kodungallur : సాధారణంగా మనం గుడికి వెళ్తే.. భక్తితో దేవుడిని పూజిస్తాం. కానీ ఓ గుడికి వెళ్తే మాత్రం దేవుడిని తిట్టాల్సిందే. పైగా భక్తి పాటలకు బదులు.. తిట్ల పాటలు ఉంటాయి. ఆ గుడిలో పూజలు, కొబ్బరికాయ కొట్టడాలు ఉండవు. అదే అక్కడి ఆచారం. మరి ఆ గుడి ఎక్కడ ఉంది? ఇంకా ఆ గుడికి ఉన్న స్పెషాలిటీస్ ఏంటో చూద్దాం.
కొడుంగల్లూర్ భగవతీ ఆలయం
కేరళలోని అత్యంత శక్తివంతమైన పీఠాలలో ఒకటైన ‘కొడుంగల్లూర్ భగవతీ ఆలయం’ చాలా ప్రత్యేకం. ఎందుకంటే ఈ గుడిలో ఉన్న అమ్మవారి రూపంతో పాటు ఏటా జరిగే 7 రోజుల ఉత్సవాలు విచిత్రంగా ఉంటాయి. ఆ ఏడు రోజుల ఉత్సవాల్లో భక్తులు కత్తులతో తలపై దాడి చేసుకుని.. ఆ రక్తంతోనే గుడిలోకి వెళ్తారు.
గుడిపైకి రాళ్లు విసురుతారు!
గుడిలోకి వెళ్లి భద్రకాళీ అమ్మవారిని నానా తిట్లు తిడతారు. తిట్ల దండకమే కాదు.. భక్తి గీతాల రూపంలో కూడా తిట్టిపోస్తారు. అక్కడితో ఆగకుండా పూనకం వచ్చినట్లు ఊగిపోతూ.. గుడిపైకి రాళ్లు విసురుతారు. ఆ 7 రోజుల ఉత్సవాల తర్వాత.. వారంరోజులపాటు ఆలయాన్ని మూసివేసి ఆ రక్తపు మరకల్ని శుభ్రం చేస్తారు. ఇలా చేస్తే వారికి మంచి జరుగుతుందని వారి నమ్మకం.
Share
Jammu Kashmir Muslim league | ముస్లిం లీగ్ జమ్మూ కశ్మీర్పై నిషేధం విధించిన మోదీ ప్రభుత్వం
Hyderabad : న్యూఇయర్ వేడుకలు.. నగరంలో ట్రాఫిక్ ఆంక్షలు..
