Guru Uday 2024: జ్యోతిష్య శాస్త్రంలో బృహస్పతిగ గ్రహాన్ని ఆనందం, శ్రేయస్సు, సంపద వంటి వాటికి బాధ్యత వహించే గ్రహంగా పరిగణిస్తారు. ఏ రాశిలో అయితే బృహస్పతి గ్రహం ఉంటుందో వారికి అదృష్టం, ఆనందం, జ్ఞానం, కీర్తిని ఇస్తుంది. అయితే దేవగురువుగా పరిగణించే బృహస్పతి వృషభరాశిలో ఉదయించాడు. బృహస్పతి ఉదయించడం వల్ల కొన్ని రాశుల వారికి శుభం కలుగుతుంది. ఉన్నతమైన స్థానం, గౌరవం, ఆదరణ, సంపదలు లభిస్తాయి. అలాగే, ప్రేమ వివాహాల్లోను సంతోషకరమైన వార్తలు వినే అవకాశాలు ఉంటాయి. అయితే వచ్చే 1 సంవత్సరం పాటు పలు రాశుల వారికి అదృష్టం కలగనుంది. మరి ఆ రాశుల వివరాలు ఏంటో తెలుసుకుందాం.
రాశిచక్రాలపై గురు శుభ ప్రభావం
మేషం
మేష రాశి వారి జీవితంలో అన్ని అదృష్టాలు కలిసిరానున్నాయి. కొత్త ఉద్యోగం పొందే అవకాశాలు ఉంటాయి. కొన్ని ముఖ్యమైన పనులు పూర్తి అవుతాయి. ఆర్థిక లాభం పెరిగి, జీవితంలో సంతోషం, ఐశ్వర్యం కలుగుతుంది. సమస్యల నుంచి ఉపశమనం లభిస్తుంది. మతపరమైన కార్యక్రమాల పట్ల ఆసక్తి పెరుగుతుంది.
వృషభం
బృహస్పతి వృషభరాశిలో మాత్రమే ఉదయిస్తున్నాడు. బృహస్పతి రాబోయే 1 సంవత్సరం పాటు ఈ రాశిలో ఉండడం వల్ల చాలా ప్రయోజనాలు చేకూరనున్నాయి. దాంపత్యంలో వస్తున్న సమస్యలు తీరిపోతాయి. ఆర్థిక లాభం ఉంటుంది. పదవి, డబ్బు, శ్రేయస్సు లభిస్తుంది. చాలా కాలంగా ఎదురుచూస్తున్న ప్రమోషన్ కూడా లభిస్తుంది.
కర్కాటకం
బృహస్పతి ఉదయించడం కర్కాటక రాశి వారికి కూడా మేలు జరుగుతుంది. కొంతమందికి ప్రత్యేక ప్రయోజనాలు లభించవచ్చు. పదవులు, ప్రతిష్టలు పొందుతారు. కొత్త ఆదాయ వనరులు ఏర్పడతాయి. సమాజంలో ఆదరణ పెరుగుతుంది. ప్రేమ జీవితం బాగుంటుంది. వృత్తిలో పురోగతి ఉంటుంది.
కన్య
ఈ రాశి వారికి అనుకున్న పనులు పూర్తి అవుతాయి. సంపద, బ్యాంక్ బ్యాలెన్స్ పెరుగుతుంది. జీవితంలో ఆనందం ఉంటుంది. వైవాహిక సుఖాన్ని పొందుతారు. చాలా కాలంగా ఎదురుచూస్తున్న శుభవార్తలను వినే అవకాశాలు ఉంటాయి.
కుంభం
కుంభ రాశి వారికి కూడా అనేక విషయాల్లో శుభవార్తలు వినే అవకాశం ఉంది. ఆర్థిక పరిస్థితి మెరుగుపడుతుంది. ముఖ్యంగా వ్యాపారస్తులు అధిక లాభాలను పొందుతారు. వివాహ అవకాశాలు ఉన్నాయి.
Share
Election Results: కేంద్రంలో మూడోసారి అధికారాన్ని చేపట్టబోతున్న ఎన్డీఏ.. మిగతా పార్టీలకు ఎన్ని సీట్లు వచ్చాయంటే..?
Sweating Health Benefits: చెమటలు పడితే మంచిదేనా.. నిపుణులు ఏం చెబుతున్నారు..?
